Fréttablaðið - 24.09.2009, Blaðsíða 48

32 24. september 2009 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Haustið hefur alltaf verið góður tími í plötuútgáfu og haustið 2009 er
þar engin undantekning. Fullt af fínum plötum eru að koma út þessa
dagana. Endurhljóðblandaðar Bítlaplötur eru stærsti útgáfuviðburð-
urinn fyrir marga, en nýtt og spennandi efni er að hrúgast út líka.
Það má t.d. nefna nýjar plötur með Muse, Flaming Lips, Basement
Jaxx, Dizzee Rascal, Zero 7, Fuck Buttons, Richard Hawley, Sufjan
Stevens, Islands, Jim O’Rourke, Jay-Z, Ghostface Killah, Raekwon
og væntanlegum Airwaves-vinum Kings of Convenience. Og svo eru
það endurútgáfur og söfn, t.d. heildar-
útgáfa þýsku sveitarinnar Kraftwerk í
einum pakka sem kemur 16. nóvember
og sérstakt 20 ára afmælissafn Warp-
útgáfunnar sem kemur í verslanir 5.
október. Og svona mætti lengi halda
áfram.
Ein af þeim plötum sem beðið hefur
verið eftir með nokkurri eftirvæntingu
er fyrsta sólóplata Kyps Malone, gítar-
leikara og söngvara hljómsveitarinnar
TV On The Radio. Hún kom út í
byrjun vikunnar hjá fyrirtæk-
inu Anti. Kyp ákvað að velja
sér listamannsnafnið Rain
Machine fyrir sólóplötuna,
að sögn vegna þess að
honum fannst sitt eigið
nafn, Kyp Malone, ekki
koma nógu töff út á bolum
og veggspjöldum. Platan
er rólegri og persónulegri
heldur en efni TV On The Radio og það eru ekki sömu hljóðvers-
galdrarnir í gangi á henni og hjá hljómsveitinni (enda vantar David
Sitek) en þetta er samt fín plata. Umslagið hefur vakið nokkra
athygli; framhlið þess prýðir teikning eftir Kyp sjálfan af tveimur
klæðalausum konum. Platan hefur fengið fína dóma víðast hvar þó
að Pitchfork sé í smá fýlu og gefi henni bara 6.3/10.
Kyp og Regnvélin
Önnur plata hins gríðar-
vinsæla Mika er komin út.
Gripurinn nefnist The Boy
Who Knew Too Much og er
undir áhrifum frá unglings-
árum Mika og popptónlist
níunda áratugarins.
Fyrsta plata Mika, Life in Cartoon
Motion, kom hinum ensk-líbanska
tónlistarmanni rækilega á kortið.
Platan hefur selst í fimm milljón-
um eintaka víðs vegar um heim-
inn, enda hafði hún að geyma
einfalda og litríka smelli á borð
við Grace Kelly, Take It Easy og
Relax.
Á þeim tveimur árum sem eru
liðin frá útgáfunni hefur Mika
ferðast vítt og breitt um heiminn
og boðað fagnaðarerindið. Síðast
fréttist af honum á tónleikum í
Svíþjóð þar sem hann söng á sama
sviði og Jóhanna Guðrún og stillti
sér einnig upp á mynd með henni.
Að sögn Jóhönnu var hann við-
kunnanlegur náungi sem þó hafði
lítinn tíma til að blanda geði við
hina listamennina.
Upptökur á The Boy Who Knew
Too Much hófust fyrir ári og upp-
tökustjóri var sá sami og á síðustu
plötu, Greg Wells, sem hefur einn-
ig unnið með Katy Perry og Pink.
Stefnan var sett á áframhaldandi
gleðipopp og í þetta sinn var Mika
undir áhrifum frá Disney-lögum,
sveitasöngkonunni Patti Page og
lögum níunda áratugarins með
flytjendum á borð við Frankie
Goes to Hollywood, Bon Jovi og
Belindu Carlisle. Í von um frek-
ari innblástur fyllti hann hljóð-
verið í Los Angeles af leikföng-
um, plakötum og barnabókum frá
sjöunda áratugnum. „Mig lang-
aði að gera algjöra poppplötu. Ég
varð hugfanginn af Disney-lögum
sjötta áratugarins og þess vegna
langaði mig að semja mín eigin,“
segir Mika. „Það voru margar til-
vísanir í barnæsku mína á Life In
Cartoon Motion. Nýja plata er, að
ég held, aðeins fullorðinslegri. Á
henni er gleði, viðkvæmni og smá
biturleiki – allt tilfinningar sem ég
fann fyrir á unglingsárunum.“
Oft er það svo að tónlistarmönn-
um reynist erfitt að fylgja eftir
vinsælli fyrstu plötu sinni en svo
virðist sem Mika hafi tekist ætl-
unarverkið. Þrátt fyrir að hann
sé athyglissjúkur eins og Fredd-
íe Mercury og jaðri stundum við
að vera óþolandi hress segja gagn-
rýnendur að góðar melódíurnar og
klókindi hans sem tónlistarmað-
ur skíni alltaf í gegn. Það skipti
auðvitað höfuðmáli og þess vegna
hafi hann fest sig í sessi með nýju
plötunni og sannað að hann sé
rétt að byrja að láta að sér kveða í
tónlistarbransanum.
Disney-lög um unglingsárin
MIKA Tónlistarmaðurinn Mika hefur sent frá sér sína aðra plötu, The Boy Who Knew Too Much. NORDICPHOTOS/GETTY
KYP MALONE Ákvað að taka upp nafnið Rain
Machine fyrir sólóplötuna, “af því að Kyp Malone
hefði ekki verið flott á bol”.
> Í SPILARANUM
Basement Jaxx - Scars
Dizzee Rascal - Tongue N’ Cheek
Flaming Lips - Embryonic
fun. - Aim and Ignite
Jamie T - Kings & Queens
Brendan Benson - My Old, Familiar Friend
BASEMENT JAXX BRENDAN BENSON
Út er komin sólóplata Maríu
Magnús dóttur, Not Your Housewife.
Þetta er sannfærandi sálar- og
R&B-plata með frumsömdum
lögum. „Sálaráhuginn þróaðist nú
bara upp úr því mikla æði sem var
í kringum Fugees og Lauryn Hill
á tíunda áratugnum,“ segir María.
Hún er 25 ára gömul og útskrifað-
ist úr tónlistarskóla FÍH í fyrra.
„Það var fyrir svona fjórum árum
sem mér fannst ég hafa lært nógu
mikið til að geta samið lög,“ segir
hún. María er mikill aðdáandi
söngkonunnar Erykah Badu. „Ég
fór í pílagrímsferð til Danmerkur í
fyrra að sjá hana og var fremst við
sviðið. Hún rétti mér mækinn og
allt og þetta var æðislegt!“
Titillagið Not Your Housewife
hefur heyrst víða upp á síðkastið.
Á plötunni spila meðal ann-
ars Jagúar-bræðurnir Börkur
Hrafn og Daði Birgissynir og
Jóhann Ásmundsson, bassaleikari
Mezzoforte. „Ég tók bara þá bestu
með mér,“ segir María og bætir við
að útgáfutónleikarnir verði í Iðnó
um miðjan október.
María er annars með mörg járn
í eldinum á músíksviðinu. „Ég hef
verið að spila sálartónlist með
hljómsveitinni Mama‘s Bag síðustu
misserin, bæði lögin eftir mig og
fræg erlend lög. Svo er ég að gera
dónalegt elektrópopp með kærast-
anum mínum í dúett sem við köll-
um Cult of the Secret Samuraias.
Svo get ég alveg séð fyrir mér að
ég muni gera fleiri plötur og þá
ekki endilega sálartónlist. Mig
langar að syngja rokktónlist og
gospel, svo eitthvað sé nefnt.“
María er á Mæspeisinu: myspace.
com/mariamagnusdottir - drg
María er ekki húsmóðirin þín
SYNGUR SÁLARTÓNLIST María Magnús-
dóttir hefur gefið út sínu fyrstu sóló-
plötu. FRÉTTABLAÐIÐ/STEFÁN
Mackenzie Phillips, dótt-
ir söngvarans John Phill-
ips sem var í hinni þekktu
hljómsveit The Mamas and
The Papas, hefur gefið út
ævisögu sína þar sem hún
fjallar í fyrsta sinn um
hræðilegt leyndarmál.
Mackenzie, sem nú er 49
ára gömul, segir að faðir
hennar hafi gefið henni
læknalyf og heróín þegar
hún var táningur og að
hann hafi misnotað hana
um árabil.
„Faðir minn var ekki maður sem lét
reglur hefta sig. Hann var fullur af ást og
veikur af eiturlyfjanotkun,“ sagði Mack-
enzie í viðtali við spjallþáttadrottninguna
Opruh. „Ég var aðeins hálf manneskja á
þessum tíma og leynd-
armál mitt gerði það að
verkum að ég einangrað-
ist. Eina nótt kom pabbi til
mín og sagði: „Við getum
hlaupist á brott og farið
eitthvert þar sem ekki
verður litið niður á okkur.
Kannski Fiji.“ Hann var
algjörlega búinn að tapa
glórunni.“
Mackenzie segist hafa
reynt að ræða misnotk-
unina við föður sinn árið
2001. „Ég sagði við hann að við yrðum að
ræða nauðgunina, en hann svaraði: „Þú
meinar þegar við elskuðumst?“ Ævisaga
Mackenzie, High on Arrival, hefur vakið
sterk viðbrögð í Bandaríkjunum enda var
John Phillips þjóðþekktur söngvari.
Opinberar leyndarmál
PAPA JOHN John Phillips var söngvari
The Mamas and the Papas.
Fjórða plata Hjálma er komin í
verslanir og ætla þeir að fagna
útgáfunni með tónleikum á Nasa
í kvöld á tónlistarröðinni Réttum
ásamt Megasi & Senuþjófunum og
Dr. Gunna. Formleg útgáfugleði
verður síðan á Nasa á næstunni.
Heimildarmyndin Hærra ég og
þú, sem fjallar um gerð plötunn-
ar, er jafnframt sýnd þessa dag-
ana á kvikmyndahátíðinni RIFF.
DVD-útgáfa af myndinni mun
fylgja fyrsta upplagi plötunnar
og verður hún því fáanleg í tak-
mörkuðu upplagi. Platan, sem
var tekin upp á Jamaíka, nefnist
einfaldlega IV en þó gengur hún
undir nafninu Krókódílaplatan
sökum stærðarinnar krókódíls
sem prýðir forsíðu umslagsins.
- fb
Hjálmar fagna
Auglýsingasími
– Mest lesið
Sími: 4 600 700
Glerárgötu 28
600 Akureyri
www.asprent.is