Sjómannablaðið Víkingur - 01.03.1962, Blaðsíða 19
aði snjóbíllinn að reyna að komast upp fyrir
höfðann og þar austur á sand og niður að strönd-
inni, en þá var færð orðin svo þung, að hann
brotnaði. Var þá hætt við allar frekari tilraunir
að komast austur með bílana, en þeir héldu aft-
ur að staðnum. þar sem björgunarsveitin hafði
lagt af stað gangandi. Voru 2 menn sendir á
eftir henni til frekari aðstoðar, ef með þyrfti.
Frá björgunarsveitinni er það að segja, áð
hún mun hafa gengið í einn og hálfan klukku-
tíma, áður en hún varð vör við bátinn. Sáu þeir
þá þrjú neyðarblys, sem bátsverjar skutu upp.
Var förinni þá hraðað eftir megni, en það tafði
fyrir, að báturinn reyndist vera austan við út-
fallið á Blautukvísl, þeirri sömu sem mest hefur
komið við sögu í sambandi við vatnavextina á
Mýrdalssandi undanfarin sumur. Kvíslin reynd-
ist algerlega ófær frammi við sjó, enda var hún
í miklum vexti. Þurftu ,menn því að snúa við og
ganga nokkuð upp með henni, þar til þeir komu
að stað, þar sem hægt var að komast yfir hana.
ÓÐU UPP UNDIR HENDUR
Tókst að komast yfir hana að mestu á ís, en
hann var ekki alls staðar traustur, svo að sumir
fóru í vatn upp undir hendur. Er komið var
austur yfir, var farið rakleitt niður að strönd-
inni, en báturinn hafði strandað skammt austan
við útfallið. Var hann kominn allhátt upp í
sandinn. Hægt var að komast allnærri honum í
útsogunum. Bundin var líflína utan um einn
björgunarmanna, sem hljóp síðan eins nærri
bátnum og hann gat í einu útsoginu og kastaði
blökk með björgunarlínu upp í bátinn. Tókst það
ágætlega þegar í fyrstu tilraun, en hann fór í
sjó upp undir hendur í öldu, en tókst að standa
hana af sér með hjálp líflínunnar. Þá mun kl.
hafa verið stundarfjórðung yfir þrjú. Bátsverjar
festu blökkina í mastrið og strax var byrjað að
draga þá í land. Björgunin gekk mjög greiðlega
og voru allir fimm skipverjar komnir í land eft-
ir rúman stundarfjórðung. Allir voru þeir ó-
meiddir, en blautir og nokkuð orðnir þrekaðir,
enda erfið vistin í bátnum.
GENGU 8 KM.
Var þá þegar lagt af stað aftur í átt til bíl-
anna. Reyndist Blautakvísl nú enn verri farar-
tálmi en á austurleið, því að vaxið hafði í henni.
Tókst þó giftusamlega að komast yfir. Var síðan
gengið alla leið út yfir Höfðakvíslina, þangað
sem bílarnir biðu, en sú leið mun hafa verið ná-
Framhald á bls. 66.
KortiS sýnir strand-
staðinn austan við
Blautukvísl.
ófrand-
5t <x5u.Y
VÍKINGUR
59