Vikan - 18.04.1968, Síða 10

Á leiðinni upp í Hvalfjörð. Birgir Ágústsson undir stýri á
R 4720.
Komið p.ð flóðasvæðinu. Sæmundur Sigmundsson kominn
inn í Norðurleiðarbílinn í klofstígvélum mcð prik. Hann
var búinn að vaða og aka alla leiðina og kynna sér hana.
Sæmundur óð fyrir fyrsta kaflann og vísaði veginn. Sums
staðar þurfti hann að stjaka frá jökum, sem fyrir voru.
Lagt af stað út í. Menn úr Borgarnesi stóðu á ræsinu og
vörðuðu veginn.
Norðurleiðarrútan komin út á versta kaflann. Þar lá veg-
urinn yfir ræsi á beygju. O
J0 VIKAN 15'tbl-
Að kvöldi 7. marz í ár,
þegar vísitöluverkfallið
fræga hafði staðið í
fjóra daga, var frétt
um það í síðari kvöldfrétta-
tíma útvarpsins, að Norður-
leið ætlaði að koma farþeg-
um milli Akureyrar 0g
Reykiavíkur og öfugt þá
daginn eftir þrátt fyrir gífur-
leg flóð í Norðurárdalnum
°g ófæra vegi. Ef vegirnir
yrðu enn gerófærir daginn
eftir, átti einfaldlega að
skipa farþegunum út í
gúmmíbát og ferja þá þann-
ig yfir flóðið. Ég settist upp
í Norðurleiðabílinn í býti
morguninn eftir og sagði
Birgi Ágústssyni, eftirlits-
manni og bílstjóra, að ég
ætlaði að sjá bátsferðina.
Talstöðvar í bílum eru
töluvert þing, og við vorum
ekki langt komnir, þegar ær-
ið fjör var komið f Ijósvak-
ann. Eitt númerið kallaði
annað og skipzt var á upp-
lýsingum. Flóðið í Norðurá
var mjög í rénum og fyrstu
bílarnir að fikra sig yfir. Og
eftir því, sem við nálguðumst
Norðurárdalinn meir, lækkaði
í flóðinu.
Það endaði með því, að
báturinn var aldrei tekinn
ofan af bíl Sæmundar í
Borgarnesi, sem hafði tekið
að sér að koma bátnum á
staðinn og hafa mestan veg
og vanda af honum. Hins
vegar var vegurinn á löng-
um köflum undir vatni og
verstur þó h já svonefndu
Hvammsleyti, þar sem flóð-
ið rann með nokkrum þunga
yfir ræsi á beygju, en hafði
þó ekki enn numið veginn
°Svo við fengum að
sjá mikið vatn og jakaburð
um aHan dalinn, þótt við
færum á mis við gúmmíbát-
inn- Annars sagði Leópold f
Hreðavatnsskála um gúmmí-
bátahugmyndina, að hún
væri svo vitlaus, að Norður-
árdælingar brostu ekki einu
sinni að henni. Ég hygg, að
einhverra hluta vegna van-
meti hann þá Norðurleiða-
menn, sem um árabil hafa
giftusamlega flutt þúsundir
farþega við alls konar erf-
iðar aðstæður.
°g ef einhvern tíma rek-
ur að því aftur, að Norður-
leið neyðist til að reyna að
ferja farþega sína leiðarbrot
í gúmmíbáti, er líklegt að
Vikumenn verði þær nær til
að fylgjast með og taka þátt.
Meðfylgjandi myndir eru
teknar ( bátsferðinni, sem
aldrei var farin.
Sig. Hreiðar.