Sjómannablaðið Víkingur - 01.03.1981, Qupperneq 53

Jónas Sigurðsson
sjötugur
Jónas Sigurðsson skólastjóri
Stýrimannaskólans í Reykjavík
varð sjötugur s.l. mánuð. Mér
þykir hlýða að minnast þessara
tímamóta nokkrum orðum.
Jónas Sigurðsson er fæddur í
Ási, Hafnarfirði 13. mars 1911.
Hann lauk stúdentsprófi frá
Menntaskólanum í Reykjavík árið
1930. Slgldi síðan til Þýskalands
og lagði þar stund á rafmagns-
verkfræði. Er Jónas hafði lokið
fyrri hluta prófi í þessari grein
kom hann heim og gerðist togara-
sjómaður. Haustið 1939 settist
hann svo í fiskimannadeild Stýri-
mannaskólans í Reykjavík. Og
mun ætlun hans hafa verið að
taka fiskimannapróf og gerast
síðan togaraskipstjóri.
En margt fer öðruvísi en ætlað
er. Friðrik V. Ólafsson þáverandi
skólastóri Stýrimannaskólans
gerði sér fljótlega ljóst að mikill
fengur yrði að því fyrir skólann að
fá Jónas sem kennara í stærðfræði
og siglingafræði. Friðrik hvatti því
Jónas til að láta ekki staðar numið
við fiskimannaprófið. En það próf
veitir ekki réttindi til kennslu í
siglingafræði í efri bekkjum skól-
ans.
Jónas fór að ráðum Friðriks og
tók einnig farmannapróf. Að því
loknu fór hann til Bandaríkjanna
til framhaldsnáms í siglingafræði.
Þetta var á stríðsárunum og því
nokkrir erfiðleikar að komast
landa á milli.
Eftir að Jónas kom heim frá
Ameríku varð hann fastur sigl-
ingafræðikennari við Stýri-
mannaskólann. Við lát Friðriks V.
Ólafssonar haustið 1962 tók Jónas
við skólastjórn og hefur verið það
óslitið síðan, eða í rösk 18 ár.
Er ég hóf nám í Stýrimanna-
skólanum fór mikið orð af Jónasi
sem stærðfræðikennara. Hann
kenndi mér stærðfræði í þriðja
bekk og það fór ekkert á milli
mála að þama var maður sem
kunni sitt fag. Enda eru þær
stræðfræðibækur sem kenndar
eru við Stýrimannaskólann hans
verk.
Jónas er íhaldssamur að eðlis-
fari og róttækar breytingar eru
honum ekki að skapi en sem sam-
starfsmaður hans í fulla tvo ára-
tugi get ég fullyrt að meiri og betri
menntun sjómönnum til handa er
hans hjartans mál.
Jónas er kvæntur Pálínu Árna-
dóttur frá Vestmannaeyjum og
eiga þau þrjú börn. Á þessum
tímamótum árna ég honum og
fjölskyldu hans heilla og óska
honum langra lífdaga.
Benedikt Alfonsson
53
Þegar Jónas varð sjötugur þann 13. mars s.l. kom fjöldi manns til að færa honum
heillaóskir sínar á þessum merkisdegi. Bárust Jónasi margar fagrar gjafir bæði frá
vandamönnum svo og fyrrverandi nemendum og samstarfsmönnum í gegn um tíðina.
Myndin er af þeim hjónum Jónasi og frú Pálínu Árnadóttur við þetta tækifæri.
VÍKINGUR