Sjómannablaðið Víkingur - 01.04.1944, Page 18

Lúðvík Jósepsson alþm.:
Endurnýjim skipaflotans og skattamálin
Mikið hefir verið ritað og rætt að undan-
förnu um endurnýjun fiskiskipaflotans og þær
leiðir, sem fara bæri í því efni. Allir virðast
vera á einu máli um nauðsyn þess að efla og
endurnýja skipin, en um leiðirnar er deilt.
Þannig er þessu ævinlega fárið í öllum stór-
málum. Allir vilja auðvitað koma góðu máli
til liðs, en hver þarf að nota sína sérstöku leið
til liðveizlunnar. Sannleikurinn er sá, að það
vilja ekki allir það sama í stórmálunum, en það
þykir vænlegra að þykjast vilja það bezta, og
nota svo leiðirnar að hinu góða takmarki til
þess að koma því fram, sem hugurinn þráði,
þó að það sé hrein andstæða þess, sem upp var
gefið sem takmark.
Það er glöggt, að þó að allir viðurkenni þörf
þess, að endurnýja skipastólinn sem fyrst, þá
er fjarri því að einlægur vilji sé á bak við ail-
ar þær viðurkenningar. Það kemur skýrt í ljós,
að ýmsir þeir sem hæst tala um endurnýjunar-
málið, nota það aðeins að yfirvarpi, en stefna að
gjörsamlega óskyldum málum, eins og t. d.
auknu skattfrelsi gróðabrallsfélaga.
1 umræðum um endurnýjun fiskiflotans hefir
af dæmafárri ósvífni verið farið rangt með
staðreyndir og málum brenglað til stórskaða
fyrir endurnýjunarmálið.
Almennt munu fiskimenn ekki hafa látið
blekkjast af vaðli þeirra manna, sem lagt hafa
sig fram til að skapa glundroða og óeiningu um
eðlilega og framkvæmanlega lausn nýbygging-
armálanna, en það er hætt við, að svo geti far-
ið, að meirihluti fiskimannanna viti ekki hvað
upp snýr og hvað niður, í þessum málum, ef
.jafnvel blöð og samtök fiskimannanna eins og
Víkingurinn og Farmannasambandið ætla að
leggjast á sveif með þeim, sem raunverulega
stefna að allt öðru en endurnýjun skipanna, þó
að þeir heyi sína baráttu undir yfirskyni þeirra
mála.
1 janúar-febrúar blaði Víkingsins las ég tvær
greinar um endurnýjunarmálið, þar sem því er
hrært á hinn undarlegasta hátt saman við
skattamálin og á mjög villandi hátt skýrt frá
staðreyndum í málinu. Önnur greinin er eftir
Loft Bjarnason útgerðarmann, en hin er eftir
Halldór Jónsson, ritstjóra Víkings.
Eg tel rétt og skylt með sérstöku tilliti til
þessara greina, að ryfja upp fyrir lesendum
Víkingsins rnegin atriðin úr gangi nýbygging-
armálanna og reyna að greiða þau mál úr þeirri
skattamálaþvælu, sem reynt hefir verið að
flækja þau í. Ég vil minna alla starfandi fiski-
menn á, að það er höfuð nauðsyn, ef takast á
að endurnýja fiskiflotann í tæka tíð, að hver
einn og einasti fiskimaður geri sér glögga grein
l'yrir því, iivaða leiðir eru líklegastar og bezt-
ar til þess að leiða það mál til farsællegra iykta.
Það eru ehgar líkur til þess, að það mikla mál
verði leyst, ef fiskimennirnir standa marg-
skiptir um leiðir og einn mótmælir því, sem
annar leggur til.
Nýbyggingarsjóðirnir.
Árið 1941 voru ákvæðin um nýbyggingar-
sjóði útgerðarinnar sett í skattalögin og skyldu
þau koma til framkvæmda fyrir tekjur ársins
1940. Nýbyggingarsjóðsákvæðin eru einu ráð-
stafanir hins opinbera til áhrifa á hið mikla
nauðsynjamál, endurnýjun fiskiskipaflotans.
Þrátt fyrir ýmsa ágalla þessara ákvæða og
skiptar skoðanir um þá leið er þau mörkuðu,
hafa allir flokkar og flestir, sem um þessi mál
hugsa, viðurkennt, að myndun nýbyggingarsjóð-
anna er þó spor í áttina að því marki. sem allir
þykjast sammála um að ná þurfi og það sem
fyrst, en það er veruleg aukning og umbætur á
fiskiskipastól landsmanna. í upphafi var gerð-
ur verulegur munur á þeim útgerðaraðilum,
sem fé máttu leggja í nýbyggingarsjóðina.
Þannig hafa hlutafélög, sem útgerð reka alltaí
notið meira skattfrelsis fyrir nýbyggingar-
sjóðsframlög sín, heldur en einstaklingar og
sameignarfélög.
Lengst af hafa reglurnar verið þessar: Hluta-
félög hafa fengið 33 %% af nettótekjum sín-
um skattfrjálst, gegn því skilyrði, að leggja
helming þess fjár (16%%) í nýbyggingarsjóð.
Einstaklingar og sameignarfélög, sem útgerð
reka, hafa fengið 20% af nettótekjum sínurn
skattfrjálst, gegn því, að allt það fé gengi í ný-
byggingarsjóð.
Hin tiltölulega fáu hlutafélög í útgerð, sem
öll tilheyra stórútgerðinni, hafa þannig notið
VlKINGUR
98