Fálkinn - 21.02.1966, Blaðsíða 4

4*0'
Benedikt Viggósson skrifar
fyrir unga íólkiS.
dansa Jenka
Spjaiaö við
Bermami Ragnar danskennara
Margir dansar hafa náð vinsældum hér á landi, en fáir
hafa notið jafn almennra vinsælda og dansinn Jenka, enda er
þetta einkar stílfagur og skemmtilegur dans og útheimtir
ólíkt kraftalegri hreyfingar en t. d. TWIST.
Þegar mér var tjáð, að Hermann Ragnar, danskennari
hefði fyrstur manna kynnt umræddan dans hér á landi, hafði
ég snör handtök og heimsótti hann ásamt ljósmyndara í
Skátaheimilið, þar sem hann var önnum kafinn við að kenna
nemendum sínum.
Ég beindi fyrstu spurningunni að danskennaranum.
— Hvaðan er Jenkadansinn upprunninn og hvar og hvenær
var hann fyrst kynntur?
— Dansinn er finnskur, þó ekki eiginlegur þjóðdans,
en hann nýtur mikilla vinsælda í Finnlandi og hefur verið
dansaður þar í um áraraðir, líkt og Ræll og Skottís hér heima.
Fyrir um það bil 10 árum var Jenka mjög vinsæll í Banda-
ríkjunum og gekk þar undir nafninu BUNNY HOP, en þá
var hann aðeins stíginn á einn veg, þ. e. a. s. í einfaldri röð,
en Jenka má dansa á marga vegu. Til dæmis þannig, að
dansendur myndi hring eða þá, að pörin leiðast eins og í
mars. Nú svo má einnig stíga dansinn á þann máta, sem hann
varð vinsælastur í Bandaríkjunum, þ. e. a. s. í einfaldri röð
eða halarófu, eins og krakkarnir segja.
Árið 1964 var ráðstefna danskennara haldin í Kaupmanna-
höfn. Á þessari ráðstefnu sýndu allir meðlimirnir einn dans,
hver frá sínu landi. Þegar kom að Finnum sýndu þeir þennan
margumtalaða dans og það var ekki að sökum að spyrja,
Jenka vakti þegar almenna hrifningu.
— Hvenær var hann kynntur hér fyrst?
— Það var haustið 1964 og ég held, að mér sé óhætt að
segja, að við höfum verið fyrst til að kynna hann hérlendis,
en það var á nemendasýningu á skemmtun innan skólans.
Ekki náði hann þó teljandi vinsældum um þær mundir, enda
hafði lítið borizt af Jenkalögum til landsins.
— Er nýr dans lengi að öðlast vinsældir?
— Já, það getur tekið allt að hálft ár. Við getum tekið
Cha Cha Cha sem dæmi. Fólki þótti gaman að horfa á hann,
en almennum vinsældum náði hann ekki fyrr en eftir 6—7
mánuði frá því, að hann var fyrst kynntur. Nú, svo eru líka
dansar, sem ná strax nokkrum vinsældum, en eru þess fljót-
ari að hverfa, eins og t. d. ísraelski þjóðdansinn HAVA
NAGEELA. í þessum málum eiga hljómsveitirnar töluverða
sök því þær eru alltof ragar við að kynna nýja dansa.
— Hvað um Zorbadansinn?
— Zorba eða SERTAKI, eins og hann heitir er ævagamall
grískur þjóðdans, sem hefði aldrei komizt í sviðsljósið, ef
Jenka danslýsing eftir Hermann Ragnars
Grunnspor:
A. 1. Létt hopp 4 sinnum á hægra fæti — fljótt
2. Létt hopp 4 sinnum á vinstra fæti — fljótt
3. Létt hopp jafnfætis á táberginu fram — hægt
4. Létt hopp' jafnfætis á táberginu til baka — hægt
5. Létthopp 3 sinnum jafnfætis á táberginu og færast
fram — fljótt.
B. 1. Meðan létta hoppið 4 sinnum á hægra fæti er gert,
setur maður vinstri fótar hæl fram á fyrsta hoppi og tá
að hægri tá á öðru hoppi og hæl fram á þriðja hoppi
og fætur saman á fjórða hoppi.
2. Endurtaka sama og nr. 1 nema með hægra fæti
3. — 4. — 5. sama og í lýsingu A.
Afbrigði:
1. — 2. Leiðast eins og í mars og endurtaka hoppið eins
og gert er í B.
3. Létt hopp til hliðar að hvoru öðru — hægt
4. Létt hopp til hliðar frá hvoru öðru — hægt
5. Skipta um stað á jafnfætishoppunum, þannig að daman
hoppar inn að miðju fyrir framan herrann en herrann
út að vegg fyrir aftan dömuna.
4
FALKINN