Skinfaxi - 01.12.1991, Síða 33

ÍÞRÓTTMÁLEFNI Á A L Þ I N G I
Eins voru heldur kátlegar myndir af
ýmsum þátttakendum látnar prýða
veggi.
Nokkrir Islendinganna brugðu sér í
dagssiglingu á tveggja manna kanóum
Það mátti með sanni segja að sú ferð
hafi verið blaut. Menn sýndu snilli
sína við að hvolfa bátum hvors annars
og þar fór einn Islendingur fremstur í
flokki. Ég nefni engin nöfn, en fyrsti
stafurinn er Gummi. Það þarf ekki að
taka fram að það var ekki þurr þráður á
nokkrum manni eftir þennan dag.
Keppni á milli landa í blaki er fastur
liður á þessum vikum. Liðin eru oft
misjafnlega saman sett, t.d var einungis
einn Svíi nú í ár og hann átti ansi erfitt
að ná saman liði en reyndist svo vera
einn besti leikmaður í finnska liðsins.
Slésvíkingar hafa oftast unnið blakið
en nú vorum það við Islendingarnir
sem gerðum okkur lítið fyrir og unnum
þá með miklum yfirburðum og það á
heimavelli. Að launum fyrir þann sig-
ur fengum við afhentan mikinn og veg-
legan farandgrip, stóra, gula, uppblásna
önd og hún kemur auðvitað með á
næstu Ungmennaviku, sem haldin
verður í Noregi.“
íþróttamálefni á Alþingi
- framhald af bls. 19
Efnilegir íþróttamenn
Frumvarp til laga um stofnun sjóðs til
að styrkja efnilega íþróttamenn hefur
verið lagt fram á Alþingi. Ingi Björn
Albertsson er fyrsti flutningsmaður
frumvarpsins.
I frumvarpinu segir að tilgangur sjóðs-
ins sé að skapa efnilegum íþróttamönn-
um fjárhagslegan grundvöll til að helga
sig íþrótt sinni og skal greiðsla úr
sjóðnum fara til þeirra sem að mati
sjóðsstjórnar hafa sýnt ótvíræða hæfi-
leika í íþróttagrein sinni og eru líklegir
til afreka á því sviði.
Sérsambönd innan ISI skulu senda
stjórn sjóðsins tilnefningar um íþrótta-
menn er skulu hljóta styrki.
Heilsuvernd
almennings
Hermann Níelsson hefur lagt fram til-
lögu til þingsályktunar um íþrótta-
kennslu í framhaldsskólum, líkamsrækt
og heilsuvernd almennings.
Tillagan hljóðar svo:
Alþingi ályktar að fela ráðherrum heil-
brigðis- og menntamála að:
a. láta kanna að hve miklu leyti íþrótta-
kennsla í framhaldsskólum miðist við
að gera nemendur hæfari til að stunda
holla hreyfingu (trimm) að eigin frum-
kvæði og taka þannig á ábyrgt á eigin
heilsurækt að námi lokn,
b. láta kanna hvaða áhrif aukin þátttaka
hins almenna borgara í líkamsrækt
(trimmi) geti haft á sparnað við rekstur
heilbrigðisþjónustunnar í landinu.
I greinargerð segir að námsstjóri í
íþróttum, Janus Guðlaugsson, hafi lagt
fram nýtt námsefni sem sé þegar farið
að skila góðum árangri og auki sjálfs-
traust og kunnáttu nemenda til að halda
áfram íþróttaiðkun. Nokkuð skortir þó
á að námsefnið hafi verið tekið upp við
alla framhaldsskóla landsins, sérstak-
lega í Reykjavík.
í greinargerð segir ennfremur að rann-
sóknir vísindamanna sýni að ef ein-
staklingur leggur reglulega stund á lík-
amsrækt og er sér meðvitaður um gildi
heilbrigðra lífshátta fyrir heilsufar sitt
þurfi hann síður á þjónustu heilbrigðis-
stofnana að halda.
Auðvelda verður hinum almenna borg-
ara að stunda líkamsrækt við hæfi, en
viðurkennt er að fjöldi fólks nýtir sér
ekki þá íþróttaaðstöðu sem býðst.
Lokaorð ályktunarinnar eru þau að það
beri að stuðla að heilbrigði þjóðar-
innar.
Pennavinir óskast
Claudia Bell er 24 ára gömul og hefur
mikinn áhuga á því að eignast penna-
vini á Islandi. Claudia vinnur sem að-
stoðarmaður hjá lækni og skrifar á
ensku, frönsku og þýsku.
Heimilisfangið er:
Claudia Bell
Sehutzerstr. 14
W-8807 Heilsbronn
Germany
•
Þetta er
Friðrik Steinsson
í síðasta tölublaði fjallaði Sigurður P.
Sigmundsson um athyglisvert íþrótta-
fólk, m.a. um Friðrik Steinsson
hlaupara úr UMSS. Myndin sem birt
var með umfjölluninni var ekki af Frið-
riki heldur Geir Gunnarssyni, sent er
reyndar líka Skagfirðingur. Beðist er
velvirðingar á því, um leið og við birt-
um mynd af hlauparanum.
framhald af bls. 31
hefur áhuga á að styrkja ákveðið félag
þarf hann einungis að skrifa númer þess
á seðilinn og láta svo tölvuvalið sjá um
afganginn.
A hverjum laugardegi verður getrauna-
kössunum lokað á sama tíma. Klukkan
11:45 er lokað fyrir móttökukerfi PC-
raða, kl. 12:00 er lokað fyrir alla sölu.
Endanlegar vinningstölur liggja fyrir kl.
18:00.
Þá er bara að vera með og tippa!
Skinfa.xi
33