Fálkinn - 09.12.1963, Blaðsíða 8

Það voru margir hlutir furðulegir, sem meistari
töframannana Houdini gerði á sínum tíma. Einn
þeirra var sá, að láta handjárna sig, setja síðan
í poka, sem vandlega var bundið fyrir, þar á
eftir í lokaða kisku, sem síðan var sett niður
um vök á Temsá. En allt kom fyrir ekki — upp
kom Houdim.
Leikur
eftir
Houdini
Nú er Englendingur nokkur farinn að leika
þetta eftir. Hann lætur handjárna sig, fer síð-
an í kistu, sem síðan er vandlega lokuð með
tveim hengilásum og síðan er öllu saman sökkt
í djúpið. 16 sekúndum eftir að kistunni hefur
verið sökkt kemur hann svo aftur upp á yfir-
borðið, rétt eins og um enga hindrun hefði ver-
ið að ræða. Maður þessi er sem fyrr segir ensk-
ur og heitir Victor Foster, og birtum við hér
myndir af honum við þessa iðju sína.
Bækur sem blaðinu hafa borízt
[ Frá bókaútgáfunni Fróða.
Brúin á Drínu, hið stórbrotna
verk eftir Nóbeishöfundinn
Ivo Andrick. Þetta mikla verk
hefur farið sigurför um heim-
inn undanfarin ár og er mikill
fengur að fá það nú á íslenzku.
Það er séra Sveinn Vikingur
sem þýðir bókina.
Tveggja heima sýn, eftir Ól-
af Tryggvason. Ólafur er löngu
þjóðkunnur maður fyrir hug-
lækningar sínar. Áður hefur
Ólafur sent frá sér bókina
Huglækningar, sem varð met-
sölubók á sínum tíma. Er ekki
að efa að þessi nýja bók ólafs
muni hljóta góðar viðtökur.
Þá er bókin, Hinn fullkomni
eiginmaður, eftir danska húm-
oristann Willy Breinholst. Það
er óþarfi að kynna Breinholst
fyrir lesendum Fálkans því
hann er höfundur Litlu sög-
unnar. í fyrra kom út önnur
bók eftir Breinholst „Vandinn
að vera pabbi“ og naut hún
mikiila vinsælda. Andrés Krist-
jánsson ritstjóri hefur þýtt
þessa bók sem og fyrri bók
höfundar.
„Við ókum suður“, nefnist
ferðasaga frá Frakklandi og
Norður-ltalíu, eftir kunnan
danskan blaðamann, Jens
Kruuse. Bókin ber tvenna und-
irtitla: Og konan mín hafði
fjárráðin. Og: Fimmtán kaflar
og sex póstkortaumslög, ásamt
viðbæti, sem höfundur bókar-
innar neitar að ábyrgjast. Mun
þar átt við eítirmála sem
ferðafélagi Kruuse, Einar Sig'
fússon íiðluleikari í Árósum
skrifaði. Bókin er skrifuð í létt-
um og skemmtilegum stíl.
Andrés Kristjánsson ritstjóri
þýðir bókina.
Þá gefur Fróði út barnabók-
ina, Palli og Pési, eftir Kára
Tryggvason. Kári er löngu
kunnur fyrir barnabækur sín-
ar sem notið hafa mikilla vin-
sælda hjá þeim lesendum sem
þær eru samdar fyrir. Ragn-
hildur Ólafsdóttir myndskreyt-
ir bókina. „ .
C fXlkinn