Fréttablaðið - 24.09.2009, Blaðsíða 6

6 24. september 2009 FIMMTUDAGUR
ORKUMÁL Tvö fyrirtæki sem sóttu
um og fengu leyfi til rannsókna
og vinnslu á olíu og gasi á Dreka-
svæðinu svokallaða hafa nú dregið
umsóknir sínar til baka.
Orkustofnun veitti annars
vegar norska fyrirtækinu Aker
Exploration og hins vegar fyrir-
tækjunum Sagex Petroleum og Lind-
ir Exploration sameiginlega leyfi
til rannsókna og vinnslu á Dreka-
svæðinu í maí síðastliðnum. Svæðið
liggur milli Íslands og Jan Mayen.
Sagex og Lindir drógu umsókn
sína til baka á þriðjudag, segir
Guðni A. Jóhannesson orkumála-
stjóri. Hann segist telja að fyrir-
tækin hafi átt í erfiðleikum með að
fjármagna rannsóknir á svæðinu.
Aker dró umsókn sína til baka
um miðjan júlí þar sem fyrirtæk-
ið sameinaðist öðru fyrirtæki sem
hafði þegar rannsóknar- og vinnslu-
leyfi á norska landgrunninu, segir
Guðni.
„Þetta er auðvitað ekki verkefn-
inu til framdráttar, en segir okkur
mikið um ástandið á þessum mark-
aði og fjármögnunarmöguleikum,“
segir Guðni. Viðbúið hafi verið að
verkefni sem hafi verið jafn stutt
á veg komið og íslenska verkefnið
yrði gefið eftir á undan öðrum verk-
efnum sem væru lengra komin.
Gunnlaugur Jónsson, forstjóri
Linda og stjórnarmaður í Sagex,
hafnar því að fjármögnun hafi verið
vandamál; ekkert hafi breyst hvað
það varðar frá því sótt hafi verið
um.
Ástæðan fyrir því að fyrirtæk-
in drógu umsókn sína til baka er að
skattakerfið tengt olíuvinnslunni er
mjög íþyngjandi, segir Gunnlaugur.
Aðstæður á svæðinu séu erfiðar til
leitar og vinnslu, og því ætti ríkið
frekar að hvetja til fjárfestinga með
hagstæðu skattakerfi en að letja
með flóknu og óhagstæðu kerfi.
Kerfið hefur ekki breyst frá því
sótt var um, en Gunnlaugur segir
að vonir hafi staðið til þess að því
yrði breytt. Þær vonir hafi ekki
gengið eftir, né bendi samtöl við
embættismenn til þess að það verði
í bráð.
Verði skattakerfið lagað og
vinnsla boðin út á ný muni Lindir
og Sagex að öllum líkindum bjóða í
að nýju, enda séu miklir möguleikar
til vinnslu á Drekasvæðinu. Nú hafi
stjórnvöld fengið skýr skilaboð og
boltinn sé hjá þeim.
Guðni segir að eitt til tvö ár geti
liðið þar til farið verði í nýtt útboð
á rannsóknum og vinnslu á Dreka-
svæðinu. Þó muni Orkustofnun
væntanlega halda dyrunum opnum,
vilji fyrirtæki koma að slíkum verk-
efnum í millitíðinni.
Einhverjar tafir verði því vegna
þess að fyrirtækin hafi dregið
umsóknir sínar til baka, en allt-
af hafi verið gert ráð fyrir því að
langur tími liði þar til hægt yrði að
vinna
Ekki er allt stopp á Drekasvæð-
inu, því tvö fyrirtæki vinna nú að
grunnrannsóknum á möguleikum á
olíu- og gasvinnslu, segir Guðni. Þau
ætli sér ekki að vinna olíuna heldur
selja öðrum áhugasömum fyrirtækj-
um niðurstöður rannsókna sinna.
brjann@frettabladid.is
Áhugi á olíuleit á
Drekasvæði dvínar
Fyrirtæki sem sóttu um leyfi til rannsókna og vinnslu á Drekasvæðinu hafa
dregið umsóknirnar til baka. Áhugi Norðmanna á svæðinu hefur aftur á móti
glæðst. Íslenska ríkið gæti fengið tekjur af vinnslu Norðmanna.
Drekasvæðið
GRÆNLAND
Síldarsmu-
gan
Jan
Mayen
ÍSLAND
FÆREYJAR
DREKASVÆÐIÐ Líklegt er talið að olía og gas leynist undir hafsbotni milli Íslands
og Jan Mayen. Svæðið skiptist milli Íslands og Noregs, og nefnist hinn íslenski
hluti þess Drekasvæðið.
Norðmenn virðast nú áhugasamari
um olíuleit og -vinnslu í nágrenni
Jan Mayen en þeir hafa verið hingað
til. Guðni A. Jóhannesson orkumála-
stjóri segir íslensk stjórnvöld græða
á auknum áhuga Norðmanna.
Rannsóknir Norðmanna muni
án efa nýtast Íslendingum þegar
önnur fyrirtæki fái áhuga á vinnslu
á Drekasvæðinu. Auk þess muni
íslensk stjórnvöld fá 25 prósent af
skatttekjum af olíuvinnslu á jaðri
línunnar sem skilur að yfirráðasvæði
Norðmanna og Íslendinga á milli
Jan Mayen og Íslands. Að sama
skapi fá Norðmenn fjórðung skatt-
tekna af olíuvinnslu Íslandsmegin
skammt frá miðlínunni.
GRÆÐUM Á ÁHUGA NORÐMANNA
Markaðurinn
Fylgir Fréttablaðinu einu sinni í mánuði
Næsta blað kemur út
miðvikudaginn 7. október
Traust og vönduð
umfjöllun um
viðskiptalífið
Hringdu í síma
ef blaðið berst ekki
HEILBRIGÐISMÁL Mun fleiri Íslend-
ingar nota önnur lyf til meðferð-
ar á beinþynningu en þau sem
ódýrust eru og mælt er mest með.
Ef notkun þessara lyfja væri með
sama hætti á Íslandi og í Noregi
og Danmörku væri mögulegt að
lækka lyfjakostnað um 100 millj-
ónir króna á ársgrundvelli. Þetta
kemur fram í nýútgefnu frétta-
bréfi lyfjadeildar Sjúkratrygginga
Íslands.
Í fréttabréfinu kemur fram að
kostnaður sjúkratrygginga vegna
lyfja til meðferðar við beinþynn-
ingu nam 167 milljónum króna
árið 2008. Sem fyrsta vali í með-
ferð við beinþynningu sé mælt með
70 milligrömmum af alendrónsýru
einu sinni í viku. Erlendar hag-
kvæmniúttektir mæli með slíkri
meðferð sem bestum kosti til að
hámarka ávinning, eða lífsgæða-
ár, að teknu tilliti til kostnaðar.
Þrátt fyrir það noti mun fleiri
Íslendingar önnur lyf en þau sem
mest er mælt með. Um 1.300 noti
alendrónsýru lyf á meðan um
1.900 séu á öðrum lyfjum í þessum
flokki.
Samanburður við notkun þess-
ara lyfja í Noregi og Danmörku
leiðir í ljós að Norðmenn nota
alendrónsýru í um 96 prósentum
tilvika, um 89 prósent í Danmörku
en Íslendingar í aðeins um 50 pró-
sentum tilvika. - kg
Margir Íslendingar nota dýrari lyf en þau sem mælt er með við beinþynningu:
Um 100 milljónir gætu sparast
BEINÞYNNING Íslendingar nota lyf við
beinþynningu sem mælt er með í um
50 prósentum tilvika. FRÉTTABLAÐIÐ/VILHELM
SJÁVARÚTVEGSMÁL Þriðjungs niður-
skurður veiðiheimilda í ýsu er far-
inn að segja til sín. Nánast ómögu-
legt er að fá leigðan ýsukvóta öfugt
við það sem hefur verið undanfarin
ár þegar nægt framboð var.
Frá þessu segir á vef Landsam-
bands smábátaeigenda. Þar segir
að afleiðingar þessa séu margvís-
legar, meðal annars fyrir þá sem
hafa reitt sig á leigu á ýsukvóta
á undanförnum árum. Margir
þeirra eru með nægar veiðiheim-
ildir í þorski en standa nú frammi
fyrir því að geta ekki nýtt þær þar
sem ýsa veiðist alltaf í töluverðu
magni með þorski. Einnig hefur
þetta þær afleiðingar að framboð
á línuveiddri ýsu minnkar og þar
með útflutningsverðmæti þar sem
minna fæst fyrir ýsu sem veidd
er í troll. Í þriðja lagi kemur þetta
niður á þorskveiðunum. Þær er ekki
hægt að stunda með eins mikilli
hagkvæmni og verið hefur.
Sambandið hefur rætt þessi mál
við sjávarútvegsráðuneytið og
hyggst senda sjávarútvegsráðherra
hugmyndir til umræðu um hvernig
megi liðka til fyrir viðskiptum með
veiðiheimildir á ýsu.
Eins segir að krókaaflamarksbát-
ar leigðu til sín yfir fjögur þúsund
tonn af ýsu í fyrra. Heildarýsuafli
síðasta fiskveiðiárs varð rúm 89
þúsund tonn. - shá
Niðurskurður veiðiheimilda er farinn að segja til sín:
Ómögulegt er að fá ýsukvóta leigðan
LÖNDUN Hlutdeild krókaaflamarksbáta í ýsu var fimmtán prósent heildarafla í ýsu.
Þeir veiddu 24 prósent aflans. FRÉTTABLAÐIÐ/GVA
Hefur þú sótt eða hyggstu sækja
kvikmyndasýningar á RIFF-
hátíðinni?
Já 8%
Nei 92%
SPURNING DAGSINS Í DAG:
Ætlar þú að veiða rjúpu í
haust?
Segðu skoðun þína á visir.is.
KJÖRKASSINN