Náttúrufræðingurinn - 1934, Qupperneq 4

114
NÁTTÚRUPR.
getið, hvar við landið eða hve djúpt það var. Við Norðurlönd hefir
hans aldrei orðið vart.
Þá er, hér áður óséður fugl, rósastari (Pastor roseus (L.)).
Hann sást lifandi á Fagurhólsmýri í öræfum 7. júlí síðastl. og
náðist þar nokkurum dögum síðar, í rigningu, holdvotur og aðfram
kominn, og sálaðist svo. Sigurður á Kvískerjum náði í fuglinn og
sendi Náttúrugripasafninu af honum haminn. — Fugl þessi, sem
er á stærð við skógarþröst, er skyldur hröfnum og stara, og svartur
með málmslikju, eins og þeir, á höfði, hálsi, vængjum og stéli, en
ljós- eða rósrauður um búkinn og með allmikinn fjaðratopp í
hnakkanum, og er því auðþekktur frá öðrum fuglum hér á líkri
stærð. Hann á aðallega heima í Mið- og Suðvestur-Asíu, en fer
þaðan oft í stórhópum til Suðaustur-Evrópu á sumrin, og er þá
að elta flökku-engispretturnar, sem eru uppáhaldsfæða hans. En
mikil eru áraskipti að flakki hans. Á Norðurlöndum og í Vestur-
Evrópu og vestanverðri Mið-Evrópu er hann sjaldséður.
Þriðja dýrið, áður óþekkt hér, ernetlufiðrildið (Vanessa
urticæ L.). Eitt náðist lifandi hér í borginni í sumar er leið, 25.
ág., annað alveg nýlega, 29. okt. Netlufiðrildið er náskylt þistil-
fiðrildinu (sjá Náttúrufr., 1. árg., bls. 186), og mjög svipað því
í sköpulagi, en minna og mikið til rauðgult að ofan, með svörtum
blettum og bláum dílum, en einlitt, móleitt að neðan. Lirfan er
svört, með gular rákir á baki og síðum, og lifir — í hópum — á
netlum og hefir fengið nafnið af því. — Hingað hefir það að
líkindum komið sem fullgert fiðrildi, ef til vill með einhverju skipi
frá nágrannalöndunum, því að það er mjög algengt um alla norðan-
og vestanverða Evrópu og suður um alla álfuna. Það er all-harð-
gert, kemur oft úr hýði snemma vors eða jafnvel um miðjan vet-
ur, ef hlýtt er í veðri, og lifir stundum sem fiðrildi frá einu sumri
til annars. Ekki er óhugsandi, að fyrra fiðrildið hafi flutzt hing-
að sem púpa og skriðið úr hýði, þegar hingað kom, þar sem veðr-
ið var mjög hlýtt hér um það leyti, þó að hitt sé líklegra. En um
síðara fiðrildið getur það varla átt við. — Því miður er þetta
fiðrildi svo sjaldgæft hér, að þetta er í fyrsta skiptið, að það
sést hér, svo vitað sé.
í sambandi við þessa stuttu skýrslu um nýja gesti hér, skal ég
geta þess, að nú er fengin full vissa fyrir því, að skeiðöndin
(Anas clypeata L.) sé hér á landi. Bjartmar Guðmundsson telur
það fullvíst (Náttúrufr., 3. árg., bls. 183), að hann hafi séð hana