Vikan - 13.11.1969, Blaðsíða 26

Hér á dögunum komu rússnesk herskip í kurteisisheimsókn og bærinn fylltist af rúss-
neskum dátum, sem fóru í Iitlum hópum um bæinn með offísera í broddi fylkingar.
Sumir urðu guðhræddir og héldu, að Rússarnir væru komnir í alvöru. Og meira að
segja Æskulýðsfylkingin varð súr á svip og taldi, að hér væri um samsæri að ræða hjá
Rússum og Bandaríkjamönnum. Þeir mótmæltu öllu kurteisisheimsóknafargani! Allt
um það settu rússnesku dátarnir svip á bæinn í nokkra daga. Og ljósmyndari Vikunn-
ar fór á stúfana og tók svipmyndir af þeim, sem við birtum á þessari opnu.
4 Sviðsmynd af forvitnum strákum og rússneskum dátum á leið í land.
4 Ungur, rússneskur sjóliði
í fullum skrúða hallar sér upp
að skipi sínu og virðir fyrir
sér íslenzkt umhverfi: nýtt og
framandi. l»að er ekki á hverj-
um degi sem rússneskir sjólið-
ar heimsækja land, sem er í
Atlantshafsbandalaginu.
Strákarnir þyrptust í
kringum einn liðsforingjann,
sem var kumpánlegastur við
þá. Sumum gaf hann mynd af
Lenin og þá var nú heldur bet-
ur uppi fótur og fit. Allir vildu
fá mynd af Lenin.
Þau voru tignarleg á að líta,
rússnesku skipin, þar sem þau
lágu við bryggju í Reykjavík-
urhöfn og meira en lítið ógn-
vekjandi, ef þau hefðu ekki
verið í kurteisisheimsókn.