Fréttablaðið - 24.09.2009, Blaðsíða 36

4 ● fréttablaðið ● skotveiði
Browning Phoenix Top Cote
Fæst með 26 og 28 tommu hlaupi. 3 tommu
skiptanl. þrengingar. Létt og með áreiðanlegri
skiptingu. Söluhæsta hálfsjálfvirka haglabyssan
okkar í haust og hefur reynst framúrskarandi vel
við íslenskar aðstæður.
Ameristep „rúllubagga“-felubyrgi
Rúllubagginn vinsæli frá Ameristep er búinn að sanna sig
árum saman. Rúmt pláss fyrir tvær skyttur. Einnig hægt að
fá stóla frá Ameristep.
Ameristep Wing Shoot
Nýtt felubyrgi frá Ameristep, fyrir einn sitjandi mann
og með rúmu plássi fyrir hund. Byrgið er áfast stólnum
og hægt að setja upp á innan við mínútu. Það er mjög
auðvelt að fara úr byrginu og á því eru snagar til að dylja
það með hálmi eða öðru grasi. Sérútgangur fyrir hund.
Byrgið kemur í poka með burðarólum og netpoka fyrir
gervifugla. Innan við 7 kg á þyngd.
Remington 870 Express
Pumpa með svörtu skefti. Sterk og örugg og
gríðarlega mikið notuð um allan heim. Ein besta
byrjendabyssan á markaðnum.
● VEIÐITÍMABIL ÁRSINS
- Allt árið: Svartbakur, sílamávur, silfurmávur, hrafn.
- Frá 20. ágúst til 15. mars: Grágæs, heiðagæs.
- Frá 1. september
til 15. mars: Fýll, díla-
skarfur, toppskarfur,
helsingi, stokkönd, urtönd, rauð-
höfðaönd, duggönd, skúfönd, hávella,
toppönd, hvítmávur, hettumávur, rita.
- Frá 1. september til 10. maí: Álka, lang-
vía, stuttnefja, teista, lundi.
- Frá 27. október til 6. desember: Rjúpa, veiðar eru
ekki heimilaðar mánudaga, þriðjudaga, miðvikudaga
og fimmtudaga.
- Heimilt er að veiða kjóa í og við friðlýst æðarvarp
á tímabilinu 15. apríl til 14. júlí.
Af www.ust.is.
Aðstæður til veiða hafa verið verri í ár
en þrjú undangengin ár. FRÉTTABLAÐIÐ/VILHELM
Hreindýraveiðitímabilinu lauk 15.
september. Þrátt fyrir erfitt tíðar-
far, þoku og rigningar náðist góður
árangur við veiðarnar.
Felld voru 1.319 dýr af þeim
1.333 sem fella átti samkvæmt út-
gefnum veiðikvóta. Veiðikvóti síð-
asta árs var 1.137 dýr og reyndist
veiðin þegar upp var staðið vera
1.129 dýr.
Talið er að aðstæður til veiða
hafi verið verri í ár en undanfarin
þrjú ár vegna veðurs. Síðustu sex
dagarnir voru þó með ágætum og
því náðist sá árangur sem raun ber
vitni um.
Af www.hreindyr.is. - sg
Góður árangur
náðist við veiðar
Margir eru sjálfsagt að gíra sig
upp fyrir gæsaveiðitímabilið
sem er komið á fullt skrið.
Hjá Ellingsen fæst allt til alls
í veiðina: haglabyssur, skot,
fatnaður, felubyrgi og fleira.
„Það virðast engir veikir punktar
í þessum byssum, bilanatíðnin
er til að mynda mjög lág,“ segir
Jóhann Vilhjálmsson, byssusmið-
ur og starfsmaður hjá Ellingsen,
sem hefur haldið úti öflugri veiði-
deild síðan 2005. Umræddar byss-
ur eru sjálfvirkar haglabyssur af
gerðinni Browning, sem eru vin-
sælar meðal veiðimanna. „Þær
eru haganlega smíðaðar og auk
þess á góðu verði, á bilinu 130.000
til 150.000 krónur. Það þykir vel
sloppið í dag.“
Til að byssan komi að góðu gagni
borgar sig að vera með vel valin
veiðiskot við höndina. Winchest-
er og Remington segir Jóhann vel
til þess fallin. „Winchester Super
Speed-skotin eru rosalega fín
veiðiskot. Þau eru mjög hröð en
þrýstingurinn er samt ekki mik-
ill þar sem í þau er notað sérstakt
púður.“
Jóhann segir Remington Nitro
Magnum-veiðiskotin ekki gefa
Winchester Super Speed neitt eftir.
„Þau koma frá Ameríku og hafa
löngum þótt bestu veiðiskot sem
völ er á. Þau hafa því selst vel svo
árum skiptir. Svo eru Remington
Heavy Magnum-skotin framleidd
á Ítalíu og eru ekki síður góð.“
Þá bendir Jóhann á að Ellings-
en hafi tekið í sölu nýja gerð af
felubyrgi sem þyki þægilegt í alla
staði. „Gallinn á byrgjum hefur
stundum verið sá að langan tíma
tekur að setja þau saman. Svo hafa
þau jafnvel verið óþægileg. Þetta
nýja sem er frá fyrirtækinu Am-
eristep er mjög einfalt í notkun.
Það er innan við sjö kíló að þyngd
í poka og með burðarstólum og
það tekur varla mínútu að tjalda
því. Svo er gott pláss fyrir hund í
byrginu.“
Í verslunum Ellingsen er jafn-
framt rekin viðgerðarþjónusta
fyrir byssueigendur og þar kemur
menntun Jóhanns að góðum notum,
en hann lærði byssusmíði í Liege í
Belgíu. „Ég var þar í fjögur ár og
er örugglega sá eini á landinu, eða
að minnsta kosti með fáum hér-
lendis, sem er með pappíra sem á
stendur að ég beri titilinn byssu-
smiður.“
En hefur lát orðið á sölu skot-
vopna og annarra veiðivara að und-
anförnu? Ekki vill Jóhann kann-
ast við það. „Það er kannski meira
um að menn kaupi ódýrari byssur.
Svo hefur verið fullt á skotveiði-
námskeiðum sem ég hef verið að
kenna. Ætli menn séu ekki farnir
að veiða meira í matinn en áður.“
Meira veitt í matinn en áður
Jóhann Vilhjálmsson byssusmiður í verslun Ellingsen að Fiskislóð 1, sem hefur haldið
úti veiðideild síðan 2005. FRÉTTABLAÐIÐ/GVA
Fyrirkomulag rjúpnaveiða í
haust verður með nokkuð breyttu
sniði frá í fyrra að ákvörðun
umhverfisráðherra.
Tveimur helgum verður bætt
við tímabilið en á móti kemur að
veiðihelgar verða styttar úr fjórum
dögum í þrjá. Því verða veiðidag-
ar átján eins og í fyrra. Nú verður
veiði heimil á föstudögum, laugar-
dögum og sunnudögum og tímabil-
ið hefst 27. október og stendur til
og með 6. desember.
Gert er ráð fyrir að reglugerð-
in gildi til þriggja ára, nema að
óvænt þróun verði í rjúpnastofn-
inum á þeim tíma. Þess vegna er
fyrsti veiðidagur í ár ekki fyrr en
30. október þrátt fyrir að veiði-
tímabilið hefjist 27. október sam-
kvæmt reglugerð.
Ákvörðun umhverfisráðherra
byggir á mati Náttúrufræðistofnun-
ar Íslands á veiðiþoli rjúpnastofns-
ins og mati Umhverfisstofnunar á
heildarveiði árið 2008. - sg
Breytt fyrirkomulag
Fyrsti veiðidagur er 30. október.
FRÉTTABLAÐIÐ/DANÍEL