Náttúrufræðingurinn - 1987, Side 34

ur sláni öðrum fiskum að bráð t.d. stóra
földungi, lúðu, túnfiski (albacore við
Kaliforníu) o. fl. og þeir slánar sem
fundust við Suðurskautslandið komu úr
mögum stórhvala.
BJÚGTANNI
Anoplogaster cornuta (Valenciennes,
1833)
Stœrð: 15 cm að sporðblöðku.
Lýsing: Hávaxinn fiskur og frekar
þunnvaxinn með grannt spyrðustæði.
Haus er stór með stóran og vígalegan
skástæðan kjaft (2. mynd). Efri skoltur
er næstum jafnlangur og hausinn. Tvær
stórar og oddmjóar tennur eru fremst
sitthvoru megin á báðum skoltum.
Smærri tennur gisstæðar eru aftar. Góm-
bein eru ýmist tennt eða ekki. Augu eru í
meðallagi en nasir eru stórar. Uggar eru
frekar stórir og liðgeislaðir þ.e. án gadda
nema fremsti geisli í raufarugga er
broddgeisli. Hreistur er smátt. Rák er
greinileg, hástæð og djúp en rofin af
hreistri með vissu millibili. Sundmagi er
lokaður.
Litur er dökkbrúnn eða svartleitur.
Ungir fiskar eru silfraðir nýveiddir.
Geislar B: 17-19, R: 8-9, E: 14-16.
K:l+6; hrl.: 23-28.
Heimkynni: Bjúgtanni hefur fundist í
öllum heimshöfum en virðist algengastur
á milli 46°N og 46° S. í NA-Atlantshafi
hefur hann fundist frá Portúgal suður til
Guineuflóa við Afríku, í NV-Atlantshafi
frá Sankti Georgsbanka (undan Woods
Hole í Bandaríkjunum) til Bermudaeyja
og þaðan um Mexíkóflóa og Vestur Ind-
íur allt suður til NA-Falklandseyja. í
Mið-Atlantshafi frá Asóreyjum til
Sankti Heleneyjar.
Hér við land fannst þessi fiskur fyrst
sumarið 1985 þegar Hafþór RE veiddi
tvo fiska 14 og 15 cm langa á rækjumiðun-
um milli íslands og Grænlands. Síðan
veiddust aðrir tveir 14 og 15 cm langir á
128