Fréttablaðið - 24.09.2009, Blaðsíða 58

42 24. september 2009 FIMMTUDAGUR
HANDBOLTI Landsliðsmarkvörður-
inn Björgvin Páll Gústavsson er
að gera frábæra hluti með nýja
liði sínu í Sviss en Kadetten var
hársbreidd frá því að komast inn
í Meistaradeildina og hefur unnið
fimm fyrstu leiki sína í svissnesku
deildinni. Björgvin Páll hefur verið
lykilmaður í liðinu enda búinn að
vera í miklu stuði í markinu.
„Við byrjuðum á skemmtilegu
verkefni þegar við spiluðum í
undankeppni fyrir Meistaradeild-
ina. Það var frábært verkefni til að
sjá hvar við stæðum á alþjóðleg-
um mælikvarða. Við spiluðum þar
frábærlega og síðan hefur ekkert
stoppað okkur, ekki einu sinni það
að missa menn út í meiðsli,” segir
Björgvin Páll. „Við sýndum sjálf-
um okkur það í þessum leikjum í
Meistaradeildinni að við erum öfl-
ugir í handbolta. Þar fengu margir
menn trúna því ef við gætum
þetta þá ættum við að geta klárað
deildina.“
„Ég er hrikalega ánægður með
sjálfan mig það sem af er,“ segir
Björgvin Páll. „Þetta er mitt yfir-
burðatímabil á ferlinum eins og
þetta hefur byrjað. Ég kom full-
ur sjálfstraust hingað út því það
gekk mjög vel með landsliðinu í
sumar.“
Björgvin Páll var frábær í for-
keppni Meistaradeildarinnar með
liði sínu sem þurfti að sætta sig
naumlega við annað sætið á eftir
spænska liðinu Ademar Leon.
Björgvin Páll er mjög ánægður
með hvernig honum hefur verið
tekið í Sviss sem hann lítur á sem
eitt skref í átt að þýsku úrvals-
deildinni.
„Ég er bara 24 ára og mjög ungur
að markmanni að vera og gæti átt
allt að fimmtán ár eftir í þessu. Ég
ákvað það frá byrjun að taka skref
fyrir skref á mínum ferli og ekki
lenda í því að taka of stórt skref
og fara í eitthvert Bundesligu-lið
og fá ekkert að spila.
Spilatími er hrikalega mikil-
vægur fyrir ungan markmann og
ég fékk að spila mikið í deildinni
heima þegar ég var ungur,“ segir
Björgvin sem fékk líka að spila
mikið með TV Bittenfeld í þýsku
2. deildinni í fyrra og er áfram í
stóru hlutverki hjá Kadetten.
„Markmiðið er síðan að koma
mér í Bundesliguna eftir þetta
tímabil eða það næsta. Ég held
að ég sé að nálgast það að vera
tilbúinn að spila fullt þar,“ segir
Björgvin.
Íslenska landsliðið kemur næst
saman um mánaðamótin október/
nóvember og Björgvin Páll stefnir
á að sigurgangan verði þá ennþá í
fullu fjöri. „Núna vill maður klára
þessa leiki sem eru fram undan.
Það væri flott að geta komist í
landsliðsfríið taplaus og það er
markmiðið í dag,“ segir Björgvin
kátur að lokum. - óój
Björgvin Páll Gústavsson og félagar í Kadetten eru með fullt hús á toppnum í svissnesku úrvalsdeildinni:
Þetta er mitt yfirburðatímabil á ferlinum
LOKAR MARKINU Björgvin Páll Gúst-
avsson er að standa sig mjög vel í Sviss.
FRÉTTABLAÐIÐ/DANÍEL
FÓTBOLTI Landsliðskonan Hólm-
fríður Magnúsdóttir, sem leikur
með Kristianstad í Svíþjóð, var í
fyrrakvöld valin af Philadelphia
Independence í nýliðavali banda-
rísku atvinnumannadeildarinn-
ar WPS. Philadelphia eru nýliðar
í deildinni og fengu því forvals-
rétt á erlendum leikmönnum og
varð Hólmfríður þriðja í valinu
hjá þeim.
„Þetta er einstakt tækifæri og
stórt skref fyrir mig ef ég læt
verða af þessu. Það er líka mjög
gaman að einhver af íslensku
landsliðsstelpunum hafi hlot-
ið þessa viðurkenningu því við
höfum allar staðið okkur mjög
vel. Ég hef aldrei æft eins vel og
ég hef gert á þessu ári og í und-
irbúningnum fyrir EM, og ég er,
held ég bara, að uppskera eftir
því. Ég átti nú samt ekki endilega
von á því að verða í lokavalinu þó
svo að ég hafi vissulega vitað af
áhuga Philadelphia. Það var því
óneitanlega sérstök tilfinning að
sjá nafnið mitt á meðal þeirra
sem félagið valdi. Mér brá mjög
mikið,“ segir Hólmfríður. Hólm-
fríður viðurkennir að hún sé mjög
spennt fyrir bandarísku atvinnu-
mannadeildinni en kveðst nú þurfa
að ýta því dæmi til hliðar til þess
að einbeita sér hundrað prósent að
lokasprettinum með Kristianstad
í sænsku úrvalsdeildinni.
„Þetta val er nú ekki að detta
inn á góðum tíma verð ég að
segja því ég er núna í bull-
andi fallbaráttu með
Kristianstad og vil vera
með fókusinn í lagi í síðustu sex
leikjum tímabilsins. Ég mun því
þurfa að blokka út þetta dæmi með
bandarísku deildina í bili til þess
að vera með hausinn í lagi á loka-
sprettinum. Ég ætla að sjá til þess
að ef ég skilji við Kristianstad þá
verði það í góðu. Ég hef verið að
spila vel með Kristianstad og ætla
því ekki að falla heldur mun ég
gera mitt besta og meira en það til
þess að klára tímabilið með stæl,“
segir Hólmfríður.
omar@frettabladid.is
EINSTAKT TÆKIFÆRI FYRIR MIG
Hólmfríði Magnúsdóttur stendur til boða að ganga til liðs við Philadelphia Independence. Ákvörðun um
framhaldið liggur þó ekki fyrir því hún vill einbeita sér að því að klára tímabilið hjá Kristianstad með stæl.
„Að heyra að Hólmfríður hafi verið valin voru ef
til vill ekkert sérstaklega góð tíðindi fyrir okkur
hjá Kristianstad en á móti kemur hefur maður
nú hag kvennaknattspyrnunnar á Íslandi sér
aðeins meira fyrir brjósti en sjálfan sig. Þetta
er því frábær viðurkenning fyrir hana og í raun
íslenska landsliðið í heild sinni,“ segir Elísabet
Gunnarsdóttir, þjálfari Kristianstad.
„Það hefur í raun verið stígandi í hennar leik
allan tímann síðan hún kom út og hún hefur
bætt sig mjög mikið. Hún hefur verið að spila
mjög vel fyrir okkur og einnig með íslenska
landsliðinu og það virðist ætla að skila sér í
stökkpalli eitthvað lengra. Hún hefur bæði
bætt varnarvinnuna mjög mikið og hún er líka
farin að taka mun betri ákvarðanir inni á
vellinum þegar ákveðnar leikstöður
koma upp. Við vonumst líka til þess
að þetta dæmi með nýliðaval-
ið gefi henni bara meira
sjálfstraust til þess
að klára tímabilið af
krafti,“ segir Elísabet.
- óþ
Elísabet Gunnarsdóttir, þjálfari Kristianstad:
Mikil viðurkenning
Landsliðsþjálfarinn Sigurður Ragnar Eyjólfsson er mjög ánægð-
ur fyrir hönd Hólmfríðar að henni standi sá möguleiki til boða
að fara í bandarísku atvinnumannadeildina, burt séð frá
því hvaða ákvörðun hún muni á endanum taka.
„Það er mjög ánægjulegt að hún hafi þessa valkosti því
bandaríska atvinnumannadeildin er mjög sterk deild rétt
eins og sænska deildin, sem hún leikur nú í. Það er bara fínt fyrir hana
að vera eftirsótt og mikil viðurkenning enda er hún frábær leikmað-
ur,“ segir Sigurður Ragnar. Landsliðsþjálfarinn segir Hólmfríði hafa
bætt sinn leik mjög mikið undanfarið en geti vissulega náð enn lengra
á komandi árum.
„Hólmfríður var með bestu leikmönnum Íslands á lokakeppninni þar
sem hún skoraði meðal annars gott mark á móti Frökkum. Það voru
í raun engir leikmenn sem við mættum á lokakeppninni sem stand-
ast henni snúninginn hvað varðar snerpu og líkamlegan styrk. Stóri
munurinn á leik hennar er hins vegar sá
að hún er búin að bæta varnarvinnu
sína gríðarlega mikið. Hún getur þó
ennþá bætt sig mikið bæði varnar-
lega og sóknarlega. Ég veit að hún
hefur mikinn metnað og ef hún held-
ur áfram að bæta sig þá eru henni allir
vegir færir. Það er engin spurning.“ - óþ
Sigurður Ragnar landsliðsþjálfari:
Getur enn bætt sig
KUNNUGLEG STAÐA Hólmfríður Magnúsdóttir gerir sig klára til þess að leika á tvo varnarmenn Eistlands í leik liðanna í undankeppni HM 2011 á Laugardalsvelli á dögunum.
Hólmfríður skoraði þrennu í 12-0 sigri Íslands í leiknum. FRÉTTABLAÐIÐ/VILHELM
Powerade-bikarinn
Breiðablik-Tindastóll 68-83 (36-42)
Stigahæstir: Hjalti Frirðiksson 11, Þorsteinn
Gunnlaugson 10, Ágúst Angantýsson 9 - Svavar
Birgison 25, Friðrik Hreinsson 16.
ÍR-FSu 119-59
Stigahæstir: Steinar Arason 33 - Chris Caird 14.
Enski deildarbikarinn
Aston Villa-Cardiff 1-0
1-0 Gabriel Agbonlahor (3.).
Chelsea-QPR 1-0
1-0 Salomon Kalou (52.).
Hull-Everton 0-4
0-1 Yakubu (11.), 0-2 Jo (20.), 0-3 Dan Gosling
(24.), 0-4 Leon Osman (57.).
Preston-Tottenham 1-5
0-1 Peter Crouch (14.), 0-2 Jermain Defoe (37.),
0-3 Crouch (77.), 1-3 Chris Brown (83.), 1-4
Robbie Keane (87.), 1-5 Crouch (90.).
Manchester City-Fulham 2-1 (framl.)
0-1 Zoltan Gera (34.), 1-1 Gareth Barry (52.), 2-1
Kolo Toure (111.)
Manchester United-Wolves 1-0
1-0 Danny Welbeck (66.).
Ítalska úrvalsdeidin
Inter-Napoli 3-1
1-0 Samuel Eto‘o (2.), 2-0 Diego Milito (5.), 3-0
Lucio (31.), 3-1 Ezequiel Lavezzi (37.).
Fiorentina-Sampdoria 2-0
1-0 1-0 Stevan Jovetic (24.), 2-0 Alberto Gilardino
(71.).
Palermo-Roma 3-3
0-1 Matteo Brighi (20.), 1-1 Igor Budan (40.), 1-2
Nicoas Burdisso (45.), 2-2 Fabrizio Miccoli (45.),
3-2 Antonio Nocerino (56.), 3-3 Francesco Totti
(88.).
Udinese-AC Milan 1-0
1-0 Antonio Di Natale (22.).
Franski deildabikarinn
Nancy-Mónakó 2-0
1-0 J. Feret (13.), 2-0 I. Dia (82.). Veigar Páll
Gunnarsson var í byrjunarliði Nancy og var skipt
út af á 66. mín. Eiður Smári Guðjohnsen var
í byrjunarliði Mónakó og var skipt út af á 60.
mín.
Sænska úrvalsdeildin
Hammarby-GAIS 1-2
Eyjólfur Héðinsson spilaði allan leikinn fyrir GAIS.
Örebro-IFK Gautaborg 0-0
Ragnar Sigurðsson og Hjálmar Jónsson spiluðu
saman allan leikinn í miðverðinum hjá IFK og
Theódór Elmar Bjarnason var á vinstri vængnum.
Undankeppni HM kvenna
Króatía-Frakkland 0-7
Lið í riðli Íslands. Fyrsti leikur franska liðsins.
ÚRSLITIN Í GÆR
FÓTBOLTI Varnarmaðurinn Sol
Campbell fékk sig í gær lausan
frá samningi sínum við enska d-
deildarfélagið Notts County en
hann skrifaði undir fimm ára
samning við félagið í sumar.
Campbell spilaði sinn fyrsta leik
með Notts County um helgina
í 2-1 tapi gegn Morecambe og
mun sú raun hafa reynst honum
ofviða.
„Campbell hefur komist að
því eftir fimm vikna dvöl hjá
Notts County að þetta verkefni
sé ekki fyrir hann og þess vegna
fór hann þess á leit við okkur að
samningnum yrði rift. Stundum
ganga hlutirnir bara ekki upp
og þá verða menn að endurskoða
ákvarðanir sínar,“ sagði stjórnar-
formaðurinn Peter Trembling hjá
Notts County í viðtali við breska
fjölmiðla í gær. - óþ
Framtíð Campbells óráðin:
Hættur hjá
Notts County
CAMPBELL Fékk sig lausan frá samningi
sínum við Notts County í gær.
NORDIC PHOTOS/AFP
HÓLMFRÍÐUR Var valin í
nýliðavali bandarísku atvinnu-
mannadeildarinnar í fyrrakvöld.
FRÉTTABLAÐIÐ/VILHELM