Sjómannablaðið Víkingur - 01.02.2002, Síða 42

Sigling um Netið 5
í umsjón Hilmars Snorrasonar
Að þessu sinni ætla ég að hefja ferð mína á Netinu
hjá einu af fengsælustu fjölveiðiskipum okkar íslend-
ingar en það er Samherjaskipið Vilhelm Þorsteinsson
EA. Hann er að finna á slóðinni http://frontpage.sim-
net.is/eall/ Hér er virkilega skemmtileg síða að
skoða og þar er m.a. myndir frá ýmsum uppákomum
um borð og einnig fréttir af velgengni þeirra. Þá er
einnig hægt að fara í létta afþreyingu á síðunni í formi
þess að stjórna orrustuþotu. Það er víða hægt að
kíkja um borð í skip. Ein er sú síða sem samanstend-
ur af rauntíma myndavélum sem eru um borð í skip-
um og einnig í höfnum víða um heim. Síðan er á
slóðinni http://www.kroooz-cams.com en þar má sjá
meðal annars myndir frá tveimur norskum ferjum,
sex ítölskum skemmtiferðaskipum og svona mætti
lengi telja. Þegar þetta er skrifað leit ég á myndavél-
ina sem er í brúnni á Costa Romantica sem var á 16
mílna ferð i Karíbahafi á leið til St. Thomas eyja. Ef
við höfum fengið áhuga á að fara í siglingu með
skemmtiferðaskipi getur verið gott að skoða hversu
vel skipið hefur staðist skyndiskoðanir. Með því að
fara inn á http://www.equasis.org/. Hér þarf reyndar
að skrá sig inn en það er frítt. Aðeins þarf að muna
kenniorð og lykilorð sem hver og einn velur sér sjálfur og síðan
er að setja inn nöfn þeirra skipa sem þið viljið fá upplýsingar
um. Þá er einnig val um að setja kallmerki eða skráninganúmer
skips hjá Lloyds. Við skoðun á Casta Romantica sem hér var
nefnd að framan þá kemur skipið mjög vel út í skoðunum og því
ætti að vera í góðu lagi að ferðast með því hvað öryggi þess varð-
ar.
Fyrir áhugamenn á gömlum stríðsminjum þá verða þeir að
skoða stolt Breta sem Bismark skaut niður vestur af landinu í
seinni heimsstyrjöldinni. Sjónvarpsfólk frá Channel 4 komu
hingað til lands til að finna Hood og afrakstur þeirra ferða má
sjá í myndasafni á slóðinni
http://www.channel4.com/hood/index.html Síðan hefur að
geyma margar afar merkilegar myndir sem engir ættu að láta
fram hjá sér fara.
Ljósmyndasíður er alltaf klassískar að skoða. Það er aragrúi
góðra skipamyndasíðna á netinu og nokkrar fá að fljóta með
að þessu sinni. Terry Bolton er með skipasíðu sína á slóðinni
http://www.terryboltonships.50megs.com/ í gegnum síðu hans
er hægt að kaupa myndir. Hreint afburðar góða síðu nor-
rænna skipamynda er að finna á slóðinni http://www.termalo-
ma.com/ Þessi síða hefur að geyma hundruðu ljósmynda af
norrænum skipum þar með töldum íslenskum. Þeir Ole og
Terje Moene eru ljósmyndararnir. Hollenskt ljósmyndafyrir-
tæki sem heitir Flying focus er að finna á http://www.flyingfo-
cus.nl. Þessi síða er sölusíða en fjöldann allan af skipum hefur
fyrirtækið verið að mynda. Einnig eru þeir að selja almanaök
með skipaljósmyndum sem eru hreint alveg einstakar.
Síðasta ljósmyndasiðan er sænsk
http://wl.828.telia.com/~u82803079/ en þar er að finna
myndir af allra handa skipum. Ahugaverð síða. Þá er
að skoða síðu sem er mjög áhugaverð en það er síða sem
heitir heitir Mercy ships og er á slóðinni
http://www.mercyships.org/sitemap.shtml Ég ætla ekki
að hafa mörg orð um þessa síðu en sjón er sögu ríkari.
Hún er um mjög göfugt hjálparstarf og er ferð um þessa
síðu nokkuð sem verður eftirminnilegt um langan líma.
Lokasiðan að þessu sinni er íslensk og er með mynd-
um og upplýsingum um kaupskip i íslenskri eigu og
rekstri auk ljósmynda af fiskiskipum sem og erlendum
skipum. Hana er að finna á slóðinni http://www.heim-
snet.is/iceship. Hvorki hef ég í huga að gefa þessari siðu
dóma eða fjalla um hana á annan hátt þar sem hún er í
umsjón og eigu þess sem þetta skrifar.
Njótið vel
VARAHLUTIR • RÁÐGJÖF • EFTIRLIT • ÞJÓNUSTA
®
i£h
Cyklop
INTERNATIONAL
m
DAEWOO
DAFWCX) MÍAVV INDUSTBIES LTD
rintt^öirr^lannl
D'íkpatP'aeGg
Sjókopar
Leg u r
Pakkdósir
Varahlutir
Dælur
Austurskiljur
Lokar
Bindivélar
Vélar
R æ kj u I í n u r
Frystipönnur
Tengi
Ásþétti
SKIPA & VÉLAEFTIRLITIÐ
M.SIGURDSSON EHF
Smiöshöfði 13 -110 Reykjavík
Sími: 587 1503 Fax: 587 4167
GSM: 894 4790 / 899 4790 / 893 4790
E-mail: msig@msig.is -www.msig.is

42 - Sjómannablaðið Víkingur