Náttúrufræðingurinn - 1969, Qupperneq 56

160
NÁT TÚ R U I'RÆÐ INGURINN
Ætt: Bramidae
14 Silfurbrami Pterycombus brama (Fries)
Veiddist fyrst hér við land sumarið 1960 við Vestmannaeyjar.
Lengd 54.5 cm. Annar veiddist á handfæri 4 sjómílur suðaustur af
Hópsnesi (Grindavík) þann 21. júní 1967. Var hann 40 cm langur
og 575 grömm að þyngd.
Silfurbrami er mjög þunnvaxinn og hár. Munnur rís upp. Bak-
uggi og raufaruggi mjög háir og við rætur þeirra rifa, sem liægt er
að leggja geislana niður í, sporður sýldur. Litur er silfurgljáandi,
dekkri á baki. Lengd getur orðið allt að 52 cm.
15. myncl. Silfurbrami Pterycombus brama.
(Úr: Ehrenbaum).
Silfurbrami er mjög sjaldséður fiskur, sem til skamms tíma hafði
aðeins veiðst við Noregsstrendur auk tveggja fiska, sem veiddust
við norðurströnd Spánar. Smáseiði höfðu fengist úr maga túnfisks
veiddum í Miðjarðarhafi.
Af sömu ætt hafa fundist hér við land stóri bramafiskur (Brama
raii) og litli bramafiskur (Brama raschi), báðir fremur sjaldgæfir,
einkum þó sá síðarnefndi.