Morgunblaðið - 12.11.2008, Side 16

16 FréttirINNLENT
MORGUNBLAÐIÐ MIÐVIKUDAGUR 12. NÓVEMBER 2008
Helgi Bjarnason
helgi@mbl.is
„ÉG þekki þetta
ekki vel, hef ekki
farið áður á Ól-
ympíumót. Ég
hugsa að það
væri fínt að ná
50% árangri, eða
þar yfir,“ segir
Hallgerður
Helga Þorsteins-
dóttir, Íslands-
meistari í skák
sem er í skáksveit Íslendinga í
kvennaflokki á 38. Ólympíumótinu í
skák sem hefst í Dresden í Þýska-
landi á morgun. Hún er aðeins
fimmtán ára.
Skáksamband Íslands sendir tvö
lið á Ólympíumótið, eitt lið í opnum
flokki og annað í kvennaflokki.
Björn Þorfinnsson, forseti Skák-
sambands Íslands, segir að upp hafi
komið raddir um að hætta ætti við
þátttöku vegna efnahagsástandsins.
Skáksambandið hafi hins vegar
ákveðið að sækja innblástur í för
fjögurra íslenskra skákmanna á Ól-
ympíumótið í Buenos Aires árið
1939, þegar ástandið hafi verið
miklu verra og skákmennirnir orðið
að húkka sér far með togara frá
landinu. Síðan hafi Ísland alltaf ver-
ið með á Ólympíumótum og oft náð
góðum árangri.
Skákliðin fara til Þýskalands í
dag. Hannes Hlífar Stefánsson teflir
á fyrsta borði í opna flokknum, Héð-
inn Steingrímsson á 2. borði, Henrik
Danielsen á 3. og Stefán Krist-
jánsson á 4. borði. Þröstur Þórhalls-
son er varamaður. Allt eru þetta
stórmeistarar nema Stefán en Björn
vonast til að hann nái þeim áfanga á
mótinu.
Lenka Ptacknikova teflir á fyrsta
borði í kvennaflokknum, Guðlaug
Þorsteinsdóttir á 2., Hallgerður H.
Þorsteinsdóttir á 3. borði og Sig-
urlaug R. Friðþjófsdóttir á 4. borði.
Elsa María Kristinsdóttir er vara-
maður.
Hallgerður segist vera mjög
spennt að fara í fyrsta skipti á Ól-
ympíumót en hafi þó ekki misst úr
svefn enda hafi verið nóg að gera.
Hún er í MR og auk þess í fiðlunámi.
Hún segir að nokkuð hafi verið æft
fyrir mótið og svo hafi hún reynt að
undirbúa sig sjálf í tölvunni heima
og fylgjast með því sem er að gerast.
Fimmtán ára skákkona
á leið á Ólympíumót
Hallgerður H.
Þorsteinsdóttir
Eftir Ylfu Kristínu K. Árnadóttur
ylfa@mbl.is
BILUN í olíuhitara er talin hafa or-
sakað brunann á Ásmundarstöðum í
Ásahreppi í Rangárvallasýslu í
fyrrakvöld sem olli því að 3.500 kjúk-
lingar drápust. Um 7.800 kjúklingar
voru í eldishúsinu þar sem eldurinn
kviknaði en flestir fuglanna drápust
vegna reyksins. Af þeim sem tókst
að bjarga í gærkvöldi voru 750 dauð-
ir í morgun.
Tæknideild lögreglunnar rann-
sakaði eldishúsið í gærmorgun og
lauk rannsókninni um hádegisbilið.
Þá tók við hreinsunarstarf en um
fimm starfsmenn á búinu gengu um
húsið og hirtu upp hræin. Fuglarnir
voru 26 daga gamlir og að sögn Jarle
Reiersen, framleiðslustjóra í eldi,
átti að slátra þeim í lok næstu viku.
Jarle segist ekki vita hversu mikið
fjárhagslegt tjón um væri að ræða
en sláturverðmæti allra 7.800
fuglanna í húsinu var á annan tug
milljóna króna. Þá eru miklar
skemmdir á húsinu sem tekur
nokkra mánuði að gera við en á með-
an verður salurinn algerlega ónot-
hæfur. Fljótlega tekur við uppbygg-
ingarstarf en fóðurkerfið skemmdist
mikið sem og vatnslínur og allur raf-
magnsbúnaður.
Jarle segir brunann ekki hafa
mikil áhrif á framleiðsluna, a.m.k.
ekki til langs tíma litið. Í næstu viku
verði minna sent af kjúklingi í búðir
en venjulega en annars gangi fram-
leiðslan sinn vanagang.
Morgunblaðið/Valdís Thor
Hreinsun Starfsmenn kjúklingabúsins unnu hörðum höndum að því í gær að hreinsa upp fuglshræin í eldissalnum.
Milljóna króna tjón
 3.500 kjúklingar drápust þegar eldur kviknaði í eldishúsi
 Tjónið er talið hafa óveruleg áhrif á framleiðsluna
Morgunblaðið/Valdís Thor
Upptök Eldurinn kviknaði í olíuhitara í einu horni hússins.
VIÐVÖRUNARKERFI í eldishúsinu fór í gang kl. 20:22. Fyrst kom hitaboð
og fjórum mínútum síðar brunaboð. Viðbúnaðarkerfið á Ásmundarstöðum
er tengt Öryggismiðstöðinni sem lét starfsmann búsins vita. Eldur var ekki
mikill og náði starfsmaðurinn að slökkva hann áður en slökkvilið mætti á
staðinn.
Jarle segir að nokkurn tíma muni taka að koma húsinu í það horf að það
standist kröfur sem gerðar eru um eldishús fyrir kjúklinga. Þrátt fyrir það
ætti óhappið ekki að hafa mikil áhrif á framleiðsluna en fuglarnir eru seld-
ir undir merkinu Holtakjúklingar. Á Ásmundarstöðum eru mörg hús sem
verða nýtt betur meðan viðgerðin fer fram en þegar öll húsin eru fullnýtt
eru í þeim á bilinu 150-160 þúsund kjúklingar.
Í heild um 160 þúsund fuglar
Eftir Ómar Friðriksson
omfr@mbl.is
EKKI hefur enn tekist að tryggja að
Íslendingar fái lán frá Norð-
urlöndum og öðrum ríkjum til við-
bótar væntanlegri lánveitingu Al-
þjóðagjaldeyrissjóðsins (IMF).
Forsætisráðherrar Norðurlandanna
sögðu í sameiginlegri yfirlýsingu 27.
október að norrænu ríkin mundu
styðja áætlunina hjá IMF þegar hún
kæmi til umfjöllunar í stjórn sjóðs-
ins. Í svari sem barst frá IMF í gær
við fyrirspurn Morgunblaðsins segir
hins vegar að fyrst verði að ljúka að
fullu við alla fjármögnun áætlunar-
innar áður en hægt verði að leggja
hana fyrir framkvæmdastjórn sjóðs-
ins. Það gangi þó ágætlega og búist
sé við að haldinn verði fundur um
málið í stjórn sjóðsins fljótlega.
Ilkka Kajaste, aðstoðarráðuneyt-
isstjóri í finnska fjármálaráðuneyt-
inu, sem á sæti í samstarfshópi
Norðurlanda um aðstoð við Íslend-
inga, segir að málið sé bæði erfitt og
flókið en það sé þó ekki skilyrði fyrir
því að norrænar ríkisstjórnir styðji
lánveitingapakka til Íslendinga að
Íslendingar leggi fram ítarlegri upp-
lýsingar.
,,Fulltrúar íslenskra stjórnvalda
upplýstu okkur í síðustu viku um
stöðu mála og mögulega aðstoð IMF.
Það eru enn einstök mál, bæði laga-
leg og efnahagsleg sem þarf að
greiða úr. Það myndi að sjálfsögðu
auðvelda okkur að átta okkur betur
á ástandinu á Íslandi ef við gætum
fengið frekari upplýsingar,“ sagði
Kajaste og nefndi fjárlagagerð
næsta árs sem dæmi um það en
ítrekaði að það væru þó ekki nein
formleg skilyrði fyrir framgangi
málsins.
Kajaste sagði einnig að það myndi
greiða fyrir úrlausn málsins og auð-
velda pólitískar ákvarðanir ef lausn
fyndist á lagadeilum við Breta og
Hollendinga um Icesave-reikn-
ingana. „Við fylgjumst mjög náið
með framvindu þess.“
Kajaste tók fram að Finnar væru
með í þessum viðræðum en finnsk
stjórnvöld hefðu ekki enn tekið
ákvörðun um þátttöku í lánveitingu
til Íslendinga.
– Þið bíðið niðurstöðu IMF? „Já.
Mér skilst að það sé orðið mjög
brýnt að áætlun IMF verði hrint í
framkvæmd.“
Beðið eftir IMF
sem bíður eftir
viðbótarlánum
Morgunblaðið/Kristinn
18 dagar liðnir Samkomulag um
lán IMF til Íslands var kynnt 24. okt.
Í HNOTSKURN
»Fyrirhugað lán IMF hljóð-ar upp á 2,1 milljarða doll-
ara en það er um þriðjungur
af þeirri fjárhæð sem ríkið
þarf að afla hjá öðrum ríkjum
til að koma á stöðugum gjald-
eyrismarkaði hér á landi, skv.
samkomulaginu við IMF.
»24 framkvæmdastjórarsitja í yfirstjórn IMF og
funda þeir yfirleitt tvisvar til
þrisvar í viku.
»Norðmenn ætla að lána Ís-lendingum jafnvirði 644
milljóna Bandaríkjadala, Fær-
eyingar hafa boðist til að lána
56 milljónir dala og Pólverjar
200 milljónir.
ÞÓTT inngrip Alþjóðagjaldeyr-
issjóðsins í efnahagsstjórn ríkja
séu mjög umdeild eru þess dæmi
að hagvöxtur hafi tekið mjög hratt
við sér. Þegar fjármálakreppa reið
yfir í Asíu dróst þjóðarframleiðsla
Suður-Kóreu saman um 6,5% á
árinu 1998. Þá hófst mikill upp-
gangur og hagvöxtur í S-Kóreu var
10,2% á árinu 1999. Fræðimað-
urinn Kyung Won Kim hefur sagt
ástæðuna þá að milliríkjaviðskipti
vega þungt (70% af landsfram-
leiðslu) og því reis landið fyrr úr
kreppunni en önnur sem leituðu á
náðir IMF.
Landsframleiðslan tók kipp
VERÐ á bensíni hækkaði í gær hjá
N1 og dótturfélaginu Egó um fjórar
krónur á lítra og dísilolía hækkaði
um 6 krónur. Önnur olíufélög
breyttu ekki verði í gærkvöldi.
Lækkun á gengi krónunnar gagn-
vart Bandaríkjadal er ástæða elds-
neytishækkana hjá N1. Magnús Ás-
geirsson innkaupastjóri sagði að
gengisbreytingarnar hefðu étið upp
miklar verðlækkanir á olíu á heims-
markaði og gert betur en það.
Algengt verð í sjálfsafgreiðslu á
bensínstöðvum N1 var í gær 158,70
kr. lítrinn og dísilolían kostaði 182,40
kr. Til samanburðar má geta þess að
algengt bensínverð á stöðvum Skel-
ungs og Olíss var 154,50 og á dísil
176,40 til 176,60 kr. Lægsta bensín-
verðið var í gærkvöldi á tveimur
stöðvum Orkunnar í Hafnarfirði og
Kópavogi, 149,10 kr. lítrinn.
Runólfur Ólafsson, framkvæmda-
stjóri FÍB, kvaðst ekki sjá að grund-
völlur væri til hækkunar bensín-
verðs. Dagurinn hefði að minnsta
kosti ekki verið rétti tíminn þar sem
heimsmarkaðsverð á olíu hafi haldið
áfram að lækka. Útreikningar FÍB
benda til að olíufélögin hafi verið að
auka álagningu sína á eldsneyti og að
í liðnum mánuði hafi neytendur verið
að greiða hæstu álagningu sem
mælst hefur síðustu fjögur árin.
Sagði Runólfur erfitt að sætta sig við
aukna álagningu á tímum sem þess-
um. „Þetta fyrirtæki flaggar ís-
lenska fánanum á stöðvum sínum til
að hvetja til samstöðu. Það virðist
ekki taka þátt í henni sjálft,“ sagði
Runólfur Ólafsson.
Hann lét í ljós þá ósk að hin olíufé-
lögin fylgdu ekki þessu fordæmi.
helgi@mbl.is
N1 hækkar bensín-
verð um 4 krónur