Náttúrufræðingurinn - 1969, Qupperneq 51

N ÁT TÚRUFRÆÐINGURINN
155
!). mynd. Bleiklax Oncorhynchus gorbuscha.
(Frá Veiðimálastjóra).
bleiklaxinn mun liafa veiðst í Hítará þann 12. ágúst 1960. Hinir
veiddust á Vestur-, Norður- og Austurlandi.
Bleiklaxinn lifir í sjó og gengur í ár til hrygningar og þá vex
hnúður á bak hængsins framan við bakuggann sem einkennir hæng-
ana um hrygningatímann. Að hrygningu lokinni deyja fiskarnir.
Heimkynni bleiklaxins eru Norður-Kyrrahafið, en á síðari árum
hafa m. a. verið gerðar tilraunir með að setja hann í ár í Sovétríkjun-
um norðanverðum og munu laxarnir sem á íslandi veiddust vera
komnir þaðan.
Ætt: Sternoptychidae
9 Stóri silfurfiskur Argyropelecus gigas (Norman)
Veiddist undan suðvesturströnd íslands (Eldey) þann 28. mars
1958. Lengd 8 cm.
Einkennandi fyrir silfurfiska almennt er að þeir eru mjög litlir,
háir og þunnir, hausstórir og stóreygðir. Munnur veit nærri beint
upp. Aftan við höfuðið fyrir framan bakugga er kambur, líkastur
ugga. Þá er og röð af beinplötum á kviðnum með ljóskösturum.
Einnig eru Ijóskastarar þessir eftir endilangri neðri rönd stirtl-
unnar og á hausnum. Hreistur er ekkert. Stóri silfurfiskur er
stærstur þeirra silfurfiska, sem þekkjast.
Heimkynni stóra silfurfisks eru Atlantshafið.