Sjómannablaðið Víkingur - 01.08.1983, Blaðsíða 57

Er fiskimennska bara
fyrir þá ungu og hraustu?
í júlí hefti Norsk sjömansfor-
bund Medlemsblad, er grein sem
nefnist „Fiskimennska er aðeins
fyrir unga og hrausta menn“. Hér á
eftir fer efni greinarinnar, lauslega
Þýtt-
Fiskimennsku geta aðeins þeir
stundað sem eru fullkomlega vel á
sig komnir, andlega og líkamlega,
og þá aðeins í stuttan tíma. Fiski-
menn á úthafsveiðiflotanum geta
aðeins búist við stuttri starfsævi
vegna hinna erfiðu aðstæðnu sem
þeir búa við. ekki nærri því eins
langri starfsævi og þeir sem stunda
vinnu í landi. Sjómaður sem kem-
ur í land, má þakka fyrir ef hann
fær starf sem hann getur verið eins
lengi við og sá sem alltaf hefur
stundað landvinnu.
Þessar fullyrðingar setti Kris-
tian Halldorssen fram á ráðstefnu
sem haldin var á vegum Fiskere-
teknologisk Forsningsinstitut í
Þrándheimi. Miðaði hann við það
sem fram hefur komið við rann-
sóknir á þessu sviði.
Tilgangur ráðstefnunnar var að
gera grein fyrir áður umræddum
vanda fiskimanna á úthafsveiðum.
Forsvarsmenn hennar lögðu
áherslu á það að koma á sambandi
milli hinna ýmsu félagasamtaka,
rannsóknastofnana og sérmennt-
aðra manna í umræddum störfum.
Gerð var grein fyrir hinum
ýmsu þáttum starfsins, svo sem
öryggi sjófarenda, fjölskyldu-
ástæðum og afkomu, vinnuað-
stöðu og öðrum þáttum í lífi
þeirra. Voru þátttakendur nokkuð
sammála um þessi atriði.
Enn er mikið starf framundan
og langt í land að fiskimennskan
VÍKINGUR
geti orðið samkeppnisfær við störf
í landi, hvað varðar aðbúnað og
vinnuöryggi til langrar ævi. Mar£-
ar áskoranir bárust til ráðstefn-
unnar um að rannsóknastofnanir
yrðu leiðandi í þessum efnum.
Halldorssen sagði það ekki
verjandi að svo slæm vinnuskil-
yrði séu um borð að menn verði að
hætta störfum á unga aldri, vegna
þeirra og hins mikla álags.
Fiskimennsku eiga menn að
geta stundað þar til eftirlaunaaldri
er náð og hafa um leið sæmilega
afkomu. Skipulagning vinnunnar
er mikið atriði. Útgerðarmenn og
samtök þeirra eiga að vinna að
bættum aðbúnaði. Nauðsynlegt er
að ungir og aldnir geti unnið sam-
an. Til lengdar er það ekki vænlegt
að fjölskyldur fiskimanna séu
undir þeirri pressu sem eftirfar-
andi atriði valda:
Óvissar tekjur vegna mismun-
andi veiða; afskipti stjórnvalda
með einum eða öðrum hætti,
skipulagning útgerðarmannsins
og síðast en ekki síst, hæfni skip-
stjórans.
í máli sínu gat Halldorssen
hinna ýmsu veiðiaðferða og að-
stöðu á hinum ýmsu gerðum
skipa. Einnig gat hann þess að
mikið nreiri slysatíðni er um borð í
fiskiskipunr, á borpöllum og far-
skipunr. en við nokkra aðra vinnu.
Kvaðst hann stundum undrandi á
því að fiskimenn geri sér þessar
aðstæður að góðu. Kannske er
bóta að vænta innan tíðar, menn
eru farnir að ræða meiri frí frá
störfum en áður hefur verið, sagði
57