Náttúrufræðingurinn - 1989, Page 57

helstu niðurstöður hennar varðandi ís-
lenska slímsveppi verða væntanlega birtar
í 10. hefti Acta botanica islandica.
Ljósrit af ritgerð Götzsches er til í Nátt-
úrufræðistofnun Norðurlands á Akureyri.
PYRENOMYCETER PÁ BETULA
PUBESCENS PÁ ISLAND
Eiríkur Jensson
Hovedoppgave i spesiell botanikk til
matematisk-naturvitenskaplig
embetseksamen ved Universitetet i Bergen.
1978 (129 vélr. bls.).
Ritgerðin byggir á söfnun og rannsókn-
um höfundarins árin 1974-1975, er hann
ferðaðist hér um landið og safnaði kimba-
sveppum (Pyrenomycetes) af dauðu og lif-
andi birki á 8 völdum svæðum víðs vegar
um landið. Hér er um að ræða einn af að-
alflokkum eskisveppanna (Ascomycetes),
og lifa sveppir þessir á alls konar fúnum
eða hálfrotnum jurtaleifum eða jafnvel
sem sníkjuverur á lifandi jurtum. Flestir
eru örsmáir og birtast sem pínulitlir svartir
dílar.
Þótt kimbasveppir megi kallast tiltölu-
lega vel þekktir hér á landi, miðað við
ýmsa aðra sveppaflokka, tókst Eiríki að
tvöfalda tölu þeirra tegunda sem áður
voru þekktar á birkinu, og skýrir hann frá
um 40 tegundum í ritgerð sinni og Iýsir
flestum þeirra allýtarlega, með teikning-
um o.s.frv.
Fremst í ritgerðinni er greiningarlykill
fyrir þessar tegundir og í lokin er almenn-
ur kafli um útbreiðslu tegundanna, undir-
lag þeirra o.fl., með samanburði við flórur
grannlandanna.
Fregnast hefur að Náttúrufræðistofnun
íslands muni gefa út þessa ritgerð Eiríks í
einhverju formi á næstu mánuðum eða ár-
um, og verður það vonandi fyrr en seinna.
LOKAORÐ
Hér má bæta því við, að í doktorsritgerð
Trond Schumacher: A monograph of the
genus Scutellinia (Cooke) Lamb. (Pyro-
nemataceae), er hann vann við Oslóarhá-
skóla 1987, er getið um 10 íslenskra teg-
unda og þar af 8 nýrra í flóru landsins.
Einnig hefur Guðríður Gyða Eyjólfsdóttir
skrifað prófritgerð um „íslenska jarðvegs-
sveppi", við Líffræðiskor Háskóla íslands,
1984, sem byggist á rannsóknum hennar á
jarðvegssýnum af Suðurlandi og Auðkúlu-
heiði, er tekin voru 1982-83. Þar er lýst
um 30 tegundum, aðallega vanburða-
sveppum (Fungi imperfecti). Þar sem rit-
gerðin er ófullgerð verður efni hennar
ekki frekar rakið hér, en höfundur hyggst
ljúka henni á þessu ári eða næsta.
111