Skinfaxi - 01.04.1950, Side 60

60
SKINFAXI
beint og óbeint, og sýndu þarna þakklæti sitt og viðurkcnn-
ingu til skólans i verki.
íþróttaiðkanir.
Félagið hefur fyrr og síðar, lagt félögum sinum lið við
nám og iðkun íþrótta, s. s. glimu, sunds o. fl. Var haldið
uppi sundkennslu í Vaðlinum á Mýrum tvö sumur fyrir
börn og unglinga sveitarinnar (1928 og 1929. Kennari: Valdi-
mar Össurarson frá Kollsvík). Síðar kom sundkennsla í sund-
laug héraðsskólans á Núpi, byggð 1931.
Á siðustu árum hafa verið hér íþróttakennarar á vegum U.M.
F.í. Síðustu tvö sumrin hefur söngkór æft söng á vegum
félagsins, undir stjórn Hauks Kristinssonar á Núpi.
Ýmis störf.
Þá má og geta þess, að snemma á starfsævi félagsins, var
þvi skipt í deildir til fyllra starfs. Út á sveitinni starfaði deild
sem hét Harpa, á innsveitinni starfaði Heiðbláin. Síðar voru
þær endurreistar. Á útsveit starfaði Yngri deild U.M.F. Mýra-
hrepps, og á innsveit Tóbaksbindindisflokkur U.M.F. Mýra-
hrepps, sem starfaði lengi og vel af miklu fjöri, og átti Guðm.
Gislason á Höfða mikinn þátt í því starfi. Hafði flokkurinn
um langt árabil jólatréssamkomur fyrir börn á Lambahlaði,
stundaði kartöflurækt til fjáröflunar, fékkst við vegagerð til
afskekktra bæja o. fl. Svipuð starfsemi átti sér stað lijá deild-
inni á útsveitinni, meðan liún starfaði. Nú eru þessar undir-
deildir U.M.F. Mýrahrepps úr sögunni i bili.
Félagsheimili.
Nú á siðustu árum er í undirbúningi, að lyfta þyngsta
Grettistakinu, sem félagið hefur færzt í fang, þ. e. bygging
félagsheimilis fyrir sveitina. Á félagið þegar i húsbyggingar-
sjóði kr. 11.200.00. Er nú hafinn undirbúningur að samvinnu
milli ungmennafélagsins og annarra félagssamtaka í sveit-
inni um þetta mál, og er það vel. Vonandi verður þessu stór-
virki lokið áður en næsta áfanga er náð, svo 50 ára afmælis-
minningin verði haldin þar.
Skylt finnst mér á þessari stundu, að þakka þann einstaka
góðvilja, er félagið hefur notið frá upphafi, þar sem er ókeypis
húsnæði til fundahalda, i barnaskólum hreppsins, í skól-
anum á Núpi og í þinghúsinu á Mýrum, meðan það var i einka-
eign. Og er Friðrik Bjarnason á Mýrum gaf hreppnum þetta