Náttúrufræðingurinn - 1950, Qupperneq 28

Unnsteinn Stefónsson:
MEÐALFELLSVATN
Síðastliðið haust og vetur gerði ég rannsóknir á Meðalfellsvatni
í Kjós. Voru rannsóknir þessar fyrst og frernst fólgnar í mælingum
á dýpi vatnsins og athugunum á eðli þess. Hlaut ég styrk til þessara
athugana frá Menntamálaráði íslands, og flyt ég ráðinu hér með
mínar beztu þakkir fyrir.
Meðalfellsvatn liggur, sem kunnugt er, i Kjósinni sunnanvert við
Meðalfell. Það er um þrír km á lengd og tæpur hálfur annar km á
breidd, þar sem það er breiðast. Vestan til í vatninu er smáhólmi, og
eru grynningar á nokkru svæði í kringum hann. í vatnið renna tvær
smáár, Sandsá og Flekkudalsá, sem báðar falla í vatnið sunnanvert.
Úr vatninu vestanverðu, skammt frá Meðalfelli, rennur allstór á,
Bugða, og fellur Iirm út í Laxá.
í Meðalfellsvatni veiðist talsvert af smábleikju, sem einkum held-
ur sig austan til í vatninu í dýpsta hluta þess. Urriði veiðist einnig
í vatninu, þó nokkru minna, og verður hans helzt vart í vestari hluta
vatnsins og við Grjótéýrartanga, en svo nefnist tanginn, þar sem
Flekkudalsá fellur í vatnið. Úr Laxá gengui lax upp í Bugðu og
verður hans oft vart í vatninu og hefur verið veiddur þar lítils háttar.
Sjóbirtingur hefur og veiðzt stöku sinnum. Samkvæmt skýrslu
Stangaveiðifélags Reykjavíkur var veiðin í Meðalfellsvatni sumurin
1947—49 sem hér segir:
Lax Silungur
1947 70 2703
1948 43 3925
1949 um 50 um 1500
Meðalþyngd á laxi úr vatninu hefur verið um 6 pund og á silungi
um hálft pund.
Botngróður er mikill í vatninu, einkurn á grynnslunum sunnan og
vestan til í því. Meðalfellsvatn mun því geta talizt ákjósanleg upp-