Skinfaxi - 01.04.1965, Blaðsíða 7
Fánaborg héraðssambandanna við upphaf 11. Landsmóts UMFÍ að Laugum 1961.
Laugarvatn. Þá verSur reynt að nýta til
hlítar önnur þau bílastæði sem fyrir hendi
eru á Laugarvatni.
Útisalernum mun verða komið fyrir í
nálægð tjaldbúða og í grennd við aðalá-
horfendasvæðið.
Veitingar: Mötuneyti Héraðsskólans mun
annast alla matsölu meðan á mótinu stend-
ur, og munu keppendur og starfsmenn
mótsins hafa þar forgang um fyrirgreiðslu.
Kaffisala verður í kjallara Barnaskólans
á vegum Kvenfélags Laugdæla. Allar úti-
veitingar verða á'vegum mótsins, og verður
reynt að hafa þær ei'ns fjölbrcyttar og frek-
ast er unnt.
Keppendur og starfsmenn munu sitja
fyrir fáanlegu húsnæði að Laugarvatni
mótsdagana.
Dansleikir vérða bæði laugardags- og
sunnudagskvöld, og er ætlunin að dansa á
þremur stöðum, gömlu og nýju dansana.
Þá verður gefin út vönduð leikskrá með
upplýsingum um eitt og annað sem varðar
framkvæmd mótsins og fyrirgreiðslu á
staðnum.
Verðlaun á móti þessu verða hin glæsi-
legustu, og eru gefendur þeirra ýmis fyrir-
tæki og stofnanir austan og vestan Hellis-
heiðar.
Að endingu má geta þess að míög rík
áherzla verður lögð á að halda uppi lögum
og reglu á mótsstað, og væntir landsmóts-
nefnd þess að hver einstakur mótsgestur
stuðli að sem glæsilegustu móti með prúð-
mannlegri framkomu og reglusemi móts-
dagana.
Framkvæmdastjóri Landsmótsnefndar lief-
ur skrifstofu að Engjavegi 28. Selfossi,
sími 274.
SKINFAXI
7