Skinfaxi - 01.04.1950, Blaðsíða 59

SKINFAXI
59
sem stofnuð var 1921 eða 1922. Björn GuSmundsson sá spunn-
ið á handspunavél á Heimilisiðnaðarsýningunni í Reykjavik
1921. Gekkst liann síðan fyrir því, að ungmennafélagar
keyptu hingað handspunavél, 25 þráða. Kenndi Björn sjálfur
að spinna á vélina. Yar vél þessi notuð mikið árum saman
og kom hún að hinu mesta gagni. Siðar bættust 2 aðrar vélar
sveitinni, sem líka voru félagseign, og hafa þær orðið heim
ilisiðnaði sveitarinnar ómetanleg stoð.
Bókasafn Mýrahrepps.
31. desember 1894 var stofnað Lestrarfélag Mýrahrepps og
var það aðallega fyrir tilhlutan Bindindisfélags Mýrahrepps.
Starfaði það um margra ára skeið og naut styrks úr sveitar-
sjóði. A fyrstu árum ungmennafélagsins var félagið liætt
störfum, en hreppurinn hafði eignazt bækur þess. Var þá
safnið ónotað og í vanhirðu. Bauðst þá ungmennafélagið til
að taka að sér starfrækslu safnsins, ef hreppurinn vildi
leggja fé af mörkum á móti félaginu til starfrækslunnar. Var
gerður 5 ára samningur 1. jan. 1915 milli félagsins og hrepps-
nefndarinnar, þar sem félagið tók að sér umsjón, starfrækslu
og varðveizlu bókasafnsins. Lét það smiða bókaskápa, fékk
til bókaverði og hefur síðan séð um starfrækslu safnsins, en
samningurinn var aldrei framlengdur skriflega. Hefur safnið
starfað á hverju ári siðan og mikið notað.
Héraðsskólamálið.
Á héraðsþingi Ungmennafélags Vestfjarða, sem haldið var
á Arngerðareyri 1928 var samþykkt að gera liéraðsskóla-
málið að óskabarni héraðssambandsins. Stóð þá til að breyta
ungmennaskóla sr. Sigtryggs Guðlaugssonar á Núpi, sem
starfað hafði þar með prýði frá 190C i héraðsskóla fyrir
Vestfirði. Vantaði þá stórmikið fé heiman úr héraði til stofn-
kostnaðarins til nýbygginga. Lofuðu Vestur-ísafjarðarsýsla,
Norður-ísafjarðarsýsla og Barðastrandarsýsla 10 þúsund kr.
framlagi hver. En héraðssambandið lofaði 15 þús. krónum.
Var þessi samþykkt ofdirfskuverk fáeinna fátækra ungmenna-
félaga, sem þá höfðu i mörg önnur horn að lita. Varð þó hér-
aðssambandið fyrst til að fullnægja sínu loforði. Var sam-
bandinu lánað féð vaxtalaust, um óákveðinn tíma, af mörg-
um félögum i ungmennafélögum og fáeinum öðrum unn-
endum þeirra. Tóku félagar i U.M.F. Mýrahrepps að sjálf-
sögðu allmikinn þátt í þeim stuðningi. Félögin skildu og
kunnu að meta, að skólinn hafði verið þeim ágæt stoð bæði