Fréttablaðið - 24.09.2009, Blaðsíða 42

26 24. september 2009 FIMMTUDAGUR
Tilkynningar um merkis atburði, stórafmæli og
útfarir má senda á netfangið
timamot@frettabladid.is.
Auglýsingar á að senda á auglysingar@frettab-
ladid.is eða hringja í síma 512 5000.
Á morgun og laugardag mun Stofnun
Vigdísar Finnbogadóttur og FEKÍ,
Félag enskukennara á Íslandi, standa
að dagskrá í tengslum við Evrópska
tungumáladaginn sem og stórafmæli
Félags enskukennara sem er fjöru-
tíu ára í ár. Jón Ingi Hannesson,
enskukennari við Menntaskólann við
Hamrahlíð, er einn þeirra sem skipu-
lagt hafa dagskrá helgarinnar.
„Félag enskukennara á Íslandi
hefur ekki staðið áður fyrir svo viða-
mikilli afmælisdagskrá. Við héldum
þó upp á þrjátíu ára afmæli félagsins
en þá vorum við fyrst og fremst með
hátíðarkvöldverð og erlendan fyrir-
lesara af því tilefni. Í tilefni fjörutíu
ára afmælisins fórum við í samvinnu
við STÍG, Samtök tungumálakennara
á Íslandi, og fengum Stofnun Vigdís-
ar Finnbogadóttur í lið með okkur til
að aðstoða við undirbúninginn. Þetta
hefur verið mikið púsluspil, að fá fyr-
irlesara, finna fundarstaði og sjá um
að allt sé innan skynsamlegs fjárhags-
ramma,“ segir Jón.
Dagskráin hefst í Neskirkju á morg-
un, með ávarpi menntamálaráðherra
og afhendingu European Label-verð-
launanna, sem veitt eru fyrir ný-
breytni á sviði tungumálanáms og
tungumálakennslu. Daginn eftir er
ráðstefna, sem fram fer á Hótel Sögu,
um aðferðir og nýbreytni í tungumála-
kennslu undir yfirskriftinni Bringing
Us Closer.
„Aðalfyrirlesarinn þar, dr. Leni
Dam, hefur verið mikilvirk á sviði
einstaklingsmiðaðs tungumálanáms.
Bæði verður hún með fyrirlestur og
svo vinnustofu fyrir ráðstefnugesti.
Margar af þessum vinnustofum eru
sérstaklega miðaðar við grunnskóla-
kennara og við vonumst til að ná til
þess hóps, því margir koma að ensku-
kennslu í grunnskólum. Rúmlega 200
félagsmenn eru skráðir í Félag ensku-
kennara en ef allir sem fást við ensku-
kennslu í landinu eru taldir með eru
þeir eflaust yfir 1.000 talsins. Bekkj-
arkennarar í grunnskólum kenna oft
fjölmörg fög og líta ekki á sig sem sér-
staka enskukennara og sumpart hefur
það verið félagsins vandi – að virkja
grunnskólakennara til að nýta félags-
skap eins og okkar,“ segir Jón.
En hvernig stendur enskukennsla
í skólum landsins að mati Jóns? „Ég
held hún standi vel í framhaldsskól-
um og víða í grunnskólum. Nokkur
pressa hefur verið á skólakerfið að
hefja enskukennslu fyrr og færa hana
þannig neðar í bekkjum landsins en
við teljum það ekki ráðlegt. Við höfum
gert könnun á stöðu enskukennara í
grunnskólum og bara brot af þeim
kennurum hefur tekið ensku sem val í
námi sínu þannig að þetta er ekki gott
ástand. Það er hins vegar mun betra
í unglingadeildum en eins og stend-
ur teljum við ekki ávinning af því að
færa kennsluna niður um bekki nema
með töluverðu átaki til að bæta stöðu
enskukennslunnar. Með lengingu
kennaranámsins má ætla að það verði
til bóta hvað enskukennsluna varðar
og búast má við að eftir fimm til tíu ár
megi sjá árangur þess,“ segir Jón og
bætir við að viku fyrir efnahagshrun-
ið síðastliðið haust hafi Félag ensku-
kennara lagt tillögu fyrir mennta-
málaráðuneytið, fimm ára áætlun
um hvernig koma mætti upp teymi
reyndra kennara sem farið hefðu í
grunnskóla, haldið námskeið og séð
um þjálfun í enskukennslu. „Þetta var
auðvitað slæm tímasetning þannig að
fátt varð um svör en þeir lásu þessar
tillögur engu að síður og tóku vel í að
líta á einhverja þætti þess. Áætlunin
gerði ráð fyrir kostnað upp á fimmtíu
milljónir og hefði stórbætt kennslu í
yngstu bekkjunum.“
Ráðstefnugjald er 1.000 krónur en
að ráðstefnu lokinni verður hátíðar-
kvöldverður í Kornhlöðunni. Nauð-
synlegt er að skrá þátttöku áður.
juliam@frettabladid.is
FÉLAG ENSKUKENNARA Á ÍSLANDI: ER FJÖRUTÍU ÁRA
Enskukennsla til umfjöllunar
á evrópskum tungumáladegi
ÞJÁLFUN GRUNNSKÓLAKENNARA ÞYRFTI AÐ BÆTA Jón Ingi Hannesson, enskukennari til
margra ára, segir að bæta megi enskukennslu í yngri bekkjum grunnskóla til muna.
FRÉTTABLAÐIÐ/ANTON
Þennan dag árið 1963 varð mesta verðhækkun á mjólkurvörum á
einum degi sem vitað er um á Íslandi, þegar mjólkin í hyrnunum
hækkaði á einum degi um 18,5 prósent. Þá hafði mjólkin hækkað
á einu ári samtals úr 5,25 krónum upp í 6,40 krónur, eða um 21,9
prósent.
Smjörið hækkaði enn meir, um 28,2 prósent. Skyr, rjómi,
mjólkur ostur og mysuostur hækkuðu einnig ríflega, á bilinu tólf til
tuttugu prósent. Á þessum tíma var þetta langmesta hækkun sem
orðið hafði á „hversdagslegustu og brýnustu neysluvörum almenn-
ings,“ að sögn Þjóðviljans þennan sama dag, en hann var eitt af
þeim dagblöðum sem gerðu úttekt á hækkununum.
Daginn eftir varð þó enn stórfelldari hækkun á kjöt-
vörum, þegar þær hækkuðu um þriðjung. Sú
mikla hækkun varð vegna þess að hluti mjólk-
urhækkunarinnar, sem átti að verða enn
meiri í fyrstu, fór yfir á kjötverð. Sömu-
leiðis hækkuðu kartöflur talsvert.
Þrátt fyrir þessar hækkanir hélst verð-
bólga á ársgrundvelli í fjórtán prósentum.
ÞETTA GERÐIST: 24. SEPTEMBER ÁRIÐ 1963
Söguleg hækkun
PEDRO ALMODÓVAR CABALLERO
FÆDDIST ÞENNAN DAG ÁRIÐ
1949.
„Konur eru sterkari en
karlmenn. Þær horfast í
augu við vandamálin, og
einmitt þess vegna finnst
mér mun áhugaverðara að
ræða við þær.“
Pedro Almodóvar er spænskur
kvikmyndaleikstjóri, handrits-
höfundur og framleiðandi.
Ástkær faðir minn, tengdafaðir og afi,
Guðlaugur Jónsson
(Gulli)
hárgreiðslumeistari, Seljavegi 19, Reykjavík,
er látinn. Útförin fer fram frá Dómkirkjunni föstu-
daginn 25. september kl. 11.00. Blóm og kransar
afþakkaðir en þeim sem vilja minnast hans er bent á
Krabbameinsfélag Íslands.
Svan Gunnar Guðlaugsson Inese Babre
Alísa Helga Svansdóttir
Alda Svansdóttir
Tinna Svansdóttir
Mikaella Rós Svansdóttir
Ástkær eiginkona mín, móðir okkar,
tengdamóðir, amma og langamma,
Áslaug Kristín
Sigurðardóttir,
Nesvegi 45, Reykjavík,
sem lést á Landakotspítala 15. september verður
jarðsungin föstudaginn 25. september kl. 15.00 frá
Neskirkju.
Jón Eiríksson
Björn Baldursson
Hrafnhildur Baldursdóttir Sigurður Kristjánsson
Bergljót Baldursdóttir Stefán Jökulsson
Kolbrún Baldursdóttir Jón Guðmundsson
barnabörn og barnabarnabörn.
timamot@frettabladid.is
Ástkær dóttir okkar, fósturdóttir, systir,
barnabarn og frænka,
Lísa Arnardóttir
lést á gjörgæsludeild Landspítalans við Hringbraut
þriðjudaginn 15. september. Útför hennar fer fram frá
Hafnarfjarðarkirkju föstudaginn 25. september kl. 13.
Blóm og kransar vinsamlegast afþakkaðir, en þeim sem
vilja minnast hennar er bent á Vímulausa æsku.
Jóhanna Jónsdóttir Óskar Geir Pétursson
Örn Hilmarsson Mila Prodanovic
Stefán Hafberg Sigurðsson
Heiða Arnardóttir
Jóna Kristín Hallgrímsdóttir
Guðrún Kalla Bárðardóttir Hilmar Þór Sigurþórsson
Alma Rán Stefánsdóttir
og aðrir aðstandendur.
Ástkær móðir okkar, tengdamóðir, systir
og amma,
Gyða Grímsdóttir
andaðist að morgni 19. september á sjúkrahúsi
Suðurlands. Útförin verður auglýst síðar.
Óttar Egilsson Anat Egilsson
Davíð Sigmarsson Sólrún Sigurðardóttir
Guðrún Rut Sigmarsdóttir Lárus Guðmundsson
Kristín María Grímsdóttir
Sigríður Grímsdóttir
og barnabörn.
Ástkær eiginmaður minn, faðir okkar,
tengdafaðir og afi,
Hjálmtýr Ragnar Júlíusson
bifvélavirki, Baugstjörn 3, Selfossi,
sem lést á Ljósheimum, Selfossi, laugardaginn 19. sept-
ember, verður jarðsunginn frá Selfosskirkju föstudaginn
25. september kl. 13.30. Blóm og kransar vinsamlega
afþakkaðir en þeim sem vilja minnast hans er bent á að
láta slysavarnar- og líknarfélög njóta þess.
Elínborg Ásmundsdóttir
Brynja Hjálmtýsdóttir Ingimundur Sigurmundsson
Smári Rúnar Hjálmtýsson Ólöf Másdóttir
Elvar Ingimundarson Auður Ingimundardóttir
og Elínborg Ingimundardóttir, Rúnar Þór Jóhannsson,
Ragnar Týr Smárason og Guðlaug Li Smáradóttir.
Ástkær móðir okkar, fósturmóðir, tengda-
móðir, amma og langamma,
Guðrún Guðmundsdóttir
Hrafnistu í Reykjavík,
sem lést fimmtudaginn 17. september, verður
jarðsungin frá Fossvogskirkju þriðjudaginn 29.
september kl. 13.00.
Guðmundur I. Kristófersson Ósk Davíðsdóttir
Guðríður Kristófersdóttir Hallgrímur Jónasson
Sigurður Kristófersson Hjördís Árnadóttir
Ingveldur Þ. Kristófersdóttir Helgi Már Guðjónsson
Hannes Kristófersson Guðríður Ólafsdóttir
Helgi Kristófersson Guðrún Eysteinsdóttir
Valgerður Eygló Kristófersdóttir
barnabörn og barnabarnabörn.