Skinfaxi - 01.07.1953, Blaðsíða 44

92
SKINFAXI
iðkandans, ef rétt er á haldið. Þær anka sálarlegar eigindir, sem
ágætar eru taldar: hugrekki, skapfestu, snarræði, sjálfsstill-
ingu, tillitssemi, heildarhollustu og félagslyndi. Þessir ágætu
eiginleikar þroskast við hverjar þær kringumstæður, þar sem
þeirra er krafizt, og þeirra er alveg sérstaklega krafizt við
lausn íþróttalegra verkefna.
Spurningin var þessi: Hvaða gildi hafa íþróttir fyrir hið
daglega líf?
Það er augljóst mál, að það hefur ekkert varanlegt gildi,
þótt við sýnum hugrekki, snarræði, tillitssemi, heildarhollustu,
aukinn vöðvastyrk og liðleika á íþróttasvæðinu, ef við töpum
þessum eiginleikum um leið og við afklæðumst íþróttabún-
ingnum. Gildi íþrótta er algerlega háð þvi, að okkur takist
sífellt að færa hin góðu áhrif, sem þjálfun og iðkun veitir, inn
á vettvang hins daglega lífs.
Ég er ekki svo blindur, að ég sjái ekki, að allt of mörgum
mistekst í þessu efni. En ég hef einnig séð þess mörg dæmi,
að hin góðu áhrifin af íþróttaiðkunum varðveitast og koma
að góðu haldi í daglegum störfum. Þess vegna höldum við
áfram, þótt stundum blási á móti. Þótt mistök kunni að verða
á stundum, erum við þess fullviss, að keppikefli góðra íþrótta-
manna er að verða nýtari þjóðfélagsþegnar. Forystumenn
í iþróttahreyfingunni, kennarar og þjálfarar, mega lieldur
aldrei gleyma þessu mikilvæga hlutverki.