Skinfaxi - 01.09.1969, Page 13

Stefán Ágústsson
Vngt íélag í vaxandi
byggðarlagi
íþróttafélagið Grótta á Seltjarnarnesi
er eitt yngsta félagið innan UMFÍ,
stofnað 24. apríl 1967. Stefán Ágústs-
son, gjaldkeri félagsins, hefur unnið
að uppbyggingu þess frá byrjun, og
leitaði Skinfaxi frétta hjá honum um
starfsemi Gróttu.
— Hver voru tildrög stofnunar
félagsins, Stefán?
— Þegar byggðin tók að vaxa hér
á Nesinu, kom þörfin á skipulögðum
félagsskap fyrir unga fólkið- Strákamir
voru byrjaðir knattspyrnuæfingar,
áhuginn var fyrir hendi, og hreppsfé-
lagið vildi stuðla að stofnun iþrótta-
félags og styrkja starfsemi þess.
— Og hvernig hefur félaginu vegn-
að?
— Stofnendur voru 70 og 80; þeim
hefur fjölgað jafnt og þétt síðan og eru
orðnir tvöfalt fleiri nú. Við byrjuðum
með kornunga stráka í knattspyrn-
anni, en í ár vorum við með í Islands-
mótinu í 3., 4. og 5. flokki. Meistara-
flokkur er því skammt undan. Starf-
semi félagsins er annars í þrem deild-
urn: Knattspyrnu-, handknattleiks-
°g badmintondeild. Auk þess eru byrj-
aðar æfingar í frjálsum íþróttum og
SKINFAXI
höfum við þar notið góðrar aðstoðar
UMSK. Við stefnmn hka að því að
auka félagsstarfið og gera það fjöl-
breyttara, t.d. með skákiðkun o.fl.
— Hvernig er starfsaðstaða félags-
ins?
— Hún fer stöðugt batnandi. Hér er
risið eitt bezta íþróttahús landsins og
framkvæmdir eru að hefjast við nýjan
íþróttavöll á Valhúsahæð. Þá má geta
þess, að byrjað er að steypa upp fé-
lagsheimili, sem Grótta er aðili að og
mun fá þar góða aðstöðu til félags-
starfs. Félagið hafði 21 tíma á viku
til æfinga í íþróttahúsinu s.l. vetur, og
þótti sumum bjartsýni að ráðast í slíkt.
En áhuginn var svo mikill að þessir
tímar nægðu ekki, og í vetur fáum við
27 tíma.
— Og hvað um framtíðina?
— Við erum mjög bjartsýnir hér.
Sveitarfélagið hefur veitt okkur góðan
stuðning bæði beint og óbeint og áhugi
er mikill hjá unga fólkinu. Seltjarnar-
nesið er gamalt byggðarlag en fær nú
skipulagða uppbyggingu á öllum svið-
um. Það er skemmtelegt og áhugavekj-
andi að vera með í því að byggja upp
íþrótta- og félagsstarfið á slíkum stað.
13