Fréttablaðið - 24.09.2009, Síða 52

36 24. september 2009 FIMMTUDAGUR
folk@frettabladid.is
Bráðaliði á Bahamaeyjum
reyndi að kúga fé út úr
bandaríska stórleikaranum
John Travolta skömmu eftir
sviplegt fráfall sonar hans.
Réttarhöld í málinu hófust
í gær.
Bráðaliðanum Tarino Lightbourne
og lögfræðingi hans, Pleasant
Bridgewater, er gefið að sök að
hafa ætlað að kúga fé út úr John
Travolta skömmu eftir að sonur
leikarans og eiginkonu hans, Kelly
Preston, lést.
Tarino var meðal þeirra fyrstu
sem komu að syni Travolta, Jett,
skömmu eftir að hann hafði fengið
hjartaáfall í lok janúar á þessu ári.
Hann heldur því fram að Travolta
hafi ekki viljað fara með strákinn
sinn á sjúkrahús á Bahamaeyj-
um heldur viljað fljúga honum til
Bandaríkjanna og koma honum í
hendur þarlendra lækna. Við það
hafi glatast dýrmætur tími.
Tarino lét lögregluyfirvöld
vita að Travolta hefði neitað syni
sínum um læknishjálp og bar lög-
reglumaðurinn Andrew Wells
vitni um að hann hefði undirrit-
að skjal frá Tarino þar sem yfir-
lýsing Travolta væri skjalfest.
„Ég hef aldrei á mínum 27 ára
ferli fengið slíka beiðni,“ sagði
Wells fyrir dómi í Nassau, höfuð-
borg Bahamaeyja, í gær. Upphaf-
lega var síðan gert ráð fyrir því
að sjúkrabílnum með Travolta og
syni hans yrði ekið út á flugvöll en
þeirri áætlun var breytt á síðustu
stundu og keyrt á Rand Memori-
al-sjúkrahúsið. Jett var þá látinn.
Tarino mun síðar hafa nálg-
ast Travolta og hótað honum að
ef hann greiddi sér ekki átján
milljónir punda, eða þrjá millj-
arða íslenskra króna, myndi
hann fara í fjölmiðla og greina
frá málsatvikum þennan örlaga-
ríka dag. Travolta mun bera vitni
í málinu á næstunni.
Reyndi að kúga John Travolta
ERFIÐUR TÍMI Bráðaliði á Bahamaeyjum er sakaður um að hafa ætlað að kúga fé út úr John Travolta í kjölfarið á andláti sonar
leikarans. Málið er fyrir dómi um þessar mundir. NORDICPHOTOS/GETTY
Björn Bragi Arnarsson hefur verið ráðinn nýr
ritstjóri tímaritsins Mónitors, en Atli Fannar
Bjarkason var ritstjóri þess. Björn Bragi segist
ánægður með nýja starfið, enda sé Mónitor vel
heppnað og skemmtilegt blað. „Ég er svo nýbyrjað-
ur að ég er ennþá bara í undirbúningsvinnu, en
mér líst vel á þetta og held að þetta verði spennandi
áskorun,“ segir Björn Bragi.
Aðspurður segir hann Mónitor hafa náð góðum
árangri undir stjórn Atla Fannars en hann kvíði því
þó ekki að feta í fótspor hans. „Ég kenndi náttúrlega
Atla allt sem hann kann þegar við unnum saman á
Blaðinu og 24 stundum á sínum tíma. Hann gerði
góða hluti á meðan hann stýrði Mónitor og ég mun
halda áfram með það og taka það aðeins lengra. Það
er ýmislegt sem við erum að pæla í og skoða og ég
vil til dæmis efla vefinn og setja meira fútt í hann.
Ég stefni einnig á að auka útgáfuna, en hingað til
hefur blaðið aðeins komið út fjórum sinnum á ári.“
Fyrsta blaðsins undir stjórn Björns Braga er að
vænta í desember og segir hann að væntanlega
verði um einhvers konar jólablað að ræða.
Þegar Björn Bragi er inntur eftir því hvort hann
sé einnig í hljómsveit líkt og forverar hans, Biggi
í Maus og Atli Fannar, sem var forsprakki Haltrar
hóru, segir hann svo vera. „Ég er í dauðapopp-
hljómsveitinni Rokksonur. Þetta er ný hljómsveit
og ný tónlistarstefna sem heimurinn fær að heyra
þegar hann er tilbúinn til þess. Sveitin spilar popp-
lög með hráum textum sem koma aftan að fólki
og ég er söngvari og gítarleikari þessarar ágætu
hljómsveitar.“ - sm
Hænan tekur við af egginu
„Þetta var alveg rosalega gaman,“ segir leikarinn Ingvar E.
Sigurðsson sem les upp textann við slagarann Reyndu aftur á
væntanlegri plötu Buffsins með lögum Magga Eiríks. „Ég gerði
nokkrar útgáfur af þessu, bæði án undirleiks og síðan með und-
irleik. Ég veit ekki hvað verður notað,“ segir Ingvar, sem er
mikill aðdáandi Magga Eiríks. „Maður ólst upp við tónlistina
hans. Hún dundi í útvarpinu þegar maður var lítill og maður er
undir áhrifum frá þessum mikla snillingi.“
Þótt Ingvar sé á meðal færustu leikara þjóðarinnar hefur
hann einnig getið sér gott orð sem söngvari í hinum ýmsu söng-
leikjum. Hann segist hafa íhugað að bresta í söng í
lok lestrarins en hætt við á síðustu stundu. „Þó ég
segi sjálfur frá þá er ég alveg prýðilegur söngvari,
enda sungið í nokkrum söngleikjum og stundum
troðið upp en ég er ekkert að stela sviðsljósinu frá
Buffinu,“ segir hann og hlær.
Hannes Friðbjarnarson úr Buffinu segir að
Maggi Eiríks sé aðdáandi Ingvars og því
hafi verið haft samband við hann. „Þetta
kemur skemmtilega út og platan í heild
sinni er bara frábær,“ segir Hannes. Reyndu
aftur er eitt vinsælasta lag Magga Eiríks og því
ákvað Buffið að gera einnig hefðbundna útgáfu
af því. „Við tímdum ekki að hafa lagið bara svona.
Við tökum það líka sjálfir þannig að það kemur
tvisvar fyrir á plötunni.“
Platan kemur út 10. október, eða sama dag og
ævisaga Magga Eiríks, Reyndu aftur, sem Tómas
Hermannsson hjá Sögum ritar. Á útgáfudaginn
verða haldnir stórtónleikar í KA-heimilinu á
Akureyri þar sem fram koma Mannakorn ásamt
Ellen Kristjánsdóttur og Buffinu. - fb
Les textann við Reyndu aftur
INGVAR E. SIGURÐSSON
Leikarinn les upp text-
ann við lagið Reyndu
aftur á nýrri plötu
Buffsins með lögum
Magga Eiríks.
FRÉTTABLAÐIÐ/HÖRÐUR
MAGGI EIRÍKS Ævisaga
Magga, sem Tómas
Hermannsson ritar,
er væntanleg 10.
október.
FRÉTTABLAÐIÐ/GVA
Matsala hófst aftur á Boston við
Laugaveg 28b í vikunni og er það
hin belgíska Sophie Mara sem
mun sjá um eldamennskuna að
þessu sinni, en hún hefur starfað í
eldhúsinu frá upphafi.
„Ég hef haft mjög mikið að gera
síðustu daga við undirbúning. Ég
er mjög spennt en auðvitað fylgir
þessu svolítið stress,“ segir Sophie,
sem kvíðir því ekki að feta í fótspor
stjörnukokksins Núma Thomasson-
ar sem var einkakokkur Bjarkar
um hríð. „Ég vann með Núma áður
en hann hætti með Segurmo og
lærði mjög mikið af honum og ætli
það hafi ekki spilað inn í ákvörðun
mína að grípa þetta tækifæri þegar
það gafst og sjá um eldhúsið ein.“
Sophie hefur áralanga reynslu
sem kokkur og segist einungis ætla
að vinna úr fersku hráefni. Hún
segir að matseðillinn muni hald-
ast nokkuð óbreyttur, enn verði
boðið upp á kjötsúpu og plokkfisk
auk þess sem nú verði hægt að
fá heimalagaðar pitsur að hætti
Sophie. „Ég ætla að elda mat sem
mér finnst sjálfri gott að borða
og vonandi tekur fólk vel í það,“
segir Sophie og bætir við að hún
sæki innblástur í ítalska og afr-
íska matargerð. Eldhúsið er opið
alla daga frá klukkan 18 en lokað
er í hádeginu. - sm
Tekur óhrædd við
af stjörnukokki
NÝR KOKKUR Sophie, sem er belgísk að
uppruna, segist hlakka mikið til að reka
eldhúsið á Boston. FRÉTTABLAÐIÐ/STEFÁN
> ÓVINSÆL
Leikkonan Julia Roberts er
nú stödd á Indlandi við tökur
á nýjustu kvikmynd sinni,
Eat, Pray, Love, og fer nær-
vera leikkonunnar ósegjanlega
í taugarnar á þorpsbúum. Einn
heimamanna sagði að hann gæti ekki beð-
ist fyrir í musterinu, þar sem þorpsbúum
væri meinaður aðgangur að því á meðan
tökur færu fram. Annar heimamaður sagði
að Roberts hefði með sér um 350 manna
starfslið, þar á meðal um fjörutíu vopnaða
verði.
Nú er á kreiki orðrómur um að
söngkonan Rihanna, sem hætti með
söngvaranum Chris Brown eftir
að hann gekk í skrokk á henni, og
söngvarinn Justin Timberlake eigi
í leynilegu ástarsambandi. Sögu-
sagnir herma að sést hafi til þeirra
í New York þar sem þau læddust um
og reyndu að fela samband sitt fyrir
vökulum augum almennings. Sam-
kvæmt heimildarmanni ku Timber-
lake vera orðinn leiður á kærustu
sinni, leikkonunni Jessicu Biel, og
mun það vera tímaspursmál hve-
nær hann hættir með henni. „Hann
er mjög hrifinn af Rihönnu og þetta
er bara spurning um tíma,“ sagði
heimildarmaðurinn.
Rihanna og Justin í
leynilegu sambandi
TEKUR VIÐ KEFLINU Björn Bragi Arnarsson er nýr ritstjóri tíma-
ritsins Mónitors. Hann hlakkar til að taka við keflinu og hefja
störf. FRÉTTABLAÐIÐ/VILHELM
Kaupum gegn staðgreiðslu allar gerðir af byggingakrönum frá Liebherr
og Potain. Einnig ýmsar gerðr vinnuvéla frá t.d. JCB, CAT, Komatsu,
Manitou og Liebherr. Sendu myndir og upplýsingar í tölvupósti á
german.cranes@gmail.com eða hringdu í síma 821 9980.