Skinfaxi - 01.04.1965, Blaðsíða 35
M(' /WW ««' w // í f t.
Fulltrúar á stofnþingi Glímusambands íslands. (Ljósm. Bragi Guðmundss.)
Glímusamband íslands stofnað
Glímusamband íslands var stofnað að til-
hlutan íþróttasambands íslands þann 11.
apríl s.l. Stofnendur Glímusambandsins voru
11 héraðssambönd. Forseti þingsins var Sig-
urður Greipsson í Haukadal.
Formaður var kosinn á stofnfundi Kjart-
an Bergmann Guðjónsson, Reykjavík, og
með honum í stjórn voru kjörnir eftirtaldir
menn, sem skiptu síðan með sér verkum
á fyrsta fundi stjórnarinnar þannig: vara-
formaður var kjörinn Sigurður Erlendsson,
Vatnsleysu, Biskupsmngum, fundaskrifari
Sigurður Geirdal, Kópavogi, bréfritari Hörð-
ur Gunnarsson, Reykjavík og gjaldkeri Sig-
tryggur Sigurðsson, Reykjavík.
Námskeið fyrir glímukennara og glímu
dómara
Á fyrsta stjórnarfundi Glímusambands ís-
lands var ákveðið að halda námskeið fyrir
glímukennara og glímudómara að hausti
komanda, þegar báið er að semja ný glímu-
lög.
Fjórðungsglímumótin ....,
Ákveðið var að vinna að því að koma á
fjórðungsglímumótum til að örva glímu-
áhugann úti á landsbyggðinni.
Minjasafn.................... ..,
Þá hefur stjórn GLÍ ákveðið' að vinna
að því, að komið verði upp minjasafni
glímunnar og er hér með óskað eftir að
þeir, sem eiga eitthvað slíkt í fórum sín-
um svo sem myndir af glímumönnum,
glímumyndir, verðlaunagripi o.fl., sem þeir
vilja láta af hendi, setji sig í samband við
formann Glímusambandsins Kjartan Berg-
mann Bragagötu 30, Reykjavík.
SKINFAXI
35