Samvinnan - 01.12.1973, Page 57

kirknanna í Addis Abeba 1971 (hér er
um að ræða þær kirkjur sem sögðu skilið
við vesturkirkjuna eftir kirkjuþingið i
Khalkedon árið 451). Segja má að með því
hafi verið stigið fyrsta skref í þá átt að
útkljá deiluna um, hver sé hinn sanni
arftaki Markúsar. Shenoute III heimsótti
grísk-orþódoxa patríaikann af Alexandr-
íu, Nikólaos VI, á föstunni í fyrra, og
þeir urðu ásáttir um raunhæft samstarf.
Þannig tekur koptíska kirkjan nú við
30 yfirgefnum griskum kirkjubyggingum
í óshólmunum.
Koptískar útflytjendakirkjur
Samskiptin útávið hafa sömuleiðis auk-
izt eftir að patríarkinn heimsótti á liðnu
ári höfuðstöðvar orþódoxu kirkjunnar:
Moskvu, Búkarest, Istanbúl, Aþenu og
Damaskus. Hinar mörgu koptísku út-
flytjendakirkjur auka einnig samskiptin
útávið. í Ástralíu búa til dæmis 5000
koptar, og víða annarsstaðar í heiminum
hafa koptískir prestar verið fengnir til
að þjóna söfnuðum útflytjenda. Það á við
um Bandaríkin, Kanada og ýmis lönd
Evrópu. Jafnframt fær Kenýa brátt eigin
koptískan biskup, afríska munkinn Mark-
ús sem stundað hefur nám í Kaíró. Hann
á að stjórna fjölmennri innlendri kirkju-
deild. Ég átti tal við hann í fyrrasumar,
og hann lét í ljós mikla ást á hefðum
koptísku kirkjunnar, en hann varaði við
því að endurtaka mistök evrópskra
kristniboða, semsé þau að reka kirkju-
lega heimsvaldastefnu með því að þvinga
form og hugsunarhátt framandi menn-
ingar uppá fólk sem býr við eigin menn-
ingarhefðir. „Það eru ekki formin, held-
ur innihaldið sem þau miðla, sem ræður
úrslitum,“ sagði hann.
Fyrir tveimur árum var að frumkvæði
Aþanasíosar biskups komið á fót samfé-
lagi líknarsystra í Kaíró. Þær eiga að
starfa að líknarstörfum og boða með-
bræðrum sínum af öðrum trúarbrögðum
fagnaðarerindið með kristindómi í verki.
Þetta er eftirtektarvert framtak, þegar
haft er i huga, að egypzku nunnuklaustr-
in hafa eingöngu helgað sig íhugun.
Það er einnig mikilvægt, að svæðið,
sem heyrir undir biskupinn yfir Boheira
og Tahrir í óshólmunum vestanverðum,
hefur verið stækkað til þeirra muna, að
það nær nú yfir gervalla Norður-Afríku
og Spán. Snemma á siðasta ári fór Pakóm-
ios biskup í fyrstu yfirreið sína um svæð-
ið. Líbýa hefur fengið fyrsta koptíska
prestinn, og ætlunin er að koma upp
sálusorgunarmiðstöð i Alsír. Þetta fram-
tak er athyglisvert. Svo virðist sem kopt-
íska kirkjan sé að verða sér meðvit-
andi um hlutverk sitt sem stærsta
kristna kirkja í hinum múhameðska
heimi. Ennfremur getur þetta framtak
átt þátt í að skapa mótvægi gegn til-
raunum múhameðskra ríkisstjórna til að
kæfa kirkjuna.
Kirkia og ríki
Afturámóti hefur kirkjan ekki komizt
hjá að láta nota sig í pólitísku augnamiði.
Patríarkinn hefur orðið að styðja stefnu
Eftir guðsþjónustu kveður söfnuðurinn föður Bishoi, sem hefur skírt 20 múhameðstrúarmenn.
(Mynciir: Ole Skjerbœk Madsen).
ríkisstjórnarinnar gagnvart ísrael. Þann-
ig sagði Shenoute III patriarki við vígslu
koptískrar kirkju í Líbýu, sem Libýu-
stjórn hafði gefið, að kirkjan og mosk-
an, kirkjuturninn og bænaturninn mundu
taka höndum saman og standa sem einn
maður gegn árás ísraels. Patríarkinn hef-
ur einnig heimsótt vígstöðvarnar við Súez-
skurðinn.
Egypzka stjórnin hefur líka kunnað
að færa sér í nyt ýmislegt sem gerist inn-
an koptísku kirkjunnar. Þegar María hóf
opinberun sína 1968 í kirkju í Zeitun,
útborg Kaíró, sögðu egypzku blöðin ýtar-
lega frá þessum viðburði — einnig A1
Ahram. Bæði múhameðstrúarmenn og
kristnir menn höfðu séð sýnina, og menn
af báðum trúarbrögðum höfðu hlot-
ið lækningu. í augum stjórnvalda
mátti nota þennan viðburð til að sýna
einingu þjóðarinnar og að Guð væri með
þjóðinni, þegar hún stæði einhuga gegn
hinum ísraelska fjanda. Og þegar haldið
var uppá fjögurra ára afmæli opinber-
unarinnar í lok marz 1972, var ekki nema
eðlilegt að ríkisstjórnin gæfi sem svarar
um tveimur og hálfri milljón íslenzkra
króna til að stækka þennan pílagríma-
stað, þar sem meðal annars var ætlunin
að koma upp pílagrimahæli. Sadat hef-
ur þörf fyrir stuðning fólksins, einnig
kristna minnihlutans.
Eigi að síður hefur kirkjan látið mjög
til sín taka. í fyrravor voru um 20 múha-
meðstrúarmenn skírðir til kristinnar trú-
ar í koptísku kirkjunni Marí Gírgis í
Alexandríu af föður Bishoi. Þetta vakti
nokkra óró, og talið er að það hafi verið
57