Vikan - 08.06.1961, Side 37

Ég hef stundum verið að velta því
fyrir mér, hve afburðagóður bridge-
spilari Sherlock Holmes hefði getað
verið vegna hinnar óviðjafnanlegu
athyglisgáfu og ályktunarhæfileika.
Varla kemur það fyrir í bridge, að
gefið sé spil, sem ekki krefst notkun-
ar þessara hæfileika.
I spilinu hér að ofan skulum við
hugsa okkur að Holmes hefði setið
I austur og sjá hvernig hann spilar
vörnina á spil austurs. Ef ykkur lang-
ar til þess að reyna ykkur líka þá
skuluð þið breiða yfir spil vesturs og
suðurs. Otspil vesturs var spaðakóng-
ur og er hann átti slaginn spilaði vest-
ur spaðaþristi. Suður lætur spaða-
fimm og spaðasjö, svo að það er mjög
sennilegt að félagi eigi tvistinn
eftir. Það er á þessu stigi, sem þú
átt að taka við vörninni. Hvað veizt
þú um hendi suðurs? Hvernig ætlar
þú að spila til þess að setja spilið
niður? Vafalaust verðið þið að fá
þriðja slaginn á lauf. „Rétt," hefði
Holmes sagt leyndardómsfullur, „og
þess vegna spilið þið auðvitað út
hjartagosa." Sagnir suðurs gefa til
kynna að hann sé með sterk spll.
Stökksögn hans í tigli áður en hann
segir laufið gefur tilefni til þess að
álykta að hann eigi a. m. k. sex tigla
en aðeins fjögur lauf. Og þegar tígul-
kóngurinn kemur upp I borði getum
við verið vissir um að tíguli suðurs
er þéttur. Nú er upplýst að suður
hefur átt a. m. k. tvo spaða og þá
vitum við um öll spil hans nema eitt.
Eigi hann einn spaða eftir er sama
hverju þú spilar en eigi hann eitt
hjarta er þýðingarmikið að taka það
af honum strax. Spilir þú hjartagosa
sérðu hvað skeður ef þú skoðar spil
vesturs og suðurs. Borðið á slaginn
og nú getur sagnhafi hent laufi i
hjartaás en verður að lokum að gefa
vestri slag á laufadrottningu.
Nú skulum við athuga hvað skeður
ef þið spilið laufi í þriðja slag. Það
getur verið að þið setjið spilið niður
en ekki ef suður hittir á rétta mögu-
leikann. Hann drepur á laufás, tekur
síðan trompin í botn og vestur verður
að finna þrjú afköst. Hann getur hent
einum spaða og einu hjarta en þá á
hann báðar drottningarnar valdaðar
eftir og getur frá hvorugri hent. Auð-
vitað reynir hann að henda frá lauf-
drottningunni, þvi að þá verður suður
að velja um hvort hann spilar upp á
að vestur hafi verið í kastþröng eða
svini einfaldlega fyrir drottninguna
hjá austri. En það er sennilegt að
suður geti rétt til ef hann er verald-
arvanur spilari ,ef til vill einungis
út af þvl að hann vill frekar vinna
spil á kastþröng en einfaldri svín-
ingu.
ÖKUGGUR
ÁRANGUR
Með Ilma lyftidufti
er árangurinn örugg-
ur.
Húsmæður sem eru
til fyrirmyndar nota
Ilma bökunarvörur.
i