Fréttablaðið - 05.11.2009, Blaðsíða 2

2 5. nóvember 2009 FIMMTUDAGUR
Bjarni, er verið að kála ykkur?
„Nei, en það er verið að stuða
okkur.“
Garðyrkjubændur eru ósáttir við hátt
rafmagnsverð og létu óánægju sína í
ljós fyrir utan Alþingishúsið í fyrradag.
Bjarni Jónsson er formaður Sambands
garðyrkjubænda.
HJÁLPARSTARF Allur ágóði af klipp-
ingu og litun renna til Framfar-
ar, félags karla sem hafa greinst
með krabbamein í blöðruháls-
kirtli á styrktardegi hárgreiðslu-
stofunnar 101 hárhönnun sem
haldinn verður á morgun.
„Við ákváðum það fyrir nokkru
að styrkja gott málefni með því
að gefa vinnu okkar. Við höfð-
um fylgst með söfnunum til
handa langveikum börnum og
konum með brjóstakrabbamein
en fannst vanta að sjónum væri
beint að körlum,“ segir Sigur-
björg Sandra Olgeirsdóttir, einn
eigenda stofunnar. „Við höfum
sett markið á þrjúhundruð þús-
und en svo verðum við bara að
sjá hvernig bókast.“
Sigurbjörg segir vel koma til
greina að halda sams konar dag á
hverju ári og skorar á aðrar hár-
greiðslustofur að gera slíkt hið
sama. - ve
Hárgreiðslufólk gefur vinnu:
Styrkja félag
karla með
krabbamein
UMHVERFISMÁL Gróður í friðlandi
þjóðgarðsins við Þingvallavatn
liggur undir skemmdum á sumar-
húsalóð Ágústs Guðmundssonar við
Þingvallavatn.
Ágúst, sem kenndur er við fyr-
irtækið Bakkavör og eignarhalds-
félagið Existu, keypti lítið sumar-
hús úr timbri á Valhallarstíg í apríl
2006. Bústaðurinn var síðan rifinn
á árinu 2007 og framkvæmdir hafn-
ar við tvöfalt stærra steinsteypt
hús sem nú hefur staðið hálfkar-
að frá því að fjármálakerfi lands-
ins hrundi í byrjun október í fyrra
og framkvæmdir stöðvuðust. Síðan
hefur mikill úrgangur, meðal ann-
ars mörg tonn af grjóti sem Ágúst
lét sprengja úr klöppinni á landinu,
legið í stórum pokum ofan á við-
kvæmum gróðri á lóðinni.
Álfheiður Ingadóttir, formaður
nýrrar Þingvallanefndar sem tók
við í haust, segir aðspurð að nefnd-
in hafi enn ekki stuggað við Ágústi
vegna frágangsins á lóðinni.
„Ég held að menn viti svo sem
alveg af hverju þessi viðkomandi
einstaklingur hefur ekki haldið
áfram byggingarframkvæmdum.
Hitt er annað mál að umgengni á
byggingarstað er mjög slæm og
hlýtur að koma til kasta nefndar-
innar að skoða hvernig hægt er að
bregðast við því,“ segir Álfheiður
og minnir á að mikill styr hafi stað-
ið um framkvæmdina, meðal ann-
ars vegna þess að notuð var þyrla
við efnisflutninga.
Endurbygging hefur staðið yfir á
tveimur öðrum lóðum við Valhall-
arstíg. Meðal annars á lóð Lauga
ehf. sem er í eigu Björns Leifsson-
ar og Hafdísar Jónsdóttur í World
Class og lóð hjónanna Boga Pálsson-
ar, fyrrverandi forstjóra Toyota, og
Sólveigar Dóru Magnúsdóttur.
Þingvallanefnd hefur að sögn
Álfheiðar ekki samþykkt útgáfu
neinna nýrra byggingarleyfa í
þjóðgarðinum frá því eftir alþingis-
kosningarnar síðasta vor. Öll slík
mál eru nú í endurskoðun hjá Þing-
vallanefnd. gar@frettabladid.is
Hrunið skilur eftir
úrgang í þjóðgarði
Fleiri tonn af grjóti sem sprengd voru úr klöppinni við Þingvallavatn árið 2007
liggja enn á viðkvæmum gróðri við hálfkarað sumarhús Ágústs Guðmundsson-
ar í Bakkavör. Framkvæmdir hafa legið niðri frá því í hruninu í fyrrahaust.
Á VALHALLARSTÍG Umgengnin á lóð Ágústs Guðmundssonar í þjóðgarðinum við Þingvallavatn er mjög slæm að sögn formanns
Þingvallanefndar. FRÉTTABLAÐIÐ/VILHELM
ÁGÚST GUÐ-
MUNDSSON
ÁLFHEIÐUR INGA-
DÓTTIR
DÓMSMÁL Héraðsdómur Reykja-
ness úrskurðaði í dag sexmenn-
inga sem setið hafa inni vegna
rannsóknar lögreglu á mansali
og skipulagðri glæpastarfsemi
í áframhaldandi gæsluvarðhald
til 11. nóvember.
Lögreglustjórinn á Suðurnesj-
um hafði lagt fram kröfu um að
mennirnir sex, fimm Litháar og
einn Íslendingur, yrðu úrskurð-
aðir í áframhaldandi gæsluvarð-
hald í allt að tvær vikur.
Héraðsdómur féllst á gæslu-
varðhaldskröfurnar en markaði
gæsluvarðhaldinu skemmri tíma
hjá öllum mönnunum.
- jss
Héraðsdómur Reykjaness:
Mansalsmenn
áfram inni
DÓMSMÁL Karlmanni, sem dæmdur
var í sumar fyrir hrottalega nauðg-
un, var sleppt að gengnum dómi
Hæstaréttar í gær. Hæstiréttur
sneri þar með við úrskurði Héraðs-
dóms Reykjavíkur, sem úrskurð-
að hafði manninn í gæsluvarðhald
þar til dómur í máli hans gengi í
Hæstarétti, ekki þó lengur en til
22. desember.
Maðurinn var dæmdur í fjög-
urra og hálfs árs fangelsi í júlí í
sumar fyrir að nauðga ölvaðri
konu með hrottalegum hætti í
húsasundi við Trönuhraun í Hafn-
arfirði. Hann áfrýjaði dómnum til
Hæstaréttar.
Konan sem fyrir árásinni varð
var mjög illa leikin og hlaut fjöl-
marga alvarlega áverka á líkama
og höfði. Eftir árásina greindi
sálfræðingur hana þannig að
hún hefði orðið fyrir áfalli og
kynferðislegu ofbeldi. Henni
hefði liðið mjög illa, verið mjög
hrædd og sýnt mjög alvarleg
streitueinkenni.
Í dómi Hæstaréttar segir að
Ríkissaksóknari hafi þegar í júlí
óskað eftir dómsgerðum í máli
mannsins. Þær hafi ekki verið
komnar að hálfum fjórða mánuði
liðnum. Því hafi ekki verið hægt að
dagsetja mál mannsins til munn-
legs málflutnings í Hæstarétti.
Drátturinn sé óhæfilegur og því
ekki komist hjá því að fella gæslu-
varðhaldsúrskurð héraðsdóms úr
gildi. Hæstiréttur dæmdi mann-
inn hins vegar í farbann til 22.
desember. - jss
Töf á afhendingu dómsgerða réð dómi Hæstaréttar:
Dæmdum nauðgara sleppt
HÆSTIRÉTTUR Snéri úrskurði héraðs-
dóms við.
LÖGREGLUMÁL Úttektir á erlend
greiðslukort hér á landi, sem nú
eru til rannsóknar hjá efnahags-
brotadeild Ríkislögreglustjóra
vegna skattsvika, nema samtals á
annað hundrað milljónum króna.
Skattrannsóknarstjóri sendi
efnahagsbrotadeildinni fjór-
tán kærur. Nítján manns hafa
verið boðaðir í skýrslutöku í kjöl-
far húsleita á fjórtán heimilum
og í fimm fyrirtækjum vegna
rannsóknarinnar.
Málið snýst um að hópur Íslend-
inga hafi notað erlend greiðslu-
kort til að greiða fyrir vörur og
þjónustu hér á landi. Jafnframt
hafi verið um úttektir úr hraðbönk-
um að ræða. Úttektirnar hafi verið
greiddar með tekjum sem ekki hafi
verið gefnar upp til skatts hér og
þar með sé um skattsvik að ræða.
Kortin eru flest skráð í Lúxem-
borg. Flest höfðu verið notuð í um
ár, en sum í allt að tvö ár.
Skattrannsóknastjóri sendi efna-
hagsbrotadeild einungis þau mál
þar sem tekist hafði að hafa uppi
á notendum með því að hafa sam-
band við seljendur vöru og þjón-
ustu. Samkvæmt upplýsingum
Fréttablaðsins er meðal annars um
að ræða athafnafólk úr byggingar-
iðnaði og útgerð, auk fleiri sviða
athafnalífsins. - jss
Rannsókn á skattsvikum í tengslum við erlend greiðslukort:
Úttektirnar námu á annað
hundrað milljónum króna
GREIÐSLUKORT Skattrannsóknarstjóra
tókst að hafa uppi á eigendum erlendra
korta sem notuð voru til kaupa á vörum
og þjónustu.
DÓMSMÁL Karlmaður frá Srí
Lanka hefur kært ákvörðun
dómsmálaráðuneytisins um fram-
sal til Þýskalands til héraðs-
dóms. Framsalið er til fullnustu
refsidóms sem maðurinn hlaut
í Þýskalandi fyrir sérstaklega
hættulega líkamsárás. Hann er
búinn að afplána hluta refsingar.
Hann hefur dvalið hér á landi í
sumar, en framsalsbeiðni kom
fram undir haust.
Maðurinn hlaut dóm hér á landi
í júní. Þá var hann dæmdur í eins
mánaðar fangelsi fyrir skjala-
fals, eftir að hann kom hingað á
fölsuðum skilríkjum. Héraðsdóm-
ur mun úrskurða um hvort orðið
verður við framsali. - jss
Sérlega hættuleg líkamsárás:
Kærði ákvörð-
un um framsal
SAMGÖNGUR Strætóskýlið hjá Þjóð-
minjasafninu og Háskóla Íslands
við Hringbraut hefur nú verið
upphitað og upplýst.
„Ný byltingarkennd tækni er
notuð til að glæða það lífi með raf-
magnaðri ljósadýrð auk þess sem
þráðlaust net er í skýlinu í boði
Símans. Má með sanni segja að
hér hafi gamall draumur ræst en
kaldir og slæptir stúdentar hafa
um árabil látið sig dreyma um
upphitað skýli á þessum stað,“
segir í tilkynningu frá Orkusöl-
unni um breytta strætóskýlið sem
var tekið í notkun í gær. - gar
Nýjung við Háskólann:
Internet og hiti
í strætóskýli
VIÐSKIPTI Vöruskipti voru hagstæð
um 16,4 milljarða króna í október,
samkvæmt bráðabirgðatölum
Hagstofunnar.
Útflutningur nam 47 milljörð-
um króna í mánuðinum en inn-
flutningur 30,6 milljörðum króna.
Hagfræðideild Landsbankans
bendir á að vöruskiptajöfnuður
hafi nú verið jákvæður í fjórtán
mánuði samfleytt og þetta sé
annar mesti afgangurinn sem
sést hafi í einum mánuði. Hann
var meiri í desember í fyrra
þegar vöruskipti voru hagstæð
um 24,2 milljarða króna.
Deildin áréttar að taka beri
mánaðarlegum tölum um vöru-
skipti með fyrirvara og horfa
fremur á meðaltal til lengri tíma,
svo sem til þriggja mánaða. Vöru-
skipti voru hagstæð um 10,7
milljarða króna að meðaltali á
mánuði síðastliðna þrjá mánuði.
- jab
Mjög hagstæð vöruskipti:
Jákvæð í fjór-
tán mánuði
FISKUR Sjávarafurðir eru tæpur helming-
ur af öllum útflutningi. FRÉTTABLAÐIÐ/GVA
FRAKKLAND, AP Sveitarstjórnar-
kosningar fara fram í Frakklandi
14. og 21 mars næstkomandi.
Kosningarnar eru sagðar fyrsti
prófsteinninn á stöðu UMP, flokks
Nicolas Sarkozy, frá kjöri hans til
forseta árið 2007. Vinstriflokkar
höfðu yfirburðasigur árið 2004,
með meirihluta í 20 af 22 kjör-
dæmum.
Sarkozy er með meirihluta á
þingi, en sveitarstjórnarkosning-
arnar eru sagðar gefa vísbend-
ingu um vinsældir hans og slá
tóninn fyrir pólitíska baráttu í for-
setakosningunum 2012. Forsetinn
hefur ekki enn lýst yfir framboði
á ný. - óká
Sveitarstjórnarkosningar:
Frakkar kjósa í
mars á næsta ári
DREPTU ÞIG SARKOZY Áletrun á spjaldi
í mótmælum í París 22. október vegna
ótryggs atvinnuástands í Frakklandi.
Tvær hópuppsagnir
Vinnumálastofnun bárust tilkynningar
um tvær hópuppsagnir í október.
Alls var 34 sagt upp. Um er að ræða
fyrirtæki í mannvirkjagerð og ástæðan
sem gefin er upp er verkefnaskortur.
VINNUMARKAÐUR
FR
ÉT
TA
B
LA
Ð
IÐ
/A
P
SPURNING DAGSINS