Fréttablaðið - 06.11.2009, Síða 16

16 6. nóvember 2009 FÖSTUDAGUR
ATVINNUMÁL Þverpólitískur hópur
Suðurnesjamanna mun á sunnu-
dag fara í eins konar Keflavíkur-
göngu að undirlagi Einars Bárðar-
sonar. Yfirskrift göngunnar er
Atvinna strax! Gengið verður frá
Voga afleggjara að Kúagerði til að
krefjast úrbóta í atvinnumálum í
landshlutanum.
Leiðin er um tíu kílómetrar
og hefst gangan klukkan 11.30 á
sunnudag. Rútuferðir verða á stað-
inn úr öllum helstu þéttbýliskjörn-
um á Suðurnesjum.
Á miðri leið stendur til að for-
svarsmenn allra stjórnmálaflokka
mæti göngunni og hlýði á boðskap
göngumanna.
Reykjanesbrautin verður ekki
lokuð á meðan, heldur verður
aðeins önnur akreinin lögð undir
gönguna. Á blaðamannafundi í
gær var gangan kynnt, og voru
þar saman komnir allir aðstand-
endur hennar, oddamenn stjórn-
málaflokka, bæjarstjórar og for-
svarsmenn verkalýðsfélaga á
Reykjanesi, lögregla, slökkvilið
og björgunarsveitir. - sh
Þverpólitísk samtök blása til Keflavíkurgöngu:
Ganga fyrir atvinnu-
úrbótum á Reykjanesi
ÍTALÍA Krossar, sem boða kristna trú, ganga
gegn réttindum fólks sem ekki er kristið, segir
í úrskurði Mannréttindadómstóls Evrópu frá
í gær. Þeir eigi því ekki heima í skólastofum
ítalska ríkisins, og skulu teknir niður.
Soile Lautsi, finnskur innflytjandi á Ítalíu,
hafði kvartað undan trúarlegri innrætingu
fyrir hönd barna sinna og beðið um að kross-
arnir yrðu fjarlægðir.
Lautsi tapaði málinu fyrir ítölskum dóm-
stólum og áfrýjaði til Mannréttindadómstóls-
ins, sem féllst á rök innflytjandans. Honum
voru dæmdar fimm þúsund evrur í „siðferði-
legar skaðabætur“ að auki. Þetta eru rúmar
923 þúsund krónur, en Lautsi hefur barist í
átta ár gegn krossunum.
Íhaldssamir stjórnmálamenn Ítalíu hafa
mótmælt úrskurðinum mikið og segja hann
ganga gegn ítölskum og evrópskum hefðum:
kristilegum rótum menningarinnar.
Rök ítalskra stjórnvalda fyrir dómstólnum
voru meðal annars þau að krossinn væri þjóð-
legt tákn Ítala, tákn um menningu, sögu og
sjálfsmynd þjóðarinnar, einnig tákn umburð-
arlyndis og veraldleika. Vatíkanið er á sama
máli og hefur lýst yfir „hneykslun og sorg“.
Dómurinn gæti haft fordæmisgildi um
notkun trúartákna í skólum hins opinbera um
víða Evrópu.
Ítölsk stjórnvöld ætla að áfrýja dómnum til
yfirdeildar dómstólsins. - kóþ
Mannréttindadómstóll Evrópu telur rangt að hafa trúartákn í skólum ítalska ríkisins:
Krossar eiga ekki heima í skólastofum
KROSSINN Ríkisreknir skólar Ítalíu eiga að hafa trúar-
legt hlutleysi í hávegum, þegar skólaskylda gildir um
alla nemendur, segir Mannréttindadómstóllinn.
NORDICPHOTOS/AFP
STJÓRNSÝSLA Hagkvæmni þess að
sameina starfsemi Þjóðskrár og
Fasteignaskrár Íslands er í skoðun
að beiðni Rögnu
Árnadóttur,
dómsmála- og
mannréttinda-
ráðherra.
Ráðherra
hefur falið sam-
ráðshópi verkið,
en hún hefur
áður lagt til
að tölvudeildir
Þjóðskrár og
Fasteignaskrár verði sameinað-
ar. Í tilkynningu ráðuneytisins
kemur fram að þegar hafi verið
ákveðið að stíga það skref frá og
með næstu áramótum. Fram-
kvæmdasýslan skoðar nú hag-
kvæmni þess að starfsemi Þjóð-
skrár flytjist til Fasteignaskrár í
Borgartúni í Reykjavík. - óká
RAGNA
ÁRNADÓTTIR
Samráðshópur ráðherra:
Þjóðskrá færi
sig milli húsa
Norræn ráðstefna
Hilton Reykjavík Nord
ica hótel
9. nóvember 2009.
Á ráðstefnunni „Atvinn
uþátttaka eldra fólks –
áhrif á heilsu og
lífsgæði“ munu virtir n
orrænir fræðimenn og
fólk úr atvinnulífinu
fjalla um eftirfarandi þ
ætti frá ýmsum hliðum
:
þjóðanna á komandi á
rum og samfélagsleg á
hrif þeirra.
opin eins lengi og hús
rúm leyfir og aðgangu
r er ókeypis.
Ráðstefnan fer fram á
ensku.
Skráning á: http://you
rhost.is/arbejde-til-all
e-2009
Dagskráin er birt á: ht
tp://www.felagsmalar
aduneyti.is/radstefnur
/
AR
G
H
1
1/
20
09
Áhrif á heilsu
og lífsgæði
Félags- og
tryggingamálaráðuneytiðNordisk Ministerråd
Atvinnuþátttaka
eldra fólks
GÖNGUGARPAR Aðstandendur göng-
unnar komu saman á fundi í gær og
kynntu uppátækið. FRÉTTABLAÐIÐ/ANTON
NÝR MAÓ Risavaxin stytta af Maó
formanni er nú í bígerð í Changsha í
Kína. Styttan verður 32 metrar á hæð
og er gerð í tilefni af því að brátt eru
115 ár liðin frá fæðingu formannsins.
Hún sýnir Maó í nýju ljósi, unglegan
með sítt og vindblásið hár.
NORDICPHOTOS/AFP
BRETLAND, AP „Hvers konar stríð
er þetta?“ spurði breska dagblaðið
Daily Mail í fyrirsögn á forsíðu í
gær, daginn eftir að fimm breskir
hermenn voru skotnir til bana í
Afganistan. Árásarmennirnir voru
afganskir lögreglumenn, sem tóku
upp vopn sín þegar Bretarnir voru
að hita sér te.
Önnur blaðafyrirsögn í gær
hljóðaði: „Blóðug svik“, og var á
forsíðu dagblaðsins Times.
Árásin hefur vakið hörð við-
brögð í Bretlandi, og vilja margir
að Bretar hætti þegar í stað allri
þátttöku í hernaði í Afganistan.
Hvernig eiga breskir hermenn að
geta barist í Afganistan ef þeir
geta ekki treyst afgönskum félög-
um sínum? spyrja gagnrýnendur.
Spurningar hafa vaknað um
hvort fjölþjóðaherlið Bandaríkj-
anna og NATO hafi hraðað um of
þjálfun afganskra lögreglumanna,
sem hafi orðið til þess að þeim sé
ekki treystandi.
Frá skrifstofu Gordons Brown
forsætisráðherra bárust þau svör
að breskan almenning þurfi að upp-
lýsa betur um markmið og áhersl-
ur aðgerðanna í Afganistan.
Bæði ríkisstjórn Verka-
mannaflokksins og stjórnarand-
staða Íhaldsflokksins hafa verið
fylgjandi veru breskra hermanna
í Afganistan, en svo virðist sem
einhverjir í Verkamannaflokknum
séu farnir að fá bakþanka, þar á
meðal Kim Howells, fyrr verandi
aðstoðar ráðherra í breska
utanríkis ráðuneytinu, sem hvetur
til þess að breskir hermenn verði
kallaðir heim frá Afganistan í
áföngum, þvert ofan í afstöðu
Gordons Brown forsætisráð-
herra.
Brown heldur til Afganistans í
dag og ætlar að flytja þar ræðu,
en ekki er vitað hvert efni henn-
ar verður.
Egon Ramms, yfirmaður í höfuð-
stöðvum NATO í Hollandi, segir að
tíminn vinni gegn fjölþjóðaherlið-
inu í Afganistan, sem á í harðri
baráttu við talibana og aðra upp-
reisnarhópa þar.
Ramms, sem hefur yfirum-
sjón með aðgerðunum í Afganist-
an, segir verulega hættu á því að
pattstaða í Afganistan geti farið að
grafa undan stuðningi almennings
í aðildarríkjum NATO við hernað-
inn í Afganistan.
Ástandið hefur versnað þar jafnt
og þétt síðustu misserin. Í gær var
svo komið að meira en helmingur-
inn af starfsliði Sameinuðu þjóð-
anna í höfuðborginni Kabúl var
fluttur burt tímabundið af öryggis-
ástæðum. gudsteinn@frettabladid.is
Árás vekur
óhug Breta
Uppnám er í Bretlandi eftir árás afganskra lögreglu-
manna á breska hermenn. Háværar raddir vilja
kalla breska herinn heim frá Afganistan sem fyrst.
FALLNIR BRESKIR HERMENN Bretum er farið að hætta að líta á blikuna, nú þegar
afganskir lögreglumenn eru farnir að ráðast á breska hermenn. NORDICPHOTOS/AFP