Náttúrufræðingurinn - 1990, Síða 36

I. mynd. Klepra- og hraunhryggurinn sem um er rætt í greininni. Ljósm. photo Jón Jóns-
son.
sjódrif nægi til að skýra það. Spurning
er svo hvort hér sé um að ræða gosgíg
eða gervigíg. Ekki verður annað séð
en að hraunbrík lítil liggi út frá aust-
urenda gígsins og ætti það að sanna að
um gosgíg er að ræða. Ekki hefur enn
verið hægt að bera saman það hraun
og hraunið úr Rauðhól, en af því sem
hér hefur verið sagt, verður haft fyrir
satt að þarna hafi gosið, líklega í
grunnu sjávarlóni eða í tjörn nálægt
sjó þar sem lög af kísilgúr hefðu náð að
myndast. Víst er hinsvegar að bergið í
þessum gíg er gerólíkt hrauninu úr
gígunum í Selhrauni suður af Straums-
vík, en á jarðfræðikorti (1:250000) eru
þeir ranglega merktir sem gervigígir.
Ljóst er að þessir gígir eru gamlir, en
um aldur þeirra verður ekkert að öðru
leyti sagt.
HEIMILDIR
Guðmundur Kjartansson 1952. Meira um
Rauðhól. Náttúrufrœðingurinn 19. 9-19.
146