Skinfaxi - 01.12.1991, Qupperneq 35

TEYGJUÆFINGAR
Hvers vegna á að
teygja?
Það er gert til þess að koma í veg fyrir vöðvastytting-
ar, lengja þá vöðva sem eru stuttir og til þess að fá
fram vöðvajafnvægi í líkamanum. - Teygjuæfingar eru
gerðar til þess að minnka spennu i líkamanum og ná
fram slökun í vöðvanum og fá þannig aukið blóð-
flæði um vöðvann. Teygjuæfingar eru fyrirbyggjandi
aðgerðir gegn meiðslum á vöðvum, vöðvasinum og
vöðvafestum. - Teygjur bæta líkamsvitund og auka
vellíðan fólks.
Ekki nóg að þjálfa
hluta úr ári
Þeir sem stunda íþróttir, hlaupa, ganga,
fara í sund, leikfimi, badminton eða
stunda aðrar almenningsíþróttagreinar
vita margir ekki að það er nauðsynlegt
að gera ákveðnar teygjur eftir þjálfun.
Margir vita ekki að teygjur eru jafn
nauðsynlegar og önnur þjálfun líkam-
ans.
Skinfaxi fékk Þuríði Arnadóttur, íþrótta-
kennara og sjúkraþjálfara, til þess að
segja lesendum frá mikilvægi teygjuæf-
inga í líkamsþjálfun.
Hvað gerist í líkamanum ef við þjálfum
ekki?
„Það sem gerist er í fyrsta iagi það að
þeir vöðvar sem við notum minna rýma
og missa styrk sinn að miklu leyti á
meðan vöðvarnir sem við noturn meira
styrkjast. Sumir vöðvar hafa tilhneig-
ingu til þess að lengjast og slappast ef
ekkert er að gert og hinir að styttast.
Þegar það gerist þá myndast ákveðið
ójafnvægi á milli vöðvahópa sem getur
svo haft þau áhrif að líkamsstaða fólks
getur breyst. Þetta ójafnvægi getur síð-
an leitt til þess að álag á liði, vöðva og
liðbönd verður rangt og fólk getur orðið
fyrir margvíslegum vandamálum í stoð-
kerfinu. Fólki, sem hreyfir sig lítið, er
hættara við að fá þessi einkenni, t.d.
bakverki, verki í háls og herðar. Ef
maður hreyfir sig, styrkir vöðvana og
teygir, þá helst rétt jafnvægi í líkaman-
um og maður á auðveldara með að
takast á við álagið sem á manni hvílir
við dagleg störf,” segir Þuríður.
Er er nóg að þjálfa líkamann hluta árs-
ins eins og margir gera?
„Nei, ef við þjálfum ekki allan ársins
hring þá erum við bara í formi þann
hluta sem við þjálfum og við missum
niður þann árangur sem við höfum náð
með þjálfuninni á mjög skömmum tíma.
Við erum mun fljótari að gera þann ár-
angur að engu, en við erum að ná hon-
um. Ef einstaklingur hættir að þjálfa
líkama sinn í tvær vikur þá missir hann
strax mikið af kraftinum og úthaldinu
sem búið var að byggja upp. Þegar
þjálfun hefst aftur þá verður viðkomandi
einstaklingur að byrja með æfingar með
minna álagi en áður en liann hætti.
Sá sem ætlar að byrja að þjálfa líkama
sinn allan ársins hring verður að æfa
minnsta kosti þrisvar í viku fyrst, til
þess að koma sér í ákveðið form og þeg-
ar því formi er náð sem viðkomandi vill
vera í getur hann fækkað æfingum í
tvær á viku. En sá sem vill bæta við sig
verður stöðugt að herða æfingarnar.
Það að æfa hluta úr ári leiðir til þess að
maður missir strax niður það fornt sem
maður var kominn í og það gerir þá ekk-
ert gagn nema rétt á meðan verið er að
æfa.”
Þér líður vel, en ...
Sumir kynnu að segja: „Ég œtla ekki að
verða nein íþróttamanneskja og þarf
ekki að koma mér í gottform, mér líður
alveg ágœtlega eins og ég er."
„Já það getur vel verið að þér líði ágæt-
lega og þú finnir ekkert fyrir því að lík-
ami þinn er ekki í góðu formi,” segir
Þuríður við þessari athugasemd. „Og
það getur vel verið að þú komist þannig
í gegnum allt lífið án þess að finna fyrir
stoðkerfisvandmálum.
En flestir finna einhverntíma á lífsleið-
inni fyrir bakverkjum, verkjum í hálsi
og herðum o.s.frv. Þeir sem koma í
endurhæfingu og ætla að koma líkaman-
um í betra form, komast oft að því að
þeir eru t.d. með allt of stutta lærvöðva
eða að allir vöðvar í fótunum eru of
stuttir þannig að liðirnir hafa skerta
hreyfigetu. Þetta getur leitt til bakverkja
vegna þess að þegar einstaklingur með
stutta vöðva í fótum tekur stór skref þá
toga fótavöðvarnir í bakið og það leiðir
til óþæginda og verkja þar o.fl.
Allir vöðvar í líkamanum vinna saman
og ef einhversstaðar eru stuttir vöðvar
geta þeir haft áhrif annars staðar í lík-
amanum. Þessvegna verðum við að
Skinfaxi
35