Náttúrufræðingurinn

Árgangur

Náttúrufræðingurinn - 01.02.1969, Blaðsíða 1

Náttúrufræðingurinn - 01.02.1969, Blaðsíða 1
Nátlúrufr. - 38. drg. - 3.-4. hefti - 113.-212. síða - Reykjavik, febrúar 1969 Sigurðnr Þórarinsson: Síðustu þættir Eyjaelda Það er stundum erfitt að segja með vissu, hvenær eldgosi lýkur. Sé um hraungos að ræða, er eðlílegast að telja því lokið, þegar ekki sér lengur nein merki hraunrennslis. í Surtsey sást vottur hraun- rennslis síðast hinn 5. maí 1967. Voru þá liðin þrjú ár, 6 mánuðir og 3 vikur síðan gosið varð fyrst sýnilegt og var það þar með orðið næst lengsta gosið, sem sögur fara af hérlendis. Mývatnseldar einir munu hafa varað nokkrum mánuðum lengur og er þá sprengi- gosið í Víti utaní Kröflu ekki meðtalið. Mývatnseldar höguðu sér raunar mjög svipað og Surtseyjargosið myndi hafa gert, ef það hefði verið á þurru landi. Þeir voru hraungos úr kerfi sprungna, meira eða minna hliðraðra, sem gusu hver eftir aðra, og heildarmagn fastra gosefna var svipað og í Surtseyjargosinu. í ritgerð í Náttúrufræðingnum 1965 birti ég stuttorðan annál Surtseyjargossins fram til febrúarloka 1966. Skal annálnum nú áfram haldið og þráðurinn tekinn upp þá er árinu 1965 er að ljúka, en þá hófst nýr kafli eða þáttur gossins. Annáll sá, sem hér fer á eftir, er að verulegu leyti byggður á eigin athugunum, en ferðir mínar á eldstöðvarnar meðan á gosinu stóð urðu alls 140, þaraf 46 eftir að gosið í Jólni hófst. Eru þeir dagar, sem ég var á eða yfir gos- stöðvunum síðustu gosárin undirstrikaðir í eftirfarandi annál. Flest- ar voru ferðirnar þessi síðustu ár farnar í flugvél Flugmálastjórnar- innar eða með varðskipum.og þyrlu Landhelgisgæzlunnar og jókst því þakkarskuld mín við þá Agnar Kofoed-Hansen og Pétur Sig- urðsson. Upplýsingar um gosið auk eigin athugana fékk ég þessi síðustu gosár aðallega frá flugmönnunum Sigurjóni Einarssyni, Birni Pálssyni og Agnari Kofoed-Hansen og frá starfsmönnum flug- turnsins í Eyjum, þeim Bjarna Herjólfssyni og Skarphéðni Vil- mundarsyni, en Árni Johnsen fræddi mig um upphaf síðara hraun- gossins í Surtsey.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.