Skinfaxi - 01.04.1950, Page 45

SKINFAXI
45
túnið, mýrin eru liinir ágætustu leikvangar, liugsunin, athug-
unin, viljinn og „krafturinn i sjálfum þér“ beztu félagarnir.
Nú fer að líða á vetur. Þú hefir í vetur stundað mýkjandi
og hitandi fimleikaæfingar til þjálfunar, gengið, skokkað,
hlaupið við fót, sprett úr spori og baðað þig. En nú tekur
þú fram Skinfaxa og lítur í iþróttaþættina og tekur til við
séræfingar þínar i þeirri eða þeim frjálsíþróttagreinum, sem
þér falla bezt.
Þjálfun þín til þessa hefur miðað að því að efia líkama þinn,
fá aukna snerpu, styrk og þol, en nú þarftu að þjálfa þig
til tæknilegrar færni og leikni i sérgrein þinni. í þeirri við-
leitni skaltu brjóta greinina í þáttabrot, líkt og ég hef leitazt
▼ið að gera i kennsluþáttunum, æfa og hugsa hvert smáatriði,
tengja þau siðan sainan smátt og smátt i heild, svo allt verði
reiprennandi, auðvelt og skemmtilegt, og færi þér ánægju og
siaukin afrek. Engin þjösnaleg átök má hafa i frammi né
erfiði. Slíkt þreytir og dregur úr getunni. Hefurðu ekki tekið
eftir þvi við vinnu, að beitir þú þér til hins ýtrasta einn dag,
eru afköst þín léleg hinn næsta dag? Sé haldið áfram að
beita ýtrustu orku dögum saman, kemur þreytan, sljóleikinn
og leiðinn. Sama regla gildir um æfingu iþrótta. Varastu of-
þjálfun. Mundu eftir mýktinni. Varastu langvarandi vöðva-
bindingu.
Margt má áreiðanlega að kennsluþáttunum finna, en þó er
einn galli þeirra stærstur, og hann er sá, að í þá vantar leið-
beiningar um æfingu og þjálfun. Æfingatöflur og þjálfunar-
lýsingar ættu að hafa fylgt hverjum þætti. Úr þessu mun
verða bætt, ef þeir koma út i heild. Við höfum séð það á
undanförnum árum, að islenzk æska um allt land getur stokk-
ið hátt, stokkið og kastað langt og hlaupið hratt. En komist
lslenzk æska upp á lag með að æfa iþróttir sinar á þann hátt
sem skynsamlegast er talið, mun hún ná hærra, lengra og
hraðara. Og þessara auknu afreka mun ekki aðeins gæta i
leiknum, heldur líka í hinu daglega lífi, hvert sem starfið
annars er.
í iþróttaþáttum Skinfaxa i framtíðinni munu því verða
tekin til meðferðar ýmis þau atriði, sem geta stuðlað að bætt-
um iþróttaiðkunum.