Vikan

Tölublað

Vikan - 26.06.1975, Blaðsíða 13

Vikan - 26.06.1975, Blaðsíða 13
leysisköst, en ég hnupla hér orð- um skáldsins og bendi á aö ,,ég ræðst alltaf á þaö sem mér er um megn, og þess vegna get ég aldrei frelsaö heiminn." Með kveðju frá húsmóður i dreifbýlinu. Frímerki. Ó elsku Póstur! Ég vona að þetta bréf lendi ekki i þinni frægu ruslakörfu. Nokkrar spurningar. 1. Hvar getur maður gengið i Frimerkjasafnarafélag Islands? 2. Hvað kostar það? 3. Nýtur maður nokkurra sér- réttinda? Vertu sæll eða sæl, Björn 13. Félagiðheitir nú reyndar Félag frimerkjasafnara og utanáskrift þess er Pósthólf 171, Reykjavik. Arsgjald félagsmanna er 200—300 krónur, en sú þjónusta, sem félagið lætur einkum af hendi við félagsmenn er fóigin i fundar- höldum, en félagið kemur frimerkjasöfnurum i samband hvern við annan og heldur með þeim fundi, þar sem þeir ræða sin málefni. Post scriptum: Ég gleymdi öllu þessu, sem maður sér venjulega skrifað i Vikunni, svo sem stjörnumerkja fyrirspurnum o.s.frv. En vitið þið, hvar er hægt að finna stjörnuglóp, sem gerir hóróskóp? Ég veit, hver og hvar Astró er, en segið mér eitthvað um aðra stjbrnuspekinga. Og um Amy Engilberts. Með efni Vikunnar er ég harðánægð, kannski óþarflega margar auglýsingar en þó allt I lagi, ef verð fylgir auglýstri vöru. Ég þægi fleiri smásögur innlendra höfunda. Annars er Vikan i minum augum afbragð annarra blaða, utan eitt atriði. Ég get ekki keypt hana eins oft og mig langar til, hún er svo dýr fyrir minn efnahag. Fint hjá ykk- ur að hafa tiskusiðu. Bilasíðurnar eru fyrirtak. Mig langar lika til að þið fáið viðtal við konur á öllum aldri t.d. einu sinni i mánuði. Svo langar mig, ef þið sjáið ykkur fært, að hafa fréttapistil úr sitt hverju byggðarlagi annað veifið, gjarnan með myndum, þar sem væru þá viðtöl við ýmsa af staðarbúum, gæti veriö tilbreyt- ing fyrir blaðamann að skreppa. Og svo er ég svo veiklynd að spyrja. Hvaö lestu úr skriftinni, og er réttritun mjög ábótavant? Ég veitum hroðvirknina og kæru- leysið. Já, eitt enn, gætuð þið sýnt mér inn I hljóðfæraverslanir, til- greint verð á hljóöfærum og tekiö viðtal við Braga Hllöberg, Garöar Jóhannesson, Magniis Ingimars- son, Eyþór Þorláksson og aöra góða menn? Svo bið ég forláts á tilætlunar- seminni, óvónduöu bréfsefni og glórulausum vaðli úr einu i ann- að. Með vinsemd og virðingu B.G. Þetta er reyndar óvenju langt bréf til birtingar i Póstinum, en það er óvenjulegt um fleira en lengdina, og Pósturinn þakkar bréfið, hann hefur ekkert á móti ritræpu af þessu tagi. Ekki er vist, að Vikan geti uppfyllt allar óskir þlnar varðandi efni, en þær verða allar teknar til athugunar. Skriftin er lagleg og bendir til þess, að þú sért sjálfstæð og ákveðin bæði við sjálfa þig og aðra og auk þess gædd skopskyni, sem er mikilsverður eiginleiki. Og þú færð ágætiseinkunn fyrir stafsetninguna. Skulda 20 þús. Kæri Póstur. Þannig er mál með vexti að ég skulda vinkonu minni 20 þúsund krónur, og ég hef enga vinnu og engan pening. Kæri Póstur, viltu segja mér hvað ég á að gera ann- ars drepst ég næst þegar vinkona min sér mig vegna þess að hún er alveg óö i þá (peningana). Vilt þú svara mér, annars kemst ég aldrei lifandi út úr þessu. Hvað heldur þú að ég sé gömul? Ein, sem deyr næst þegar hún sér vinkonu sina. Ég fé ekki betur séð en að þú hljétir að biðja vinkonu þlna um gjaldfrest. Það kann aldrei góðri lukku að stýra að taka lán nema maður sé viss um að vera borgunarmaður fyrir þeim pen- ingum, sem fengnir eru að láni. Hitt er ég viss um að ef vinkona þin er vinur I raun, þá mun hún sjá I gegn um fingur sér I þetta sinn. Þetta þýðir þó ekki að alltaf sé hægt að treysta þvi að vinir haldist ef komið er fram við þá af óheiðarleika og að góður vinur fyrirgefi allt. Einatt er happasæl- ast að ástunda heiðarleika en steypa sér ekki út i skuldir án þess að geta endurgreitt. Ætli þú sért ekki 14 ára. Pennavinir Gunnhildur Konráðsdóttir, Hamrahlið 14, Ýopnafirði vill skrifast á við stráka og stelpur á aldrinum 12—13 ára. Svarar öll- um bréfum en óskar eftir mynd með fyrsta bréfi. Hefur fullt af áhugamálum. 26. TBL. VIKAN 13

x

Vikan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikan
https://timarit.is/publication/368

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.