Vikan - 13.05.1965, Blaðsíða 24
NÝ FRAMHALDSSAGA
EFIIR
DH¥BD WESTHEIMER
FANGARÁÐÍ
Litli ítalski varðmaðurinn dormaði
friðsamlega í plómulitum skuggan-
um af múrnum, sem lá utan um
stríðsfangabúðirnar, þegar nýi
fanginn var færður inn. Byssan
hans, sem var einna líkust leik-
fangavopni, haliaðist upp að múrn-
um við fætur hans. Varðmaðurinn
hafði séð marga bandaríska og
brezka liðsforingja komu til Campo
Concentramento Prigionieri di Gu-
erra 202, og var steinhættur að
hafa áhuga fyrir þeim. Nú orðið
tók hann aldrei eftir andlitum
þeirra, heldur aðeins fótabúnaði.
Hinn nýkomni var bandarískur flug-
ofursti, svo mikið sá varðmaðurinn
milli hálfluktra augnanna.
Ofurstinn var hávaxinn og mjög
beinn í baki. Ljósskolað hár hans
var burstaklippt og stóð beint upp,
með fáein grá hár við gagnaugun.
Andlit hans var sólbrúnt nema þar
sem sólgleraugun höfðu hlíft því
umhverfis augun, sem hann virtist
aldrei depla. I augnakrókunum voru
nokkrar fíngerðar hrukkur, og hann
pírði augun lítið eitt, ávani, sem
hann hafði lagt sér til í eitinga-
leik við flugvélar óvinanna. Þetta
var hörkulegt andlit, næstum
grimmilegt, og vottaði ekki fyrir
mildi í því. Tilsýndar var það ung-
legt, en þegar það var skoðað nær,
sýndist það aldurslegra en ætla
mátti af aldri hans, sem var þrjá-
tíu og sex ár.
Þegar ofurstinn kom inn um hlið
búðanna, hætti einn fanganna um
stund þeirri gamaniðju sinni að
gretta sig framan í hálfsofandi
vaktmanninn, sneri sér móti ofurst-
anum og hrópaði: — Þarna kem-
ur grænjaxl!
Þegar hann kom nær, ruddust
fangarnir upp að gfrðingunni og
pressuðu þá fremstu upp að gadda-
vírnum, meðan loftin ómuðu af
kveðjuhrópum.
— Halló, ofursti! Velkominn til
PG tvöhundruð og tvö!
— Höfum við náð Messínu?
— Yður þykir sjálfsagt ekkert
gaman að vera hér, ofursti.
Sá nýkomni svaraði ekki. Hann
brosti ekki heldur. Hann renndi
augunum yfir hópinn með andúð í
svip, og augu hans voru köld eins
og ís.
— Hver er elzti liðsforingi hér?
spurði ofurstinn.
Hávaxinn maður ýtti frá sér þeim
Goldffinger
Af óviðráðanlegum ástæðum hefur Vikan ekki lengur birtingar-
rétt á framhaldssögunni Goldfinger, sem verið hefur í þessu og
þrem síðustu blöðum. Handhafar birtingarréttarins í London hafa
ákveðið, að sagan skuli koma út í bókarformi á íslandi og mun
bókin vera væntanleg á markaðinn innan skamms. Lesendur
Vikunnar eru beðnir velvirðingar á þessari breytingu. í stað Gold-
fingers hefur Vikan tekið til birtingar aðra sögu, sem er æsi-
spennandi og að mörgu lejrti ekki síðri. Hún heitir: Fangaráð í
flntning’alest, og hefst í þessu blaði.
24 VIKAN 19. tbl.