Skinfaxi - 01.09.1969, Blaðsíða 36
Iþróttaskólinn í Haukadal
Ungmennafélagar hvattir til að sækja skólann
íþróttaskólinn í Haukadal tekur til starfa að
venju 1. nóvember, en skólanum lýkur jafn-
an í febrúarlok. A síðasta sambandsþingi
UMFÍ var þess minnst, að Sigurður Greips-
son hefur nú starfrækt skólann í rúm 40
ár til mikils gagns fyrir íslenzka æsku, fé-
lagsmáiastarf og íþróttalíf, ekki sízt í dreif-
býlinu. Skinfaxi vill minna unga pilta um
allt land á það, að íþróttaskólinn í Haukadal
býður upp á sérstætt og áhugaverkjandi nám
fyrir hrausta drengi og pilta, sem vilja verða
hraustir og læra jafnframt gagnleg bókleg
fræði. íþróttanámið skipar jafnan öndvegi í
skólanum en bóklega námið er gott vegar-
nesti, hvort heldur er fyrir frekara nám eða
lífsbaráttuna utan skóla.
I íþróttunum er lögð áherzla á fimleika,
sund, glímu og frjálsar iþróttir. Bóklegar
greinar eru: íslenzka, reikningur, danska,
félagsfræði, heilsufræði og íþróttasaga.
Ungir menn á ýmsum aldri hafa jafnan
sótt íþróttaskólann í Haukadal og fengið þar
þrótt og þor og góða þjálfun, líkamlega og
andlega. Aðalkennari í bóklegum greinum er
Steinar Þórðarson, sem er Haukdælum góð-
kunnur fyrir ágætt starf. Sigurður Greipsson
er að sjálfsögðu aðaliþróttakennarinn, en á
hverjum vetri fær hann einnig ýmsa aðra
ágæta þjálfara og kennara í ýmsum greinum
til að halda stutt námskeið í skólanum.
Ungmennafélagar og ekki sízt forystumenn
í hreyfingunni hvar sem er á landinu ættu
því að veita athygli því tækifæri, sem skól-
inn býður og jafnframt hvetja unga menn
á hverjum stað að sækja skólann.
íþróttaskólinn í Iiaukadal. Sund-
laugin til hægri, íþróttahúsið til
vinstri.
: •»:
IfBSl.
36
SKINFAXI