Sjómannablaðið Víkingur - 01.02.2002, Qupperneq 24

Frumvarp sjávarútxegsráðherra um breytingu á lögum um stjórn fiskveiða
Lagt verði á magn- og
afkomutengt veiðigj ald
Ártii Mathiesen
Árni Mathiesen sjávarútvegsráðherra
hefur á Alþingi mælt fyrir frumvarpi um
breytingu á lögum um stjórn fiskveiða.
Helstu breytingar sem þar er lagt til að
gerðar verði á lögunum eru þessar:
í frumvarpinu er gert ráð fyrir þvi að
lagt verði á magn- og afkomutengt veið-
gjald. Sagt er að með því móti náist fram
hvorutveggja í senn tenging við afkomu
og magn veiðiheimilda hverju sinni. Um
sé að ræða útfærslu á hugmyndum
nefndar um endurskoðun laga um stjórn
fiskveiða. Er gjaldið fundið út með því
að draga helstu kostnaðarliði útgerðar-
innar, olíu-, launa- og annan rekstrar-
kostnað ákveðins tímabils frá aflaverð-
mæti sama tímabils. Gerir frumvarpið
ráð fyrir að 9,5% þeirrar fjárhæðar sem
eftir stendur, reiknað í krónum á
þorskígildiskílógrömm, verði lagt á
þorskígildiskílógrömm komandi fisk-
veiðiárs. Til þess að fyrirtæki geti aðlagað
rekstur sinn að breytingunum er lagt til
að veiðigjaldið verði tekið upp í áföngum
á árunum 2004-2009. Gert er ráð fyrir að
þegar síðasta áfanga er náð árið 2009 geti
gjaldið skilað ríkissjóði um 1,8-2 millj-
örðum króna í tekjur á verðlagi ársins í
ár. Veiðigjaldið verður frádráttarbært frá
tekjuskatti og lækkar tekjuskattsstofn
fyrirtækjanna sem nemur gjaldinu.
Afkomutengingin sem gert er ráð fyrir
í frumvarpinu er útfærð þannig að miðað
er við að frá heildaraflaverðmæti ákveð-
ins liðins tímabils séu dregnir stærstu
kostnaðarliðir útgerðarinnar þ.e. reiknuð
laun, olíukostnaður og annar rekstrar-
kostnaður. Þær tekjur sem eftir standa
þegar þessi kostnaður hefur verið greidd-
ur verður notaðar sem grundvöllur gjald-
tökunnar á komandi fiskveiðiári. Með
þessu móti sé tekið tillit til þeirra þátta
sem mest áhrif hafa á afkomu útgerðar-
innar, þ.e. sveiflum í fiskverði og afla og
sérstaklega skilgreindum kostnaðarliðum
útgerðarinnar.
Magntenging gjaldsins samkvæmt
frumvarpinu kemur til með tvennu móti.
Annars vegar sem hluti af afkomuteng-
ingunni þar sem aflamagn mun hafa
mikil áhrif og hins vegar við álagningu
gjaldsins þar sem miðað er við að fast
gjald sé lagt á hvert þorskígildiskíló-
grömm. Með þessu er tryggt að álagning
gjaldsins taki tillit til breytinga sem
kunna að verða á afla og aflaheimildum.
Tillaga er um að sjávarútvegsráðherra
geti að höfðu samráði við Byggðastofnun
ráðstafað allt að 1.500 lestum af óslægð-
um botnfiski til skipa sem gerð eru út frá
byggðarlögum sem lent hafa í vanda
vegna samdráttar í sjávarútvegi. Er gert
ráð fyrir að þessar 1.500 lestir verði
teknar af þeirn heimildum sem ráðherra
hefur nú, skv. 9. gr. laganna um stjórn
fiskveiða, til að mæta áföllum sem l'yrir-
sjáanleg eru.
Pá er í frumvarpinu lagt til að tillögum
meirihluta nefndarinnar um hámarks-
aflahlutdeild verði fylgt, en meirihlutinn
taldi ákvæði 11. gr. laga um stjórn fisk-
veiða óþarflega þröng hvað þetta varðar.
Að mati meirihlutans koma þessar reglur
í veg fyrir að hagkvæmni stærðarinnar sé
nýtt og hamla sérhæfingu fyrirtækja. Er
þvi lagt til að hámarkshlutdeild einstakra
aðila í þorski verði 12%, en hámarks-
hlutdeild í öðrum bolfisktegundum verði
50%. Enn fremur er lagt til að samanlögð
aflahlutdeild einstakra aðila verði 12%
óháð því hvort fyrirtækin eru í dreifðri
eignaraðild.
í frumvarpinu er lagt til að settar verði
ákveðnar reglur unt hvenær unnt er að
flytja aílamark milli skipa. Samkvæmt
þessri grein er það fyrst unnt þegar afla-
markinu hefur verið úthlutað og lýkur
fresti til þess 15 dögum eftir að veiði-
tímabili lýkur. Þá er lagt til að heimild til
flutnings sé takmörkuð þannig að afla-
heimildir séu ekki bersýnilega umfram
veiðigetu skipsins. Gerðar eru tillögur
um breytingar á þeim reglum sem nú
heimila Fiskistofu að samþykkja að vikið
sé frá takmörkun á heimild til flutnings
aflamarks.
Þá er gert ráð fyrir að heimild ákvæðis
til flutnings aflaheimilda milli skipa inn-
an sömu útgerðar verði rýmkuð.
DNG handfæravindur og STK staösetningarkerfi
Átaks- og lengdarmælingar fyrir togskip og dragnótabáta
Sjóvéla línukerfi og LineTec stjórnbúnaöur
DNG
VAKI
Armúli 44 • 108 Reykjavík
sími 595 3000 • fax 595 3001
Lónsbakki • 602 Akureyri
sími 461 1 122 • fax 461 1125
www.vaki.is
v a k i @ v a k i. i s
24 - Sjómannablaðið Víkingur