Fréttablaðið - 05.11.2009, Blaðsíða 12

12 5. nóvember 2009 FIMMTUDAGUR
SPÁNN, AP Fulltrúar Afríkuríkja
vilja að auðug ríki útskýri hvern-
ig þau hugsi sér að draga úr losun
gróðurhúsalofttegunda, náist um
það bindandi samkomulag á lofts-
lagsráðstefnu Sameinuðu þjóð-
anna í Kaupmannahöfn í næsta
mánuði.
Óttast er að ekkert verði úr slíku
samkomulagi. Fredrik Reinfeldt,
forsætisráðherra Svíþjóðar, sagði
í gær engar líkur á því að fyrir
áramót næðist neitt samkomulag
sem fæli í sér lagalega skuldbind-
ingu, eins og Evrópuríki hafa bar-
ist fyrir.
Lars Løkke Rasmussen, forsæt-
isráðherra Danmerkur, sagði hins
vegar erfitt að koma viðræðum
af stað á ný ef samkomulag næð-
ist ekki áður en fresturinn til þess
rennur út í desember.
Fulltrúar frá 192 ríkjum sitja
þessa dagana á Spáni bak við lukt-
ar dyr við að berja saman sam-
komulagsdrög sem leggja megi
fyrir ráðstefnuna í desember.
Fundarhöld féllu niður á þriðju-
dag þegar fulltrúar Afríkuríkja
gengu út til að leggja áherslu á
kröfur sínar um að auðugu ríkin
leggi meira af mörkum.
„Ég hef ekki séð neinar raun-
verulegar vísbendingar um að þau
ætli að auka metnað sinn,“ sagði
Lumumba Di-Aping, fulltrúi frá
Súdan, sem er formaður samn-
inganefndar 135 þróunarríkja, þar
á meðal Afríkuríkjanna fimmtíu.
„Við þurfum að sjá hvað gerist.“
Fundarhöldin héldu þó áfram í
gær, þegar auðugu ríkin hófu að
gera grein fyrir því hvort sam-
drætti í losun yrði náð með því að
draga raunverulega úr losuninni
eða hvort þau ætluðu að kaupa sér
losunarkvóta.
Þróunarlönd krefjast þess að
iðnríkin dragi á næsta áratugi
undanbragðalaust úr losun um
fjörutíu prósent, frá því sem var
árið 1990, til þess að draga úr því
tjóni sem loftslagsbreytingar geta
valdið víðs vegar um jörðina.
Ban Ki-moon, framkvæmda-
stjóri Sameinuðu þjóðanna, segir
öllu skipta að þessar viðræð-
ur skili árangri svo samkomulag
náist á ráðstefnunni í desember.
Ef ekkert sé að gert muni ástand-
ið versna.
„Fólksflutningar verða vegna
meiri öfga í veðurfari, svo sem
langvarandi þurrka, fárviðris og
skógarelda,“ sagði Ban á Grikk-
landi í gær, þar sem hann ræddi
við blaðamenn.
gudsteinn@frettabladid.is
Loftslagsvið-
ræður á síð-
asta snúningi
Forsætisráðherra Svíþjóðar segir útilokað að bind-
andi samkomulag náist á loftslagsráðstefnunni í
Kaupmannahöfn í næsta mánuði. Ban Ki-moon
segir öllu skipta að viðræðurnar skili árangri.
AFHENTU GRÆNAR VEKJARAKLUKKUR Yvo de Boyer, framkvæmdastjóri loftslagsráð-
stefnu Sameinuðu þjóðanna, sem er maðurinn í jakkafötunum á myndinni, fékk í
gær afhenta græna vekjaraklukku frá baráttusamtökum sem vilja minna á að tíminn
sé að renna út. NORDICPHOTOS/AFP
NEYTENDUR Mestur munur er á verði
á ávöxtum og grænmeti í nýrri
verðkönnun ASÍ. Í þeim vöruflokki
er verðmunur að meðaltali um eða
yfir 100 prósent. Mestur var hann
á rauðum eplum sem reyndust
ódýrust í Nettó á 129 krónur kílóið
en dýrust í 10-11 á 499 krónur kíló-
ið, munurinn eru 287 prósent.
Verðmunur á drykkjarvörum
er oftast á bilinu 90–110 prósent,
mestur verðmunur er á ódýrasta
fáanlegu 500 ml léttölinu sem kost-
ar 79 kr. í Bónus en 179 kr. í 10-11,
mismunurinn er 127 prósent.
Ef skoðaðar eru kjötvörur kemur
í ljós að verðmunurinn er oftast á
bilinu 60–70 prósent. Mestur verð-
munur er á ferskum kjúklinga-
bringum, þær eru ódýrastar í
Nettó á kr. 1.399 en dýrastar í 10-
11 á 3.199 kr./kg. sem er 129 pró-
senta verðmunur.
Könnunin var gerð hinn 27. okt-
óber síðastliðinn af verðlagseftir-
liti ASÍ. Oftast er ódýrasta vöru-
verðið hjá Bónus, eða í 49 skipti
af 70 vörutegundum sem kann-
aðar voru. 10-11 var oftast með
hæsta vöruverðið, eða í 35 skipti.
Bent er á að ekki reyndist unnt að
mæla verð á 21 vörutegund í 10-11
þar sem þær voru ekki fáanlegar í
versluninni.
Í könnuninni var skráð niður
hilluverð vöru, en þegar afslátt-
ur var gefinn skýrt til kynna var
skráð afsláttarverð. Skráð var kíló-
verð á vöru til þess að auðvelda
verðsamanburð. - sbt
Verðkönnun ASÍ sýnir verð á vörum oftast ódýrast í Bónus en dýrast í 10-11:
Nær 300 prósenta verðmunur á rauðum eplum
MIKILL VERÐMUNUR Á EINSTÖKUM VÖRUM**
Könnunin var gerð í eftirtöldum verslunum: Bónus Akureyri, Krónunni Vest-
mannaeyjum, Nettó Akureyri, Hagkaupum Skeifunni, Fjarðarkaupum Hóls-
hrauni, Nóatúni, Hringbraut 121, Samkaup – Úrvali Egilsstöðum, Ellefu ellefu
Vestmannaeyjum, 10-11 Borgartúni og Samkaup Strax, Suðurveri.
VARA DÝRAST* ÓDÝRAST* VERÐMUNUR
brauð 470 (Samkaup-Strax) 189 (Bónus) 149%
Ota haframjöl 778 (10-11) 392 (Bónus) 99%
Kjúklingabringur 3.199 (10-11) 1399 (Nettó) 129%
Pasta 578 (10-11) 198 (Bónus) 192%
Brún hrísgrjón 793 (Nóatún) 198 (Bónus) 300%
Rauð epli 499 (10-11) 129 (Nettó) 287%
*Kílóverð **Nánari upplýsingar á www.asi.is
ÞEIR SPARA
MEST SEM SKRÁ
SIG STRAX
-15%
Dekkja-, smur- og
viðgerðaþjónusta
Reiknaðu hvað þú sparar
og skráðu þig á N1.is.
Skráðu þig í Sparitilboð N1 og lækkaðu
rekstrarkostnað bílsins um tugi þúsunda
króna á næstu 12 mánuðum.
*3 krónu afsláttur í peningum og 2 krónur í formi Safnkortspunkta.
DALABYGGÐ Endurskoðuð fjárhags-
áætlun Dalabyggðar gerir
ráð fyrir 12,1 milljónar króna
afgangi á rekstri sveitarfélagsins
í ár. Um 49 milljóna króna við-
snúningur hefur orðið á rekstr-
inum frá því fjárhagsáætlun var
samþykkt með 37 milljóna króna
halla.
Samkvæmt áætluninni verða
heildartekjur sveitarfélagsins
673 milljónir en heildargjöldin
661 milljón.
Að sögn Gríms Atlasonar sveit-
arstjóra hefur verið gripið til
mikilla aðhaldsaðgerða í öllum
rekstrarþáttum, sem hafa skil-
að þessum árangri, auk þess sem
samdráttur í tekjum vegna efna-
hagsástandsins hefur ekki orðið
jafnmikill og upphafleg áætlun
gerði ráð fyrir.
Fjármál Dalabyggðar:
Tólf milljóna
króna afgangur
á rekstri
Fjöldi í Snorraverkefni
Nú hafa alls 159 ungmenni komið frá
Norður-Ameríku til Íslands á vegum
svokallaðs Snorraverkefnis. Það
var fyrst sett á laggirnar 1998 og er
ætlað að auka tengsl Íslendinga við
fólk af íslenskum ættum í Kanada
og Bandaríkjunum og skapa þannig
grundvöll fyrir auknum samskiptum.
Þetta kemur fram á vef sveitarfélags-
ins Árborgar.
SAMFÉLAGSMÁL
FORVITNI Hún gat ekki stillt sig um að
kíkja aðeins inn fyrir sundskýluna á
þessari styttu, sem ástralski listamað-
urinn Paul Trefry nefnir „Lítinn týndan
snáða“. NORDICPHOTOS/AFP