Sjómannablaðið Víkingur - 01.04.1944, Qupperneq 31

4./1. Rússar nálgast landamæri
Póllands, hafa tekið Olevsk, sem er
aðeins 13 km. frá landamærunum.
Montgomery hershöfðingi, er kom-
inn til Englands og hefur verið á-
kveðið að hann stjórni innrásarher
Breta á meginlandið, þegar þar að
kemur.
★
7. /1. Rússar hafa tekið bæinn
Roitno, sem er 15 km. vestan við
landamæri Póllands og sækja nú
hratt fram með veginum frá Kor-
osten.
Þýzkar fregnir herma, að Ciano
greifi hafi verið dreginn fyrir her-
rétt.
★
8. /1. Rússar hafa hafið nýja sókn
í áttina til Kirovograd, hafa þeir sótt
fram um 90 km. á þessu svæði og
tekið hundruð þorpa.
San Vittorio á Italíu er fallin í
hendur bandamanna, en það var síð-
asta virkið á leiðinni til Cassino.
★
13. /1. Einhverjar mestu loftorust-
ur styrjaldarinnar voru háðar yfir
Þýzkalandi. Réðust um 700 amerísk
flugvirki og orustuflugvélar á flug-
vélaverksmiðjur Þjóðverja í Achers-
leben, Halbstadt og Brunschweig.
Bandamenn tilkynna að um 100 þýzk-
ar flugvélar hafi verið skotnar niður,
en 59 amerískar ekki komið til stöðva
sinna.
Rússar tilkynna að þeir hafi tekið
borgina Sarny í PóIIandi og séu
byrjaðir nýja sókn í áttina til Gomel.
★
14. /1. Roosevelt sendi Bandaríkja-
þingi boðskap, með frv. til fjárlaga
sem gilda til júní 1945. Nema fjár-
lög þessi alls 100,000 milj. dollara.
Gert er ráð fyrir að 90,000 milj doll-
ara fari til hernaðarþarfa. Gerir
Roosevelt ráð fyrir að kostnaðurinn
vegna ófriðarins muni nema sem
svarar 65 milj. sterlingspunda á dag.
(Bretar eyða um 14 milj. st.pd. á
dag).
★
20./1. Fimmti herinn sem berst á
Ítalíu er nú kominn yfir Guarigliano-
ána, og er byrjað að skjóta á Cassino
úr fallbyssum.
Rússar hafa náð Novgorod á sitt
vald, voru bardagar á þessum slóð-
um mjög harðir. Rússar segja, að
síðastl. viku hafi Þjóðverjar misst
40,000 manns í orustum og 4,000
manns hafi verið teknir höndum.
★
22./1. Fregnir frá Sviss herma að
ekkja Ciano greifa hafi ásamt þrem
börnum hennar komið til Sviss á
næturþeli 9. jan. eða tveimur dögum
áður en maður hennar var tekinn af
lífi, ásamt De Bono hershöfðingja, en
herréttur dæmdi þá til dauða.
Rússar byrja nýja sókn SA af
Leningrad.
Ný stórárás úr lofti á Berlín. Var
varpað niður 2300 smál. af sprengj-
um. —
Þjóðverjar hörfa til „Adolfs Hitl-
ers“ línu á Italíu, sem er um 10 km.
fyrir norðan Garigliano.
26./1. Bandamenn eru aðeins 30
km. frá Rómaborg, á hinum nýju
vígstöðvum er þeir mynduðu með
innrás norðanvert við áhrifasvæði
sitt á Ítalíu.
Þjóðverjar eru sagðir herða gagn-
sókn sína á þessum slóðum.
★
30./1. Rússar hafa náð borgunum
Smyela og Chudovo, sem er síðasta
borgin, sem Þjóðverjar héldu á Len-
ingrad-Moskva járnbrautarlínunni.
Þá er einnig tilkynnt að Þjóðverj-
ar hafi hörfað úr þremur bæjum í
Ukrainu.
Loftsókn Bandamanna gegn Þýzka-
landi fer sífelt harðnandi; breskar
sprengjuflugvélar gerðu harða næt-
urárás á Berlín, og amerískar
sprengjuflugvélar, um 800 að tölu,
gerðu dagárás á Frankfurt.
★
2./2. Rússar hafa tekið borgina
Kingesepp og sækja nú til landa-
mæra Eistlands.
Hersveitir Bandaríkjamanna gerðu
innrás á Marshall-eyjar. Hepnaðist
landgangan ágætlega og urðu Jap-
anir allstaðar að hörfa undan.
★
5./2. Fregnir berast urn að norska
stórskáldið Nordahl Grieg hafi farist
í loftárás á Berlín 3. des., er hann
tók þátt í sem fréttamaður, í einni
af flugvélum Bandamanna. Fyrst
bjuggust menn við, að hann væri
máske fangi þjóðverja, en síðari
fregnir herma, að flugvél sú, er hann
var í, hafi eyðilagst og allir sem f
henni voru farist.
★
16. /2. Fregnir berast um að Paasi-
kivi, fyrrverandi ráðherra, sé farinn
til Svíþjóðar til þess að ræða við
Rússa um friðarskilmála.
Stússar nálgast horgina Pskov.
★
17. /2. Mesta loftárás hernaðarsög-
unnar var gerð á Berlín. Varpað var
niður 2500 smál. af sprengjum, þús-
undir flugvéla bandamanna sveim-
uðu yfir borginni í 30 mín. og vörp-
uðu niður eldsprengjum og tund-
ursprengjum. Bretar misstu alls 43
flugvélar. Sænskur embættismaður
skýrði frá því, að vesturhluti Berlín-
ar mætti teljast jafnaður við jörðu.
7000 flugmenn tóku þátt í árásinni.
4000 manns unnu að því í 5 kl.st. að
koma sprengjunum fyrir í flugvél-
unum, sem fluttar voru yfir Berlín.
Benzíneyðsla alls loftflotans, sem fór
til árásar þessa einu nótt, nam alls 5
milj. lítra.
★
18. /2. Rússar tilkynna að þeir hafi
gjörsigrað þýzka herinn sem var
innikróaður í hálfan mánuð á Kor-
sun-svæðinu, fyrir vestan Cherkassy.
Hafi þar alls fallið 52,000 manns af
liði Þjóðverja, en 11,000 verið teknir
höndum.
★
19. /2. Þjóðverjar tilkynna að þeir
hafi yfirgefið hið mikla virki sitt
Starya Russa, sunnan við llmenvatn,
sem þeir hafa haft á valdi sínu siðan
1941.
★
VÍKINGUB
111