Fálkinn - 21.02.1966, Blaðsíða 5

að Anthony Quinn hefði ekki dansað hann í kvikmyndinni
umtöluðu, ZORBA. Þessi gríski dans hefur ekki náð almenn-
um vinsseldum hérlendis, til þess er hann of erfiður, en flestir
eru sammála um það, að Sertaki sé mjög þokkafullur og
fallegur á að horfa.
— Eru TWIST og SHAKE að líða undir lok?
— Að minnsta kosti er alveg hætt að biðja um kennslu
á þeim og á það jafnt við unga sem aldna. Hins vegar eru
þessir dansar enn dansaðir á hinum svokölluðu táningaböllum,
en þó virðast þeir einnig vera að hverfa þar og BLUE BEAT
og HULLY GULLY að taka við. Að mínum dómi kæmi Blue
Beat helzt til greina sem arftaki Jenka, en að sjálfsögðu er
ekkert hægt að fullyrða um það. Annars virðist þróunin vera
sú, að þeir dansar, sem þarf að hafa dálítið fyrir, eiga dálítið
vaxandi vinsældum að fagna.
— Það kvarta margir undan því, hvað það sé erfitt að
dansa Jenka.
— Fólk gerir sér þetta alltof erfitt. Það tekur t. d. yfir-
leitt of stór hopp, en þreytan kemur þó aðallega vegna þess,
að beitt er öllum fætinum í hoppinu, en með réttu á aðeins
að koma niður á tábergið.
— Eru einhverjir í þessum hópi, sem eru hjá þér núna,
sem kynntu þennan dans upphaflega á umræddri skóla-
skemmtun?
— Já, það vill svo vel til, að þau eru hér öll.
— Ég hefði gaman af því að ræða stuttlega við eitt parið.
— Það er alveg sjálfsagt, ég skal hóa i þau.
Hermann Ragnar gengur að hópnum og kemur von bráðar
í fylgd með ungri stúlku og pilti.
Daman heitir Ingibjörg Jónsdóttir og var búin að vera 7 ár
í dansskóla Hermanns Ragnars. Hún var í hópi þeirra, sem
kynntu Jenka fyrir 2 árum og pilturinn einnig. Hún stað-
hæfði, að þessi dans væri mun skemmtilegri en Twist. Gallinn
væri bara sá, að Jenka væri lítið dansaður í LÍDÓ, en þangað
kveðst Ingibjörg oftast fara.
Framh. á bls. 42.
FÁLKINN
5