Skinfaxi - 01.10.1936, Page 61

SKINFAXI
157
Marc/an dýran áttu arf,
er þér léttir fótinn,
f)á er ötult, ástríkt starf
eina sáluhótin.
Ef að lyftist löngun þin
lengra fjöldans huga,
vildi hrjúfa höndin mín
henni fegin duga.
Þó að fjarskinn feli þig
fyrir augum mínum,
heldurðu á að hrífa mig
hætti og vilja þínum.
Fleira en skyldi í fyrnsku ber
ferill minna ára;
býr þó enn í brjósli mér
bjarmi Ijósra hára.
Heldur vil ég hirða fjós
með heiðri og sóma,
en hempu mér til hneisu bera
og heilli stétt til skammar vera.
Ölvaður bindindismaður.
Um er skipt, á annan stig
atvik kipptu honum.
Ilann er að svifla sjálfan sig
sóma og giftuvonum.
Ólán þegar einhvern ber
út úr götu svona,
hrópa á mig til hjálpar sér
hundruð gleymdra vona.