Fréttablaðið - 24.09.2009, Blaðsíða 8

8 24. september 2009 FIMMTUDAGUR
1 Hversu hár verður niður-
skurðurinn í heilbrigðiskerfinu
á næsta ári?
2 Hvað heitir brottrekinn
forseti Hondúras sem laumaðist
aftur til landsins á mánudag?
3 Hvaða íslenski leikari leikur
í mynd rússneska leikstjórans
Sokurovs um Faust?
SVÖRIN ERU Á SÍÐU 46
A
T
A
R
N
A í september
Glæsilegar vörur nú á
Tækifærisverði.
Láttu drauminn rætast.
Nóatúni 4 · Sími 520 3000
www.sminor.is
Skoðið Tækifæristilboðin á
www.sminor.is
Umboðsmenn um land allt.
Tæki færi
SVÍÞJÓÐ, AP Hópur ræningja notað-
ist við stolna þyrlu og sprengiefni
til að ræna fé úr peningageymslu
öryggisfyrirtækis í Stokkhólmi
eldsnemma í gærmorgun. Einn
maður var handtekinn stuttu eftir
hádegi, grunaður um aðild að
ráninu.
Mennirnir flugu þyrlunni yfir
bygginguna, sem er í Västberga-
hverfinu sunnan til í borginni.
Tveir þeirra sigu niður á þakið,
brutu þar glugga og komust þannig
inn í peningageymsluna. Þeir flugu
síðan á brott með þyrlunni með
fenginn í stórum pokum.
Lögreglan gat ekki notfært sér
sínar eigin þyrlur vegna þess að
sprengiefni hafði verið komið
fyrir við þyrluskýli lögreglunn-
ar. Sérsveitarmenn sáust einnig
gera örvæntingarfulla tilraun til
að komast inn í peningageymsluna
frá götunni.
Peningageymslan er í eigu
bresks öryggisfyrirtækis sem
heitir G4S PLC og mun vera eitt
hið umsvifamesta sinnar tegund-
ar í heimi. Talsmaður fyrirtæk-
isins vildi ekki gefa upp hve há
fjárhæð fengsins var. Um það bil
tuttugu starfsmenn öryggisfyrir-
tækisins voru í byggingunni þegar
ræningjarnir réðust til atlögu, en
að sögn sænsku lögreglunnar urðu
engin meiðsli á fólki.
Sjónarvottar sögðust hafa heyrt
háværar sprengingar meðan
þjófarnir voru inni í bygging-
unni. Einn sjónarvotturinn sagð-
ist hafa séð gráa þyrlu svífa yfir
byggingunni í um það bil fimmtán
mínútur. „Tveir menn létu sig síga
niður,“ sagði hann. „Ég sá þá hífa
peningana upp líka.“ Þyrlan fannst
skömmu síðar yfirgefin við lítið
stöðuvatn um 25 kílómetra norðan
við Stokkhólm.
Í peningageymslu G4S í Väst-
berga eru geymdir peningar sem
fyrirtækið hefur tekið að sér að
flytja í banka og önnur fyrirtæki í
Svíþjóð. gudsteinn@frettabladid.is
Hópur ræningja flaug burt
með peningana í þyrlu
Stolin þyrla fannst yfirgefin skammt frá Stokkhólmi stuttu eftir að hópur manna hafði notað hana til að
brjótast inn í peningageymslu. Mennirnir létu sig síga á þak byggingarinnar og brutu sér leið inn þar.
© GRAPHIC NEWS
320km
NOREGUR SVÍÞJÓÐ
Stokkhólmur
Gautaborg
Janúar 2008: Grímuklæddir menn
vopnaðir byssum brutust inn í pósthús í
Gautaborg. Þeim mistókst að ræna þar
peningasendingu. Sextán manns voru
ákærðir. Réttarhöld standa enn yfir.
Mars 2006: Fimm ræningjar, sumir
vopnaðir rifflum, réðust á starfsmenn
á Landvetter-flugvelli í Gautaborg og
rændu gjaldeyrissendingu að verðmæti
1,1 milljón Bandaríkjadala.
© GRAPHIC NEWS
Júlí 2002: Þrír vopnaðir menn
stálu erlendum gjaldeyri að verðmæti
5,6 milljónir dala á Arlanda-flugvelli í
Stokkhólmi.
Þyrlurán í Svíþjóð
Ræningjarnir notuðu þyrlu
til að ræna peninga-
geymslu öryggisfyrir-
tækis í Stokkhólmi.
HEIMILD: FRÉTTASTOFUR
ÁSTRALÍA, AP Þykkur rykmökkur
lagðist yfir Sydney og fjölmargar
aðrar borgir í austanverðri Ástr-
alíu í gær. Milljónir manna sáust
hósta og spýta ryki á götum borg-
anna, en stjórnvöld hvöttu fólk til
að taka því rólega og forðast að
vera mikið úti við.
Hvassviðri olli því að þurr yfir-
borðsjarðvegur frá eyðimörkinni
í miðju landsins tókst á loft og
lagðist yfir borgir og bæi. Fjöl-
margir leituðu til læknis vegna
öndunarerfiðleika. Síðdegis varð
loftið að mestu eðlilegt á ný. - gb
Rykstormur í Ástralíu:
Loftið varð
rauðgult á lit
RYKMÖKKUR YFIR SYDNEY Eyðimerkur-
rykið varpaði appelsínugulum blæ á
borgina í gær. NORDICPHOTOS/AFP
Stálu ljóskösturum af jeppa
Tveir ungir menn voru handteknir
í Reykjavík í fyrrinótt, grunaðir um
að hafa stolið ljóskösturum af jeppa
við Naustabryggju. Vitni gat lýst bíl
sem þeir voru á og leiddi það til
handtökunnar.
LÖGREGLUFRÉTTIR
RÁN Í SVÍÞJÓÐ Sérsveitarmenn áttu fullt í fangi með að opna sér leið inn í peninga-
geymsluna eftir að ræningjarnir höfðu haft stórfé með sér á braut. NORDICPHOTOS/AFP
BANDARÍKIN, AP „Þeir sem voru
vanir að úthúða Bandaríkjunum
fyrir að fara eigin leiðir í heim-
inum geta ekki staðið hjá núna
og beðið eftir því að Bandarík-
in leysi vandamál heimsins upp á
eigin spýtur,“ sagði Barack Obama
Bandaríkjaforseti í ávarpi sínu á
allsherjarþingi Sameinuðu þjóð-
anna, sem nú stendur yfir í New
York.
Hann hvatti ríki heims til að
standa saman og takast af fullri
alvöru á við vandamálin, hvort
heldur um væri að ræða hlýnun
jarðar, heimskreppu, stríðsátök
eða annað.
„Íbúar heimsins vilja breyting-
ar,“ sagði hann. „Þeir munu ekki
lengi sýna þolinmæði þeim sem
eru öfugu megin í sögunni.“
Ban Ki-moon, framkvæmda-
stjóri Sameinuðu þjóðanna, hvatti
sömuleiðis ríki heims til að standa
saman, meðal annars um að
útrýma kjarnorkuvopnum í eitt
skipti fyrir öll.
Á allsherjarþinginu eru saman
komnir leiðtogar flestra þeirra 192
ríkja sem aðild eiga að Sameinuðu
þjóðunum.
Meðal þeirra sem ávörpuðu þing-
ið í gær voru Muammar Gaddafí
Líbíuleiðtogi og Mahmoud Ahmad-
inejad Íransforseti.
Gaddafi notaði tækifærið til að
gagnrýna Sameinuðu þjóðirnar,
einkum þó öryggisráðið, sem hann
sagði hafa frá stofnun Sameinuðu
þjóðanna árið 1945 mistekist að
koma í veg fyrir hvorki meira né
minna en 65 styrjaldir. - gb
Obama ávarpar Allsherjarþing Sameinuðu þjóðanna:
Bandaríkin leysa
ekki öll vandamál
EKKI HRIFUST ALLIR MEÐ Mahmoud Ahmadinejad Íransforseti gat ekki stillt sig um
að geispa hressilega meðan Bandaríkjaforseti var í ræðustól. FRÉTTABLAÐIÐ/AP
HÚSNÆÐISMARKAÐUR Þróun í efnahagsumhverfi
heimilanna bendir ekki til neins annars en
að húsnæðisverð lækki á næstu mánuðum og
umsvifin á íbúðamarkaðnum haldi áfram að
vera lítil. Þetta segir í greiningu Morgunkorns
Íslandsbanka.
Í greiningunni kemur fram að íbúðaverð á
höfuðborgarsvæðinu hækkaði samtals um 1,1
prósent í síðastliðnum júní- og júlímánuði.
Verðið hafði lækkað samfellt frá því í júlí í
fyrra, samkvæmt verðvísitölu Fasteignaskrár
Íslands. Fjöldi þinglýstra kaupsamninga með
íbúðarhúsnæði á svæðinu voru 57 í síðustu
viku, og er það meira en verið hefur á einni
viku síðan í október í fyrra.
Samkvæmt greiningu Íslandsbanka útskýrist
hækkun íbúðaverðs og fjölgun kaupsamninga
þó af hefðbundinni árstíðasveiflu. Til að ráða
í þróun markaðarins þurfi að skoða þróunina
til lengri tíma. Þrátt fyrir talsverða lækkun
íbúðaverðs á höfuðborgarsvæðinu, eða 10,2
prósenta lækkun síðustu tólf mánuði, hafi ekki
orðið algert hrun á markaðnum eins og víða
erlendis. Ástæða þess sé meðal annars að leið-
rétting hér hafi fremur átt sér stað í gegnum
verðbólguna. Raunverð íbúðaverðs hafi lækkað
um 21 prósent á síðasta ári.
Auk þess hafi lækkun verið frestað að vissu
marki þar sem enn hafi vandi þeirra sem eru í
neikvæðri eiginfjárstöðu ekki verið leystur til
lengri tími. Sú leiðrétting muni eflaust kalla á
nokkra lækkun íbúðaverðs. - kg
Árstíðasveifla sögð skýra hækkun íbúðaverðs og fjölgun kaupsamninga:
Horfur á að húsnæðisverð lækki meira
HÖFUÐBORGARSVÆÐIÐ Íbúðaverð á höfuðborgarsvæð-
inu hækkaði samtals um 1,1 prósent í síðastliðnum
júní- og júlímánuði. FRÉTTABLAÐIÐ/VILHELM
VEISTU SVARIÐ?