Sjómannablaðið Víkingur - 01.03.1981, Page 11

EYJAFJÖRÐ
viðlegupláss sé nægilegt einkum
yfir sumartímann, þegar allar
fleytur sem flotið geta hafa verið
settar fram. Eftir því sem hafnar-
stjóri sagði, stendur þetta þó til
bóta. í framtíðinni er gert ráð fyrir
viðleguplássi fyrir smábáta við
Torfunesbryggju. Hvernig þeim
framkvæmdum verður háttað, er
þó enn óvíst.
Samkvæmt skipulaginu hefur
þó verið ákveðið að fylla upp ein-
hvern hluta hafnarinnar við
Torfunes. En hve mikið það verð-
ur hefur ekki endanlega verið
ákveðið þegar þessar línur eru
skrifaðar.
Um þessa framtakssemi skipu-
lagssérfræðinga eru ákaflega
skiptar skoðanir á Akureyri.
Undirskriftalistar hafa verið í
gangi. Á þá skrifar fólk sem er á
VÍKINGUR 11
I Bótinni eru mestu umsvif trillukarla á Akurevri. Bergsteinn Garðarsson (uppi á
bryggju) og Haukur Konráðsson gerðu að gamni sínu þrátt fyrir kulda og dauðann sjó.
„Hann verður við með vorinu sá guli“, sagði Bergsteinn og barði sér.
móti uppfyllingu. Aðrir eru æstir í
að fylla upp höfnina og telja það
ekki aðeins sjálfsagðan hlut,
heldur lífsnauðsyn. Þetta fólk
hrópar á mold og malbik og segir
að ekkert sé að gera með höfn inni
í miðjum bæ.
Allar líkur benda til að jarð-
vegsunnendur hafi vinninginn í
þessu máli. Þegar búið verður að
fylla upp höfnina, verður lögð þar
hraðbraut og búin til bílastæði.
En hætt er við því að einhverj-
um þyki sjónarsviptir af þessari
gömlu höfn og ugglaust eiga
margir eftir að minnast hennar í
framtíðinni þegar þeir aka á
svörtu malbikinu, þar sem áður
var mannlíf og margt að sjá.
G.A.
Akureyri