Náttúrufræðingurinn - 1966, Side 57

NÁTTÚRUFRÆÐINGUR] NN
203
gott samræmi við gang gossins. Þessar sveiflur sjást öðru hverju
fram til marzloka 1964.
Fyrsti jarðskjálftinn, sem öruggt má telja að stafi frá Surtsey,
varð unr hádegisbilið hinn 17. desember. Hann mældist bæði í
Reykjavík og á Klaustri, og á báðum stöðum kemur fjarlægðin
heim við gosstaðinn. Síðan verða jarðskjálftar dagana 23. og 24.
desember og 3. og 4. janúar, en allt eru þetta litlir kippir. Dagana
7.—10. janúar mældust alls 15 jarðskjálftar og nokkrir þeirra voru
það sterkir, að þeir fundust í Vestmannaeyjum. Síðan varð vart
við fáeina kippi fram til 1. febrúar, en þann dag mældust 11 jarð-
skjálftar í Reykjavík og helmingi fleiri á Klaustri. Nokkrir þeirra
fundust í Vestmannaeyjum. Þar með tekur fyrir jarðskjálfta, nema
hvað mjög veikra skjálfta verður vart á Klaustri dagana 9. marz og
14. júlí, en þar sem þeir mældust ekki í Reykjavík er staðsetning-
in ekki örugg.
Engra teljandi jarðhræringa verður vart frá Surtsey um eins árs
skeið meðan á hraunrennslinu stendur. Jarðskjálftar byrja þó aftur
áður en hraungosinu líkur og á tímabilinu frá 9. til 20. maí 1965
mælast um fimmtán jarðskjálftar í Reykjavík. Mestir verða þeir