Sjómannablaðið Víkingur - 01.08.1983, Blaðsíða 53

undir sportmennsku frekar en at-
vinnugrein vegna þess að sjóinn
leggur þar ekki að jafnaði nema
inni á fjörðum.
Ráðstefnan
Ráðstefnan var haldin í nýleg-
um lýðháskóla, kenndan við Knud
Rasmussen, hvar við og bjuggum,
en þessi myndarlegi skóli stendur
efst í bænum rétt við þyrlu-
hlemminn.
Lars Emil Johanssen atvinnu-
málaráðherra landstjórnarinnar
setti fundarhöldin (sem gestur)
með skörulegri ræðu. Hann sagði
m.a. að pólitíkusarnir hefðu talað
um samvinnu Grænlendinga og
hinna norrænu landa í mörg ár, en
með misjöfnum árangri. Hingað
væru nú komnir fulltrúar þeirra
atvinnugreina er tengdust fisk-
veiðum og fiskvinnslu. Það væri
von sín að þessum fulltrúum
rnætti takast að hreyfa þannig við
málum að nú færi eitthvað raun-
verulega að gerast. Þá sagði ráð-
herrann að vera Grænlands í EBE
væri landinu „lífshættuleg“ eins
og hann orðaði það.
Fyrsti dagur ráðstefnunnar fór
svo í kynningarfyrirlestra. Fiski-
fræðingar frá löndunum fjórum
kynntu ástand og horfur nytja-
stofna og aðrir fulltrúar kynntu
uppbyggingu og rekstur fiskveiði-
flota og fiskveiða í löndunum
fjórum. Mjög góður andi ríkti á
ráðstefnunni og tjáðu menn óspart
góðan vilja sinn til samvinnu. Góð
kynni tókust einnig með mönnum.
Fulltrúar hinna ýmsu hagsmuna-
hópa hittu þarna kollega (sem
margir hverjir þekktust fyrir) og
höfðu gott tækifæri til þess að
ræða málin. Á öðrum degi var
fundarmönnum skipt niður í 4
vinnuhópa, er ræða skyldu um
hvernig fyrirhuguð samvinna
mætti fram fara. Á 3. degi voru
nefndarálit hinna fjögurra vinnu-
hópa brædd saman í sameiginlegt
ályktunarskjal. Hugmynd Græn-
lendinga var sú, að NAFCO yrði
ekki einungis ráðstefna heldur
varanleg samtök og voru lögð drög
að formlegri stofnun þeirra á
Atlantshafsfiskveiðiráðstefhan
fiskinum sem aðildarþjóðirnar draga á land úr
Norður-Atlantshafinu sem stærstan hlut á
heimsmarkaðinum. Með þetta að markmiði skulu
löndin og skiptast á upplýsingum sem geta styrkt
markaðsstöðu aðildarlandanna.
6) Þátttaka Kanada
í NAFCO-samstarfi?
Ráðstefnan ályktar að fresta því að taka af-
stöðu til hugsanlegrar þátttöku Kanada í þessu
samstarfi.
Sisimiut, þann 2. júní 1983.
Ályktun um áróðurinn gegn sel- og hvalveiðum
Norður-Atlantshafsfiskveiðiráðstefnan,
NAFCO, sem hagsmunaaðilar í fiskveiðum frá
Grænlandi. íslandi, Færeyjum og Noregi halda í
Sisimiut á Grænlandi dagana 31. maí — 3. júní
1983 hefur fjallað um örðugleika þá sem steöjað
hafa að fiskveiðiþjóðum og öðrum veiðimanna-
þjóðum er byggja strendur Norður-Atlantshafs,
og til eru komnir vegna algerlega ástæðulausrar
herferðar sem farin hefur verið af einstöku hóp-
um svonefndra náttúruverndarmanna af ýmsum
þjóðernum gegn hefðbundnum hval- og selveið-
um íbúa Norðurhafa.
Það verðfall á selskinnamörkuðum sem þessir
upphlaupsmenn hafa náð að skapa hefur valdið
alvarlegri tekjurýrnun og búseturöskun hjá fjölda
fólks sem séð hefur sér farborða, og óskar að gera
svo áfram. með ábyrgum og löglegum veiðiskap í
hinum óblíðu löndum Norðursins, er vart eiga
sinn líka hvað varðar erfiða staðhætti og veðurfar.
Óheft fjölgun í hvala- og selastofnum vegna
þessara aðgerða bitnar einnig á öðrum stórum
hópi fólks, sem lifir á fiskveiðum, með því að
fiskstofnar minnka og fiskimið og fiskafurðir
spillast stórlega.
Varla er of sterkt til orða tekið að fullyrða að
margir sjómenn og veiðimenn Norðursins telja
framtíðarlifsafkomu sinni ógnað með því algera
skilningsleysi á afkonru- og búsetugrundvelli
Norðurbúa sem áróðursmennirnir hafa sýnt með
ofsóknum sínum gegn ábyrgum og löglegum at-
vinnuvegum.
Fyrir hönd allra „veiðimanna" Norðursins
beinir NAFCO ráðstefnan þeim eindregnu til-
mælum sínum til allra viðkomandi þjóða og rík-
isstjórna að láta af núverandi andófi og baráttu
gegn hinum gamalgrónu aðferðum til lífsbjargar
á þessum svæðunt sem eru sel- og hvalveiðar og
aldrei hafa átt neitt skylt við rányrkju. Ráðstefnan
beinir því þess vegna til allra viðkomandi að þeir
setji sig í spor veiðimannanna og reyni að skilja
hina algeru nauðsyn þess að þeir fái að stunda
veiðiskap sinn áfram óáreittir. Þessu er ekki síst
beint til viðkomandi yfirvalda — að þau stuðli að
því að slíkur skilningur nái eyrum sem flestra.
VÍKINGUR
53