Samvinnan - 01.06.1969, Blaðsíða 61

Heit ostakaka
Deig:
150 g mjörlíki
3 dl hveiti
3—4 msk vatn
Sigtið hveitið, blandið smjörlíkinu í með hníf og vætið í með
vatninu, hnoðið fljótt saman. Fletjið út og klæðið botn og barma
á eldföstu móti með deiginu.
Fylling:
150 g rifinn ostur
3 egg
2 dl mjólk
Salt, pipar, paprika
Hrærið rauður, mjólk og rifinn ost saman, kryddið eftir bragði.
Stífþeytið hvíturnar og blandið þeim varlega saman við. Hellið
síðan yfir deigið í mótinu og bakið við um 200 gráðu hita í 40—50
mín. eða þar til kakan er bökuð og fyllingin stífnuð.
Borin fram með heitum eða köldum drykkjum og hráu græn-
metissalati ef vill.
Bökuð eplakaka
4 epli
% l vatn
%—1 dl sykur
Deig:
3 dl (100 g) hafragrjón
1 dl (50 g) möndlur eöa hnetur
dl (150 g) sykur
100 g smjör eða smjörliki
Flysjið eplin, skerið þau í tvennt og takið fræhúsin úr. Hálf-
sjóðið þau síðan í sykurvatninu, látið soðið renna vel af þeim og
raðið síðan í eldfast mót. Blandið hafragrjónum, flysjuðum, söx-
uðum möndlum, sykri og bræddu smjörlíkinu saman og hellið yfir
eplin. Bakið kökuna um 20 mín. við 200 gráðu hita og berið hana
fram volga eða kalda með þeyttum rjóma, sem ábætisrétt eða með
kaffi.
Súkkulaðiskel (handa 6—8 manns)
% stk hjúpsúkkulaði
Sykurbrauðsbotn (svampbotn eða möndlubotn)
Vz—1 dós perur (niðursoðnar)
2—3 dl þeyttur rjómi
Bakið svampbotninn í venjulegri stærð af tertumóti. Klæðið síð-
an steikarpönnu með málmpappír og athugið að pappírinn þarf að
vera eins sléttur og mögulegt er og ná upp fyrir brúnir pönnunnar;
smyrjið hann síðan með matarolíu.
Bræðið súkkulaðið í vatnsbaði við hægan hita og rennið því
síðan í pönnuna (skiljið dálítið eftir til skreytingar). Ath að þekja
botn og barma jafnt með súkkulaðinu, auðveldast er að gera það
með skeið. Látið bíða á köldum stað um stund. Takið síðan pappír-
inn varlega af og látið súkkulaðiskelina á fat. Látið kökubotninn
þar ofan í og bleytið hann með ávaxtasafa (og víni ef vill). Raðið
skornum perum yfir og þekið með þeyttum rjóma. Bræðið síðan
það sem eftir var af súkkulaðinu og dragið það yfir rjómann með
skeið, þannig að það myndi misbreiðar rákir. Kakan er tilvalin sem
ábætisréttur með kaffi, t. d. á eftir blandaða kjötréttinum sem er
fyrsta uppskriftin í þessum þætti.
61